مسيحيت

د ويکيپېډيا، وړیا پوهنغونډ له خوا
(له عيسويت نه مخ گرځېدلی)
ورټوپ کړه: گرځښت, پلټل
د غربي نړۍ له آنده د عیسی علیه السلام انځور او دلته ېې د خبرو په حال کې انځور کړی

عیسویت یا مسیحیت يو ابراهيمي دين ، اوسني مسيحيان په تثليت عقيده لري او عيسی خدای او د خدای زوی گڼي، مسيحيان درې خدايان مني لومړی الله تعالی دوېم عيسي ابن مريم او درېم روح القدس يعني جبرائيل.په مسيحيانو کې ځني فرقې داسې هم شته چې هغو مريم د خدایي برخه گڼي او داسې فرقې هم شته چې هغو عيسي عليه السلام صرف د الله نبي او رسول گڼي لکه څنگه چې د مسلمانانو عقيده ده

مسلمانانو په نظر کې[سمول]

عیسویت یا مسیحیت یا نصرانیت هماغه دین دی چې الله ج د موسی علیه السلام د دین د بشپړیدو په خاطر په عیسی علیه السلام رانازل کړی و، دغه دین بني اسرائیلو ته راغلی و چې هغوی یې د نفس او وجدان تهذیب ته بلل، خو له بده مرغه چې د تحریف او تغییر لاسونه ورننوتل او دغه دین یې له آسماني بڼې نه واړاوه.

عيسی علیه السلام په اسلام کې حيثیت[سمول]

عيسٰیؑ پہ اسلام کہ د پنڅ عظیم پیغمبرانو نہ دے۔او یو مسلمان د ھعہ پورے مسلمان نہ شی کیدے چہ د څو پورے ھعہ عیسٰیؑ نہ منی۔

عیسی علیه السلام په پخواني عيسويت دین کې حيثيت[سمول]

عیسی علیه السلام په نننۍ غربي نړۍ کې حيثيت[سمول]

د الله ج په دین کې تغییر او بدلون[سمول]

په دین کې د تحریف لاملونه[سمول]

ددغه دین پیروان مغلوب او کمزوري و، ځکه چې له پیل نه پرې دښمنانو یرغل کړی وو، یهودو عیسیعلیه السلام تعقیباوه او د هغه د وژنې تصمیم یې ونیو،خو الله ج ترې نه وژغوره خو پیروان یې تر پایه د یهودانو لخوا تر تعقیب او تعذیب لاندې و.

انجیل لمنځه لاړ او سند یې هم ویجاړ شو[سمول]

نن هغه انجیل چې الله ج نازل کړی وو په مختلفو بڼو وجود لري چې موضوعات یې له یو بل سره تضاد او ټکر لري، یو انجیل هم په مستقیم ډول د عیسی علیه السلام له خولې نه ندی لیکل شوی، پدې سربیره چې هغه له منځه تللی بلکې د روایت هغه عادي شرطونه چې یو آسماني کتاب یې غوښتنه کوي هم په اوسنیو انجیلونو کې نشته، ځکه چې دغه ټول آسمان ته د عیسی علیه السلام له پورته کولو نه وروسته لیکل شوي دي، نه یې لیکوال معلوم دی او نه هغه سرچینه چې دوی پرې تکیه کړې ده.

د یهودي پولس لاسوهنې[سمول]

یهودی پولس د عیسی علیه السلام او دهغه د دین له سرسختو دښمنانو نه وو په ډیره چالاکۍ سره وتوانیده څو ځان په مسیحیانو وتپي او پدې توگه یې د دښمنۍ له امله په انجیل کې لاس وواهه او پوره تحریف یې پکې وکړ، دغه دین یې له خپل اصلي شکل او بڼې نه وویست او شرکي عقاید او تصورات یې پکې داخل کړل، لکه:

  • عیسی علیه السلام د خدای زوی دی.
  • عیسی علیه السلام ددې لپاره پیدا شوی دی څو د نورو انسانانو د گناهونو په بدل کې په دار وځړول شي.
  • انسان یوازې په باور نجات مومي او عمل ته هیڅ اړتیا نشته.

د مسیحیانو عقیدې[سمول]

الوهیت او تثلیث[سمول]

مسیحیان په الله ج باندې ایمان لري خو عیسی علیه السلام او جبرائیل علیه السلام ورسره شریکان نیسي ، چې پدې اړه هم د هغوی د کلیساوو ترمینځ ستر اختلاف موجود دی، بداسې حال کې چې الله ج ورته وایي:

   
مسيحيت
اې اهل کتابو! تاسې په دین کې غلو(زیاتي) او افراط مه کوئ او د الله(ج) په اړه له حق پرته بله خبره مه کوئ، حقیقت دادی چې عیسی علیه السلام، د بي بي مریم زوی د الله استازی او پیغمبر دی ، د الله خبره ده چې الله پاک بي بي مریم ته رسولې ده او د الله(ج) لخوا روح دی، نو په الله او د هغه پر پیغمبرانو باندې ایمان راوړئ، دا مه وایئ چې الله درې دی له دغې پوچې خبرې نه لاس واخلئ، چې پدې کې مو گته ده ، الله(ج) یو ذات دی او دا ناشونې ده چې هغه دې زوی ولري.
   
مسيحيت

د نساء سورت, ۱۷۱م آيت


د قیامت ورځ حساب[سمول]

عیسویان په دې باور دي چې د قیامت په ورځ به حساب او کتاب عیسی علیه السلام ته وسپارل شي، پداسې حال کې چې الله ج وایي:

   
مسيحيت
او هغه وخت چې الله پاک به عیسی علیه السلام ته ووایي آیا تا خلکو ته ویلي دي چې له اللهج پرته ، ما او زما مور هم په خدایي ونیسئ؟ عیسی علیه السلام به ووایي: اې الله! تا زه له دې نه پاک گڼم چې شریک ولرې،ماته نه ښایي چې داسې خبره وکړم چې هغه زما حق نه وي، که مې ویلي وي نو یقینا ته به پرې خبر یې، ته زما د داخل له راز نه هم خبر یې او زه له هغه څه نه چې تا له ما پت کړي دي زه ناخبره یم.
   
مسيحيت

سورت مائده, ۱۱۶م-۱۱۷م آيت


په دار ځړول[سمول]

صلیب د عیسویانو نښه ده او دوی یې سپېڅلې گڼي او سوچ کوي چې عیسی علیه السلام په دار ځړول شوی دی، پدې اړه یې هم له حقیقت نه لرې خرافاتي داستان جوړ کړی دی چې: کله چې آدم علیه السلام له هغې ونې نه چې دی ترې منع شوی وو خوراک وکړ نو گناه یې د هغه اولاد ته نقل شوه نو الله پاک د آدم علیه السلام ټول اولاد ته په غوسه شو، خو ددغې گناه د جبران لپاره او د ټولو انسانانو د نجات لپاره یې خپل یوازینی زوی ( عیسی علیه السلام ) په دار وځړاوه او عیسی علیه السلام هم په خپله خوښه دار ته پورته شو، نو د انسانانو گناه معاف شوه.

پداسې حال کې چې فرآن کریم ددغې غلطې او خرافاتي عقیدې په رد کې وایي:

   
مسيحيت
اللهج پردوی باندې د دوی د کفر او هغه تهمت له امله چې په بي بي مریم علیه السلام پورې یې وتاړه په قهر شو، او دوی به دا هم ویل چې ، مونږ عیسی علیه السلام د مریم زوی او د الله پاک پیغمبر وواژه، حال دا چې دوی نه هغه وژلی دی او نه یې په دار ځړولی دی بلکه خبره په دوی باندې گډه وډه شوه ( دوی یې په ځای بل څوک وواژه) …یقینا دوی هغه ندی وژلی بلکې الله تعالی هغه خپل لور ته پورته کړی دی او الله(ج) توانمن او حکیم ذات دی.
   
مسيحيت

د نساء سورت, ۱۵۶م- ۱۵۸م آيت


اعتراف[سمول]

عیسویان چې کله گناه وکړي نو بیا د یوه دیني شخصیت په وړاندې په خپله گناه اعتراف وکړي نو دوی عقیده لري چې پدې سره به یې گناهونه معاف او عذاب ترې ساقطیږي.

رباني عشاء او استحاله[سمول]

عیسویان په دې باور لري چې عیسی علیه السلام له دار ځړیدو نه یوه شپه وړاندې خپل دوستان راټول کړل او په ټولو یې شراب او ډوډۍ وویشله نو ځکه خو اوس عیسویان هم یوه شپه راټولیږي ، شراب او ډوډۍ خوري او فکر کوي چې دغه شراب او ډوډۍ یې د عیسی علیه السلام وینه او غوښه وخوړله او دغه څه چې د چا خیټې ته لاړل نو عیسی علیه السلام یې له ځان سره گډ شو.

د خنزیر غوښه[سمول]

په داسې حال کې چې تورات د خنزیر غوښه حرامه کړې ده دوی هغه حلاله کړه، د انسان ختنه کول چې رواوو دوی حرام کړل او شراب یې هم حلال کړل.

د جنت ټکټ[سمول]

کلیسا خپلو خلکو ته د پیسو په بدل کې د جنت ټکټ ورکوي چې د خریدار گناه پرې معاف شي او په جنت کې یوه نمره ځمکه ورته ورکړل شي.

تنصیر او تبشیر څه شی دی؟[سمول]

تنصیر دیني و سیاسي او استعماري حرکت دی چې د نړۍ په مختلفو وگړو کې د مسیحیت دین خپرول غواړي ، هغوی له خپل استعمار لاندې راولي او دغه ته بیا دوی د تبشیر نوم ورکوي چې معنا یې زیری ورکول دي.

موخې یې[سمول]

  1. د توحید عقیده لمنځه وړل او د تثلیث شرکي عقیده خپرول.
  2. مسلمانان د خپل دین په اړه شکمن او بې باوره کول.
  3. په قران کریم کې تحریف کول او مسلمانان د هغه نه بل خوا اړول.
  4. د حضرت محمد صلی الله علیه وسلم په نبوت کې شک پیداکول.
  5. اسلامي شریعت له واک او حکومتي نظام نه لرې کول.
  6. په ټولنه کې اسلامي تعلیمات، اداب، اخلاق او ارزښتونه ختمول.
  7. داسلام په لور د مسیحیانو له راتگ نه مخنیوی کول.
  8. اسلامي هیوادونه او ملتونه ښکیلول.
  9. د هیوادونو قانون جوړونه، تعلیم، اقتصاد او فرهنگ په خپل لاس کې نیول.

د تنصیر د کار پړاوونه[سمول]

مسیحیان چې غواړي مسلمان له دین نه واړوي نو له درې پړاوونو نه یې تیروي:

  1. له دیني التزام نه یې وباسي.
  2. بې دینه یې کړي.
  3. مسیحیت ته یې ننباسي.

د تنصیر وسایل[سمول]

د مسیحیانو د تنصیري پروسې وسایل په لاندې ډول دي:

  1. تعلیمي ادارې جوړول.
  2. تعلیمي نصاب او سیستم غربي کول.
  3. تحصیلي بورسونه.
  4. روغتیایي خدمات او کلینیکونه.
  5. کتابونه او مجلې خپرول.
  6. رادیوگانې او تلویزیونونه جوړول.
  7. سپورتي کلپونه جوړول.
  8. کلتوري مرکزونه جوړول.
  9. کتابتونونه جوړول.
  10. مرستندویه موسسې جوړول.

حق دین[سمول]

الله ج ټول پیغمبران د انسانانو د لارښوونې لپاره استولي دي تر څو خلک له تیارو نه رڼا ته، له گمراهۍ نه هدایت ته، له باطل نه حق ته او له شرک نه توحید ته وباسي، د وروستني پیغمبر حضرت محمد صلی الله علیه وسلم له بعثت نه وړاندې به هر پیغمبر یوازې یوه قوم او یوې سیمې ته راتللو او شریعت به یې هم په هماغه قوم پورې ځانگړی ووخو وروسته د الله پاک فیصله داسې شوه چې دغه سلسله په حضرت محمد صلی الله علیه وسلم باندې پای ته ورسوي او د هغه دین نړیوال او شامل او کامل دین وگرخوي او همداسې وشول، نو د اسلام په راتگ سره ټول پخواني دینونه ختم شول، یوازې اسلام به ترقیامت پورې د الله ج حق دین وي او له اسلام پرته بل هیڅ دین هم الله(ج) ته د منلو ندی او که څوک په بل دین وي نو هغه به په گمراهۍ او تاوان کې وي ، الله (ج) فرمایي:

   
مسيحيت
ان الدین عند الله الاسلام
   
مسيحيت

د آل عمران سورت, ۱۹م آيت


"دین د الله په وړاندې یوازې اسلام دی."

   
مسيحيت
و من یبتغ غیر الاسلام دینا فلن یقبل منه وهو فی الآخرة من الخاسرین
   
مسيحيت

د آل عمران سورت, ۸۵م آيت


"څوک چې له اسلام پرته بل دین لټوي ، له هغه نه به هیڅ کله هم ونه منل شي او په آخرت کې به له تاوانیانو څخه وي."

نو پدې بنسټ مونږ مسلمانان باید د الله(ج) شکر ادا کړو چې په حق دین ( اسلام ) باندې یې پیدا کړي یو ، باید پر اسلام وویاړو ، عملي یې کړو او نور لارورکی بشریت هم ورته راوبلو.

سرچينې[سمول]