گل آغا شېرزی

ګل آغا شيرزی; ګل آغا
	شېرزى د ٢٠٠٩ زېږدیز کال د اکتوبر مياشت، جلال آباد شېرزى د ٢٠٠٩ زېږدیز کال د اکتوبر مياشت، جلال آباد
د افغانستان د ننگرهار ولايت والي
	د واکمنۍ دوران; ١٢ جولای ۲‌‌‌‌‌‌‌‌‌۰۰۵ – اکتوبر ٢٠١٣
مولوي عطاالله لودين
د افغانستان د سرحدونو او قبایلو چارو وزیر
	د واکمنۍ دوران; ٢۵ جولای ٢٠١٧ – ۱۵ اګست ۲۰۲۱
د شخص معلومات
پيدايښت	1954 (اصطلاحي تېروتنه: د ناپېژندلې ليکنښې لوښه "۲".–اصطلاحي تېروتنه: د ناپېژندلې ليکنښې لوښه "۲". کلن); کندهار، افغانستان
تابعیت	افغانستان
مذهب	اسلام
ګوند	خپلواک
عملي ژوند
کار/مسلک
	سمول

گل آغا شېرزی د افغانستان ۱۳۹۳ د ولسمشریزو ټاکنو نوماند وو، همداراز نوموړی د ننگرهار ولايت او کندهار ولايت والي هم تېر شوی. کله چې په ۱۹۹۱ زېږدیز کال کې د افغانستان ديموکراتيک جمهوريت حکومت ړنگ شو نو له هماغه وخت وروسته له ۱۹۹۲ ز. کال څخه تر ۱۹۹۴ ز. کال پورې د کندهار والي او ملي محاذ غړی وو.

مخينه

ښاغلی شیرزی په ۱۳۳۳لمریز کال دکندهار دډنډاولسوالی په روح ابادکلي کي زیږیدلی دی گل آغا شېزی په خټه پښتون او د کندهار د بارېکزیو څخه دی. کله چې گل آغا شېرزی پيدا شو نو نوم يې شفيق ؤ. نوموړی د يوه غښتلي مجاهد حاجي عبدالطیف خان اکا زوی دی. کله چې د روسانو پر وخت جهاد اعلان شوی ؤ او گل آغا شېرزی د خپل د پلار تر څنگ د جهاد لپاره ودرېده نو په همدغه وخت کې ورته د گل آغا نوم ورکړ شو. د نوموړي پلار چې کله ووژل شو نو ده هم د خپل نوم سره د شېرزي تخلص وتاړه.

ستاینه

گل آغا شېرزی له دې امله ستایل کیږي چې له کندهار نه یې د طالبانو په ایستلو کې له امریکا سره مرسته کړې ده. د هغه په باب دا هم ویل کیږي چې د کندهار د والي په توگه یې په دغه ولایت کې د کوکنارو د کر او کاروبار مخه نیولې وه.