جنرال عبدالرازق

د ويکيپېډيا، وړیا پوهنغونډ له خوا
Jump to navigation Jump to search
شهيد لوی پاسوال جنرال عبدالرازق خان اڅکزي
جنرال عبدالرازق اڅکزي
رازق
عبدالرازق
د جنرال عبدالرازق اڅکزي انځور
د جنرال عبدالرازق اڅکزي
انځور

د شخص معلومات
پيدايښت ١٩٧٩
سپين بولدک، کندهار
وفات ١٨ اکتوبر، ٢٠١٨ (په ٣٩ کلنۍ کي)
کندهار  د د مړينې ځای (P20) برخه د ويکيډاټا له لارې سمه کړي
د مړینې لامل مرمۍ زخم  د cause of death (P509) برخه د ويکيډاټا له لارې سمه کړي
قتل طالبان  د killed by (P157) برخه د ويکيډاټا له لارې سمه کړي
تابعیت افغانستان  د د ښارونډۍ هېواد (P27) برخه د ويکيډاټا له لارې سمه کړي
کنیت رازق خان
د زړه ور جنرال لقب د ولسي جرګه لخوا
د اولادو شمېر 13   د number of children (P1971) برخه د ويکيډاټا له لارې سمه کړي
واک
Seal of the Afghan National Police (English).svg د کندهار امنیه قومندان   د واک درلودنه (P39) برخه د ويکيډاټا له لارې سمه کړي
د واکمنۍ دوران
۲۰۱۱  – ۱۸ اکتوبر ۲۰۱۸ 
Fleche-defaut-droite-gris-32.png خان محمد مجاهد 
تادین خان  Fleche-defaut-gauche-gris-32.png
Flag of the Afghan National Police (English).svg د کندهار بريد جنرال   د واک درلودنه (P39) برخه د ويکيډاټا له لارې سمه کړي
د واکمنۍ دوران
۳۱ مارچ ۲۰۱۱  – ۳۰ سپټمبر ۲۰۱۱ 
عملي ژوند
دنده پوځي افسر  د دنده (P106) برخه د ويکيډاټا له لارې سمه کړي
پوځي خدمت
وفاداري  افغانستان
برخه افغانستان سرحدي پولیس
مقام ډگر جنرال  د پوځي پوړ (P410) برخه د ويکيډاټا له لارې سمه کړي
جګړه/جګړې د لقمان کلی جګړه
جايزې
  • د ولسي جرګې لخوا د سرو زرو مډال
  • د کندهار د خلګو لخوا د سرو زرو مډال
  •  د ولسي جرګې ملي نښان [۱]
ويبپاڼه
ويبپاڼه د کندهار پولیسو ويبپاڼه

جنرال رازق په خټه پښتون او د اڅکزيو قوم څخه وو، چې د عامو خلکو ترمنځ تر ډېره په جنرال رازق ښه پېژندل کيدۍ، هغه ۳۹ کاله مخکې په ۱۳۵۸ لمريز کال کې د کندهار ولايت په سپين بولدک ولسوالۍ کې زېږېدلی وو.

هغه د کندهار ولایت امنیه قومندان وو او د کندهار یا د افغانستان د زړورو قومندانانو څخه هم حسابیدی، داسې ويل کيده، چې د هېواد په سويل او په ځانګړې ډول په کندهار ولايت کېطالبان ترټولو ډېره هڅه په دې کوله چي جنرال رازق لمه منځه يوسي، که څه هم طالبانو په څو بريدونو کې جنرال رازق په نښه هم کړ، خو نوموړی ترې روغ ووت. خو په ١٨ اکتوبر ٢٠١٨ کي په شهادت ورسيده. او هغه کندهاریانو خواخوږی هم ګڼل کيده، نو ځکه ورته په کندهار کی خلګ (رییس صاحب) هم ويل.

مخکېني ژوند[سمول]

د کندهار امنیه قومندان ستر جنرال عبدالرازق د غورک ولسوالۍ په يوه کلي کي د کلي د مشرانو سره، د طالبانو د پرشا کولو وروسته

کله چې طالبان په هېواد مسلط سول، نو د خپل حاکميت په لومړيو وختونو کې يې، د نوموړي پلار او تره ووژل. جنرال عبدالرازق په ۲۰۰۱ زېږديز کال د اڅکزيو د قوم له هغې ډلې سره يوځای سو، چې د طالبانو پر وړاندې يې جګړه او مقاومت کولو، د يادې ډلې مشري ګل اغا شيرزي او فدا محمد په نوم قومند ان پر غاړه درلوده. او بيا چې په افغانستان کې د طالبانو حکومت له منځه ولاړ او پرځای د حامد کرزي په مشرۍ لنډمهاله اداره منځ ته راغله، نو ښاغلی رازق هم سياسي او پوځي ډګر ته راغلو، په ځانګړې ډول جنرال رازق له ۲۰۰۲ زېږدي کال څخه بيا تر ١٨ اکتوبر ٢٠١٨ پورې د پوليسو په امنيتې ارګانونو کې دنده پرمخ وړل، او د کندهار د امنيه قوماندان په توګه يې دنده ترسره کول. لوی پاسوال عبدالرازق په لومړيو کې د کندهار ولايت د سرحدي پوليسو د قومندان په توګه دنده درلوده، چې د پاکستان سره پر پوله ځای پر ځای وو. په کندهار ولايت کې د نېږدې نورو پرتو ولايتونو په پرتله امنيتي وضعيت څو برابره ښه وو، د کندهاريانو په وينا په داسې حال کې چې د طالبانو په واکمنۍ کې کندهار د طالبانو مرکز وو، خو بيا هم په ياد ولايت کې د ښه امنيتي وضعيت شتون د جنرال عبدالرازق د هڅو پايله وه. همدا ډول ځينې نړيوالې ادارې د جنرال رازق په اړه وايي، چې نوموړی د مخدره موادو او اپینو په قاچاق کې لاس درلود. د طالبانو پر وړاندې د جنرال رازق سخت درېځ د زيات شمېر افغانانو په زړونو کې نوموړي ته مينه پيدا کړي وه، او ښاغلی رازق يې تر ډېر شهرته رسولی وو. د ياد درېځ پر اساس جنرال رازق پرته له پښتونو د نورو قومونو د خلکو په زړونو کې هم ځای درلود او همدارنګه د نورو سياسي او پوځي لوړپوړو پښتنو چارواکو په پرتله د پخوانۍ شمالي ټلوالې له مشرانو سره هم ښې اړيکې لرلې. د جنرال رازق په اړه ويل کيږي، چې پخواني ولسمشر حامد کرزي ته له نېږدې او باور لرونکو کسانو له ډلې څخه وو.

واک ته رسيدنه[سمول]

    • جنرال عبدالرازق اڅکزی د امریکا له یرغل سره یو ځای کندهار ته راغلی، او وروسته په سپین بولدک کې د یوې پوستې قومندان وټاکل سو، او په ۲۰۰۴ز کال کې په یاده ولسوالي کې د سرحدي ځواکونو قومندان سو.
    • په ۲۰۰۶ز کال اسدالله خالد په کندهار کې والي سو، له دې سره د جنرال رازق نوم هم ډېر مشهوره سو، او بشپړه سرحدي لوا ور وسپارل سوه.
    • ښاغلي لوی پاسوال جنرال عبدالرازق اڅکزي هغه وخت د کندهار امنیه قومندانۍ ته لاره پيدا کړه، چې د کندهار پخوانی امنیه قومندان خان محمد مجاهد ووژل سو، او په ۲۰۱۱ز کال دی د ښاغلي حامد کرزي لخوا د هغه پر ځای وګمارل سو.

سياسي ژوند[سمول]

جنرال رازق د افغانستان د کندهار ولايت په ښوراوک ولسوالۍ کې د کندهار پاکونې په نامه عملیاتو کي د امريکايانو سره يو ځای

د ملګروملتو د شکنجې ضد کمېټې جنرال رازق د شخصي محبسونو پر لرلو او د بندیانو په ربړولو تورن کړی وو. دې کمېټې دا هم ویلي وو چې رازق خپل یو شمېر مخالفان په بې رحمۍ وژلي وه. [۲] په ٢٠١۶م کال کې د جنرال رازق او کندهار پخوانی والي ډاکتر همایون عزیزی ترمنځ اختلافات اوج ته ورسېدل، د ښاغلي رازق او عزیزی تر منځ اختلاف د سپین بولدک پر ګمرکي عوایدو رامنځته سو، د نني اسيا ټکي خبرپاڼې په وينا چي د ګمرګ عواید د جنرال رازق د پلویانو جیبونو ته ځي او ددوي په وينا د کندهار والي غوښتل چې عوايد حکومتي خزانې ته یې ورکړي.[۳]

د ٢٠١٨ کال په انتخاباتي چارو کې لاسوهنه[سمول]

د افغانستان د انتخاباتو د خپلواک کمیسیون رئیس ګلا جان بدیع صیاد، د چهارشنبې په ورځ (جون ١٣، ٢٠١٨) د ولسي جرګې او ولسوالیو شوراګانو ته د نوماندانو د بهیر د پای ته رسیدو د اعلانولو پر وخت یو شمیر والیان او د امنیه قوماندانان په انتخاباتو کې په مشخصه توګه د جنرال رازق نوم یاد کړي وو او ویلې وو چې د انتخاباتو خپلواک کمیسیون د افغانستان د حکومت سره پدې اړوند خپله اندیښنه شریکه کړې وه. خو جنرال رازق ادعا کړې وه چې د کندهار په ولایت کې د ۱۳۰ یا ۱۴۰ تنو پورې نوماندان وو چې د امنیه قوماندانۍ ورته استعلامونه ورکړي وو چې سوابق یې وڅیړل دي چې کومخ جرمي سابقه ونلري. جنرال رازق د انتخاباتو د خپلواک کمیسیون مستق والی تر پوښتنې لاندې راوړي وو او ادعا یې کړې وه چې ددې ولایت په اوه ولسوالیو کې نوم لیکنه نده سوې او نه انتخاباتي مواد انتقال سوي او نه هم تذکرې توزیع سوي.

عزت او مشهورتيا[سمول]

کله چې د کندهار ولايت امنيه قوماندان جنرال عبدالرازق وو، نو د کندهار ښار او په خاصه توګه د سپين بولدک په ولسوالۍ او لارو کې جنرال رازق ته حاجي رئیس ويل کېدی. نو په هغه وخت کې جنرال رازق د سپين بولدک په سيمه کې تر ډېره د جنرال صاحب، يا حاجي رئیس په نامه ياديدۍ. لوی پاسوال جنرال رازق د افغانستان د ٢٠٠٣ کال راهیسې يواځينی دولتي شخص وو، چې د هر قوم څخه يي پلويان لرل، او په اوسني دور کې يي د طالبانو او د ځينو په وينا ناټو خلاف هيڅ يو افغان هم خلاف نه وو.

د هغه د وژنې کوښښونه[سمول]

  • په ١١ جنوري ٢٠١٢ (٢١ مرغومی ١٩٣٠) باندې یو ځانمرګی برید کوونکی د مراجعینو په کتار کې د هغه د وژلو لپاره ورغلی و، چې چاودنه يې د وخت نه لرلو په خاطر له هدف وړاندې ترسره کړل. [۴]

شهادت[سمول]

دا هم وګورۍ[سمول]

نور[سمول]

جنرال عبدالرازق پرفېس بوک باندي

  1. تاند. ډاټ کام (په مې ٢٠١٧ کې). پر جنرال رازق باندې نړیوال تورونه.
  2. تاند. ډاټ کام (په مې ٢٠١٧ کې). پر جنرال رازق باندې نړیوال تورونه.
  3. نني اسيا ټکي خبرپاڼه (په ٢٩ فبروري ٢٠١۶ کې). د کندهار امنیه قومندان جنرال رازق له دندي ګوښه کيږي.
  4. بي بي سي پښتو (په ١١ جنوري ٢٠١٢ کې). د کندهار امنیه قومندان له ځانمرګي برید روغ رمټ ووت.