ملا حسن رحماني
| ملا حسن رحماني ملا محمد حسن رحماني | |||||||
|---|---|---|---|---|---|---|---|
| ملا | |||||||
| د کندهار ولایت والي | |||||||
| د واکمنۍ دوران ۱۹۹۶ – ۲۰۰۱ | |||||||
| امیرالمؤمنین | ملا محمد عمر | ||||||
| |||||||
| د جنوبي زون پخوانی تنظیمه رئیس | |||||||
| د واکمنۍ دوران ۱۹۹۶ – ۲۰۰۱ | |||||||
| |||||||
| د طالبانو د رهبرۍ شورا غړی | |||||||
| د واکمنۍ دوران ۲۰۰۱ – ۸ فبروري ۲۰۱۶ | |||||||
| امیرالمؤمنین | ملا محمد عمر | ||||||
| د شخص معلومات | |||||||
| پيدايښت | ۱۹۶۱ چارچینو ولسوالۍ، اروزګان ولایت |
||||||
| مړینه | ۹ فبروري، ۲۰۱۶ کراچۍ |
||||||
| هديره | کوټه | ||||||
| تابعیت |  د افغانستان اسلامي امارت |
||||||
| ګوند | طالبان | ||||||
| عملي ژوند | |||||||
| کار/مسلک |
|
||||||
| کاروونکې ژبه(ي) | پښتو | ||||||
| پوځي خدمت | |||||||
| وفاداري | طالبان | ||||||
| جګړه/جګړې | په افغانستان کې شوروي جګړه ، په افغانستان کې جګړه | ||||||
سمول  |
|||||||
ملا محمد حسن رحماني يا ملا حسن رحماني د اسلامي امارت یو لوړپوړی چارواکی، د سوېلي زون تنظیمهرئیس او د کندهار ولایت والي وو.
وسلهوالو طالبانو د خپل یوه مشر ملا حسن رحماني مړینه تایید کړه، ویې ویل چې نوموړی د سرطان په ناروغۍ اخته و. ملا حسن رحماني د طالبانو د کوټې شورا یا د طالبانو د رهبري شورا غړی و او د ملا اختر محمد منصور له مشرتابه سره یې مخالفت کړی و. ده د تېر کال د جولای په میاشت کې د ملا عمر د مړینې د خبر له تاییدېدو او پر ځای یې د ملا اختر محمد منصور له ټاکل کېدو وروسته د ملا محمد رسول اخوند ملاتړ وکړ او ملا منصور یې د ملا عمر د مړینې په پټولو تورن کړ. ملا حسن رحماني د طالبانو د واکمنۍ په مهال د کندهار والي او د جنوبي زون تنظیمه ريیس و او د طالبانو د تحریک مشر ملا محمد عمر اخوند ته نژدې کس بلل کېده. رحماني د ۲۰۰۱ په پای کې د طالبانو د رژیم له پرزېدو وروسته د طالبانو د يو شمېر نورو مشرانو په شان کوټې ته پناه یووړه او تر پایه همالته واوسېد.
کراچۍ کې مرموزه مړینه
[سمول]طالبان وايي چې ملا محمد حسن رحماني تېره شپه د سرطان ناروغۍ له کبله سا ورکړه، مگر بل ځای د طالبانو ویندوی قاري یوسف احمدي ویلي چې ملا حسن رحماني د کراچۍ په یوه روغتون کې بستري و. ځینې استخباراتي رپوټونه بیا وایي چې د پاکستان استخباراتي اداری (آی ایس آی) د تېر په څېر خپل پراکسي وار لپاره گومارلي جگړه مار په همداسې مرموزه توگه وژني لکه څنگه چې یې د مجاهدینو قومندانان په مرموزه توگه وژل. د حسن رحماني وژنه په روغتون کې د هماغو پخوانیو لړیو یوه کړۍ گڼل کېدای شي.