احمد شاه احمدزی

احمد شاه احمدزی (زوکړه ۳۰ مارچ ۱۹۴۴ - مړینه ۱۷ اکتوبر ۲۰۲۱) یو افغان سیاستمدار وو، چي د افغانستان د سرپرست وزیر په توګه یې د ۱۹۹۵ څخه تر ۱۹۹۶ پوري واک ترسره کړ.

احمد شاه احمدزی

اړوند

زېږونځای	کابل ولايت
ښاروندتوب	افغانستان
زېږون نېټه	۳۰ مارچ ۱۹۴۴
مړينې نېټه	۱۷ اکتوبر ۲۰۲۱
زدکړنځی	Colorado State University (en) — د کابل پوهنتون
ګوند	د افغانستان د اسلامي دعوت ګوند
دنده	سياستوال — university teacher (en)

ټوليز مالومات

عمومي مالومات	انسان

احمد شاه د پښتنو له احمدزی ټبر سره اړه درلوده.

ژوندلیک

احمد شاه احمدزی د کابل ولایت د خاک جبار ولسوالۍ اړوند د ملنګ په کلي کي وزېږېدی. نوموړي په کابل پوهنتون کي انجینري ولوستل او ورپسې یې د کرني په وزارت کي کار پیل کړ. احمدزي په ۱۹۷۲ کال کي د متحده ایالاتو د یو بورس له لاري د کولوراډو ایالت په پوهنتون کي زدکړي پیل کړې، او وروسته یې په ۱۹۷۵ کال کي د ماسټرۍ سند ترلاسه کړ. د سند د ترلاسه کولو سره سم نوموړي د سعودي عربستان په ملک فیصل په پوهنتون کي د ښوونکي په توګه کار پیل کړ.

د ۱۹۷۸ کال د کمونستي کودتا وروسته احمدزی افغانستان ته راستون سو، او د برهان الدین رباني نږدې همکار او د جمعیت اسلامي ګوند مرستیال وټاکل سو، خو وروسته یې هغه ګوند پرېښود او په ۱۹۹۲ کال کي د عبدالرسول سیاف د اسلامي دعوت د تنظیم سره یوځای سو.

احمدزي د کمونستي رژیم وروسته په افغان حکومت کي د وزیر په توګه بېلابیلي چاري ترسره کړې لکه د کورنیو، ساختماني او پوهني چارو وزیر؛ او وروسته یې د ۱۹۹۵ څخه تر ۱۹۹۶ پوري د سرپرست وزیر په توګه خدمت وکړ.

احمدزی په ۱۹۹۶ کال کي هغه وخت افغانستان پرېښود کله چي د رباني حکومت د طالبانو په وړاندي مات سو. نوموړي په ترکیه (اسټنبول) او لندن کي په تبعید کي ژوند وکړ، څو چي په ۲۰۰۱ کال کې د طالبانو تر پرځېدو وروسته افغانستان ته راستون سو، او په ۲۰۰۴ کال کي یې د افغانستان په ولسمشرۍ ټاکنو کي د خپلواک کاندید په توګه ګډون وکړ، خو دا چي د ټولو رایو شمېر یې یوازي ۰.۸٪ وو، له ناکامۍ سره مخ سو.

په ۲۰۲۱ کال کي د طالبانو تر دویم ځل راتګ وروسته احمدزی له هیواده دباندي ولاړ او دوې میاشتي وروسته د اکتوبر پر ۱۷ نېټه وفات سو.