Jump to content

ملا محمد حسن اخوند

د ويکيپېډيا، وړیا پوهنغونډ له خوا
ملا محمد حسن اخوند
ملا
د ملا محمد حسن اخوند انځوﺭ په کال ۱۹۹۹کي
د ملا محمد حسن اخوند انځوﺭ په کال ۱۹۹۹کي
د ملا محمد حسن اخوند انځوﺭ په کال ۱۹۹۹کي

د افغانستان لومړی وﺯير
د واکمنۍ دوران
۷ سپټمبر ۲۰۲۱
امیرالمؤمنین ملا ھیبت الله اخوندزاده
مرستيال ملا عبدالغني برادر
د ا.ا.ا د لومړي وزیر مرستیال
د واکمنۍ دوران
۲۷ سپتمبر ۱۹۹۶ – ۱۳ نومبر ۲۰۰۱
امیرالمؤمنین ملا محمد عمر اخوند
د رهبرۍ شورا غړۍ
د واکمنۍ دوران
شاوخوا؛ ۲۰۰۲
د شخص معلومات
پيدايښت شاوخوا ۱۹۶۰
پاشمول، ژړۍ ولسوالۍ، کندهار، افغانستان
تابعیت د افغانستان اسلامي امارت   د (P27) برخه د ويکيډاټا له لارې سمه کړئ
ګوند طالبان
عملي ژوند
کار/مسلک
  • سياستوال
  • ملا
کاروونکي ژبه(ي) پښتو   د (P1412) برخه د ويکيډاټا له لارې سمه کړئ
مقام لومړی وﺯير

محمد حسن اخوند (زوکړه: شاوخوا ۱۹۴۵ زکال – ۱۹۵۰ زکال یا شاوخوا ۱۹۵۵ زکال – ۱۹۵۸ زکال) افغان ملا، سیاستوال او د طالبانو د ډلې یو له مشرانو څخه دی چې د ۲۰۲۱ زکال د سپټمبر له ۷مې نېټې څخه تر اوس مهاله (۲۰۲۳ کال) د طالبانو د اسلامي امارت واکیال لومړی وزیر دی. [۱]

اخوند د طالبانو د ډلې یو له بنسټ اېښودونکو او همدارنګه د دغه تحریک له مخکښو مشرانو څخه دی. نوموړي د طالبانو په لومړۍ دوره حکومت (۱۹۹۶ – ۲۰۰۱ زکال) کې د بهرنیو چارو وزارت د مرستیال په توګه دنده ترسره کړې ده.

لومړنی ژوند او زده کړې[سمول]

اخوند د افغانستان د سویلي کندهار ولایت اصلي اوسېدونکی دی. د ملګرو ملتونو د امنیت شورا د اطلاعاتو له مخې نوموړی په پشمول کلي کې زیږېدلی چې د هغه د زیږون پر مهال د افغانستان د کندهار ولایت پنجوايي ولسوالۍ او اوس مهال د همدغه ولایت ژیړۍ ولسوالی ته اړوند کلی دی. ملګرو ملتونو د هغه د زیږون د کال اړوند دوه اټکلونه کړي چې ګویا د ۱۹۴۵ او ۱۹۵۰ زکال ترمنځ او یا هم د ۱۹۵۵ او ۱۹۵۸ زکال ترمنځ زیږېدلی دی. [۲][۳][۴]

هغه په افغانستان کې دننه په یو شمېر دیني مدرسو کې زده کړې کړې دي. ده د ډیری طالب مشرانو پر خلاف په افغان شوروي جګړه کې ونډه نه لرله. [۵][۶]

سیاسي ژوند[سمول]

اخوند د طالبانو د ډلې یو له پخوانیو غړو او همدارنګه د طالبانو د تحریک د لومړني مشر ملا محمد عمر له نږدې کسانو څخه و. د طالبانو د واکمنۍ پر مهال (۱۹۹۶ – ۲۰۰۱ زکال) ده له ۱۹۹۸ زکال څخه د ۱۹۹۹ زکال د اکتوبر میاشتې تر ۲۷مې نېټې پورې د بهرنیو چارو وزارت د د مرستیال وزیر په توګه کار وکړ او بیا د لومړي وزیر مرستیال هم و. نوموړی د نورو طالب مشرانو په څېر ترهګریزو ډلو ته د پناه ورکولو له امله د ملګرو ملتونو د بندیزونو په نوملړ کې شامل دی.  [۷][۸][۹]

د افغانستان د اسلامي جمهوریت (۲۰۰۱ – ۲۰۲۱ زکال) پر وړاندې د طالبانو د وسله وال مقاومت پر مهال نوموړی د کویټې شورا غړی و. دی په ۲۰۱۳ زکال کې طالبانو ته د اړوندو کمیسیونونو او همدارنګه د هغو د جلب او جذب د کمیسیون عمومي مشر و. [۱۰][۱۱]

وروسته له هغه چې طالبان په ۲۰۲۱ زکال کې د دوحې د هوکړې پر بنسټ یو ځل بیا واک ته ورسېدل، اخوند د دغې ډلې د حکومت د لنډ مهالي لومړي وزیر په توګه وټاکل شو. د هغه ټاکنه د طالبانو د منځلارو او سخت دریځو غړو ترمنځ د مصالحې په موخه وګڼل شوه. ده د ۲۰۲۱ زکال د سپټمبر په اوومه نېټه د لومړي وزیر (رئیس الوزرا) په توګه دنده پیل کړه او تر اوسه (۲۰۲۳ زکال) په دغه څوکۍ کار کوي. [۱۲][۱۳][۱۴]

د ده د لومړي وزارت پر مهال د ۲۰۲۳ زکال د مۍ له ۱۷مې نېټې څخه د ۲۰۲۳ زکال د جولای تر ۱۷مې نېټې پورې هغه مهال مرستیال لومړي وزیر مولوي عبدالکبیر ته د لومړي وزارت د چارو مسئولیتونه ور وسپارل شول چې ویل کېدل خپله حسن اخوند ناروغ دی. [۱۵][۱۶]

نور معلومات[سمول]

اخوند د یو شمېر اسلامي موضوعاتو اړوند لیکنې کړې دي. د بي بي سي نیوز د راپور له مخې نوموړی د طالبانو په مذهبي اړخ کې پریمانه نفوذ لري، چې په پوځي اړخ کې بیا هومره نفوذ نه لري. د متحده ایالاتو د سولې د انستیتیوت یوه تحلیل ګر څرګنده کړې چې دی تر ډېره پورې یو سیاسي سړی دی. [۱۷]

دا هم وګورئ[سمول]

سرچینې[سمول]

  1. Lua error in Module:Lang at line 48: attempt to index field 'lang_name' (a nil value).
  2. (په September 9, 2021 باندې). Hibatullah Akhundzada to Lead Taliban Govt.
  3. "Security Council 1988 Committee Amends 105 Entries on Its Sanctions List | Meetings Coverage and Press Releases". www.un.org. خونديځ د اصلي څخه ۰۶ اکتوبر ۲۰۲۱. لاسرسي‌نېټه ۰۸ سپټمبر ۲۰۲۱. منځګړی |CitationClass= له پامه غورځول شوی (لارښود)
  4. (په 2021-09-07 باندې). Profile: Mohammad Hasan Akhund, the head of Taliban government.
  5. (په 2021-09-08 باندې). Profile: Who is Afghanistan's new caretaker prime minister?.
  6. (په 2021-09-08 باندې). Explained: Who is Mullah Hasan Akhund? What does the Taliban's choice of interim prime minister mean for Afghanistan?.
  7. Adamec, Ludwig W. (2012). Historical Dictionary of Afghanistan (چاپ 4th). Scarecrow Press. مخونه 69. د کتاب نړيواله کره شمېره 9780810879577. [1999] 27 October: Mulla Mutawakil is named minister of foreign affairs, replacing Mulla Hasan Akhund. منځګړی |CitationClass= له پامه غورځول شوی (لارښود)
  8. (په 2021-09-08 باندې). Profile: Who is Afghanistan's new caretaker prime minister?.
  9. (په 2021-09-07 باندې). Profile: Mohammad Hasan Akhund, the head of Taliban government.
  10. Seth G. Jones (2017). Waging Insurgent Warfare: Lessons from the Vietcong to the Islamic State. Oxford University Press. مخونه 99. منځګړی |CitationClass= له پامه غورځول شوی (لارښود)
  11. Peter Bergen (2013). Talibanistan. Oxford University Press. مخونه 9. منځګړی |CitationClass= له پامه غورځول شوی (لارښود)
  12. (په 2021-09-07 باندې). Afghanistan: Who's who in the Taliban leadership. BBC News.
  13. (په 7 September 2021 باندې). Afghanistan: Who's who in the new Taliban government. Sky UK
  14. (په 2021-09-07 باندې). Hardliners get key posts in new Taliban government. BBC News
  15. . گروه طالبان حکومت جدید خود را با رهبری ملا حسن اخوند اعلام کرد.
  16. (په 7 September 2021 باندې). Taliban announce new government for Afghanistan. BBC News.
  17. Alasdair Pal . Factbox: Mohammad Hasan Akhund: Veteran Taliban leader becomes acting Afghan PM. Reuters