سيد بهاو الدين مجروح

د ويکيپېډيا، وړیا پوهنغونډ له خوا
و اصلی برخی ته ورشی د پلټنې ځای ته ورټوپ کړی
سيد بهاوالدين مجروح يو افغان فيلسوف و
سيد بهاوالدين مجروح يو افغان فيلسوف و
سيد بهاو الدين مجروح
سيد بهاو الدين مجروح

ډاکټر سيد بهاؤالدين مجروح (زوکړه د ۱۹۲۸ ز کال د فبرورۍ ۱۲ -مړينه د ۱۹۸۸ ز کال د فبرورۍ ۱۱) (په انگرېزي: Sayed Bahauddin Majroh) يو افغان فيلسوف، شاعر، اديب، ديپلومات او سياستپوه وو.

مخينه

سيد بهاودين مجروح د سيد شمس الدين مجروح زوى وو، چې د ۱۹۲۸ زېږيز کال د فبرورۍ پر ۱۲ مه نېټه د کونړ ولايت د اسمار ولسوالۍ د شينکوړک د کلي په يوه روحاني کورنۍ کې زېږېدلې دى.

زده کړې

لومړنۍ زده کړې يې د شينکوړک د کلي په جومات کې پېل او سرته ورسولې. له څه مودې وروسته کابل ته د خپل پلار سره ولاړ او د ۱۳ کلنۍ په عمر د استقلال لېسې په څلورم ټولگي کې شامل شو. پر ۱۹۵۰ زېږيز کال د دغې لېسې د ادب او فلسفې له څانگې څخه په لومړۍ درجه فارغ او د هغه وخت د دولت له خوا د لوړو زده کړو لپاره فرانسې ته ولېږل شو. خپلۍ لوړې زده کړې يې د ۱۹۵۲ ز تر ۱۹۵۸ ز کال پورې د پاريس په سوربن او بيا د (مونټ پليه) په پوهنتون کې د روحياتو او فلسفې په څانگه کې د مافوق لسان تر درجې پورې پای ته ورسولې. په همدې دوره کې يې وکړاى شو چې د الماني ا و انگړېزي ژبو ادبيات په غربي الماني او انگلستان کې سرته ورسوي.

دندې

کله چې سيد بهاودين مجروح پر ۱۹۵۸ ز کال خپل هېواد ته راستون شو نو په همدغه کال د کابل پوهنتون د ادبياتو د پوهنځي ښوونکی او بيا رييس شو. پوهاند مجروح خپل ټول ژوند د پوهې په خدمت کې تېرکړ. هغه د افغانستان په ځينو نورو رسمي دندو هم پاتې شوی چې له دغو دندو څخه يې ځينې د پارلمان غړيتوب، د کابل او کاپيسا ولايتونو ولسوال، همداراز له ۱۹۵۰ ز. تر ۱۹۷۳ ز. پورې په مصر کې د افغانستان د سفير دنده وه. د ژوند په وروستيو کلو کې چې کله پاکستان کې مهاجر شو نو خپل علم او قلم يې د مجاهدو او مهاجرو په خدمت کې په کار واچاوه.

ليکلي آثار يې

  1. اژدهای خودي
  2. ځانځاني ښامار
  3. د جبر او اختيار ډيالکټيک
  4. د اجتماعي احساس د الفرد ادلر په روانشناسۍ کې د ماسټرۍ تيزېس
  5. د ځان تربيه زموږ په روانشناسۍ
  6. دشمن را بشناسېد
  7. صوفي او نوې دنيا
  8. زردشت ووييل داسې
  9. پيام صوفي بت شکن به بت پرستايي قرن ۲۰
  10. بودا چنين گفت
  11. سيد جمال الدين و برخورد شرق و غرب
  12. منازل السايرين يا صد ميدان حکيم سنايي
  13. نا اشنا سندرې
  14. Afghan Intellectuals in Exile: Philosophical & Psychological Dimentions
    (افغان پوه اندي په جلاوطنۍ کې: فلسفي او ساپوهنيز ابعاد)

مړينه

د سيد بهاوالدين مجروح هديره

کله چې مجروح په پېښور کې کډوال وو او خپل فرهنگي کارونه يې مخ ته بېول نو په دې وخت کې د سخت دريځو مجاهدينو او د پاکستان د څارگرې ادارې آی اس آی نظر ورباندې وو. د ده فرهنگي کارونه چې د کډوالو مهاجرو په منځ کې د يوې ملي روحيې پياوړی کول وو، د پاکستان د استخباراتي کړيو په وړاندې يو لوی گواښ وو، چې هغوی هېڅکله نه غوښتل په پېښور کې مېشت افغانان د ملي روحيې او هېوادپالنې له ارزښتونو برخمن شي. په دې ترڅ کې هغوی د نورو جهادي تروريستي کړيو سره يوځای د سيد بهاوالدين مجروح په وړاندې پلان جوړ کړ او د ۱۹۸۸ ز. کال د فبرورۍ په ۱۱ مه نېټه د جمعې په شپه چې کله سيد بهاوالدين مجروح له خپل دفتر نه راووات د وسله والو لخوا وويشتل شو او هماغلته ځای پر ځای په شهادت ورسېد.

باندنۍ تړنې