خالق رشيد

د ويکيپېډيا، وړیا پوهنغونډ له خوا
و اصلی برخی ته ورشی د پلټنې ځای ته ورټوپ کړی

خالق رشيد د افغانستان د پوهنتون پخوانی استاد، ليکوال، شاعر او څېړونکی دی.

مخینه

ښاغلی عبدالخالق رشید د غلام سخي رشید زوی، پر ۱۳۳۵ لمریز کال د غزني ولایت په رشیدانو کې زېږېدلی دی.

زده کړې

عبدالخالق رشيد خپلې لومړنۍ زده کړې د رشېدانو د سيمې په سنايي او شېلگر لېسو کې پای ته ورسولې. د لوړو زده کړو په تکل پر ۱۳۵۵ ل کال کابل پوهنتون ته ولاړ، هلته یې د ژبو او ادبياتو په پوهنځي کې د پښتو ادبياتو په برخه کې د ماسترۍ تر کچې زده کړې بشپړې کړې.

دندې

عبدالخالق رشيد تر زده کړو وروسته د کابل پوهنتون د ژبو او ادبياتو په پوهنځي کې د استاد په توگه دنده تر لاسه کړه او بيا يې د ادبياتو په برخه کې علمي څېړنې ترسره کړې. ډاکتر خالق رشيد له( ) کاله راهيسې د هند په جواهر لعل نهرو پوهنتون کې د پښتو ژبې د استاد په توگه دنده ترسره کوي.

د افغانستان دغه نامتو لیکوال، د کابل او نهرو پوهنتون استاد دوکتور عبدالخالق رشید پر ۲۰۱۳ ز کال د سارک هېوادو د لیکوالو ادبي جایزه وگټله. په هغو مراسمو کې چې د ياد کال د مارچ پر ۱۰ د هند په تاریخي ښار اگره کې په دې اړه جوړ شوي ول، د هغو په ترڅ کې د دغې مهمې جایزې ویاړ لیک استاد رشید ته وسپارل شو.

د سارک د لیکوالو د مشرې د وینا له مخې، پروفیسور رشید لومړی افغان لیکوال دی چې د سارک په لیکوالو کې ان پر ۲۰۰۰ ز کال پر هغه مهال، چي افغانستان لا د سارک ټولنې غړی نه وو، گډون وکړ او هغه مهال لا د دغې ټولنې د بنسټوالو غړی وو.


چاپ شوي نښېرونه

  1. ډولۍ (د لنډو کیسو ټولگه) چاپکال.



اخځليک

  1. http://www.tolafghan.com/posts/27182
  2. https://www.bbc.com/pashto/multimedia/2013/03/130315_im_pilwazai_peace_books_up