محمد خواجه
محمد خواجه هزاره ( دری : خواجه محمد هزاره ) د هزاره توکمونو یو له لویو قومونو څخه دی چي له آره د افغانستان له غزني ولایت سره اړه لري.
امیر محمد خواجه د ترک برلاس ټبر سره اړه درلوده. د هغه پلرنئ ټاټوبۍ کیش ، ترکستان یا اوسنئ ازبکستان وو. امير محمد خواجه د امير حاجي سيف الدين [۱] زوی وو چي په لومړيو کي د تيمور وزير او وروسته د افغانستان د قندهار والي سو. د نوموړي نيکه حاجي بيګ برلاس د برلاس قوم هغه مشر وو، چي په سویلي چغتاي خانې کي يې قرعون عبدالله له واکه لري کړ.
امير ، خان ، ميرزا ، بيګ ، شاه ، غازي او سلطان تر اوسه پوري د هغه د ټبرونو او اولادونو لقبونه ګڼل کیږي.
امیر محمد خواجه د بابر د لښکر مشرتوب په غاړه درلود، او د "خواجه بزرګ" (لوی خواجه ) په نوم مشهوره وو. د هغه نومونه د بابرناما په ګډون په ډیرو تاریخي لیکونو کي راغلي دي.
امیر خواجه یو لوی لیکوال او خطاط هم وو، او دا ځانګړنه د هغه د اولادونو لخوا هم په بېلابیلو دورو کي ښودل سوې ده لکه فیض محمد کاتب چي له ۱۹۰۱ څخه تر ۱۹۱۹ پورې یې د حبیب الله خان د سکرتر او د افغانستان د دربار د تاریخ لیکونکي په توګه دنده ترسره کړې ده. [۲]
څیړني ښیي چي امیر خواجه د پکتیا په مرکز ښرنه کي اوسېدی او ډېر اولادونه یې له هغه ځایه د هېواد نورو سیمو ته کډه سوي دي. امیر محمد خواجه په ۱۵۹۹ کال کي د پکتیا په ښرنه کي وفات او هلته ښخ سو.
نوموړي درې زامن درلودل چي نومونه يې امير ولي، امير بابوک او امير بهلول وه.