امان الله ساهو

د ويکيپېډيا، وړیا پوهنغونډ له خوا
و اصلی برخی ته ورشی د پلټنې ځای ته ورټوپ کړی
امان الله ساهو

امان الله ساهو (۱۳۳۶ لمريز کال کوندوز ، چهاردره-د ۱۳۷۷ لمريز کال د چنگاښ ۲۳ ، کوزه پښتونخوا ، سوات) يو پښتو ژبی شاعر او ليکوال دی .

مخينه

امان الله ساهو پر ۱۳۳۶ لمريز کال د کوندوز ولايت په چهادرې ولسوالۍ کې زېږېدلی دی . لومړنۍ زده کړې يې هماغلته بشپړې کړې او تر منځنيو زده کړو وروسته د کابل پوهنتون په ساينس پوهنځي کې شامل شو . په پوهنځي کې تر زده کړو وروسته ، هماغه مهال کله چې پر هېواد د شوروي اتحاد د سرو لښکرو د يرغل شپې ورځې وې ، پېښور ته پردېس شو او د مقاومت په ليکو کې یې قلم او ټوپک دواړه وکارول . خو لکه څنگه چې دی د قلم پر ارزښت پوهېده ، نو د جهاد په ليکو کې یې د قلم ونډه درنه وه .

دندې

امان الله ساهو يو مهال د پيکين راډیو د پښتو خپرونې په څانگه کې کار کړی دی او د سپېدې مجلې د ليکوالو د کتونکيو په ډله کې هم فعال غړی وو .

چاپ شوي اثار

د شعر بېلگه

مړينه

امان الله ساهو د ۱۳۷۷ لمريز کال د چنگاښ پر ۲۳ د کوزې پښتونخوا په سوات کې د ۴۱ کلو په عمر د زړه د درېدو لامله ومړ .

کورنۍ

امان الله ساهو واده کړی وو ، د «مينه» په نوم لور او د «حمزه» په نوم زوی ورنه پاتې دي . ساهو د پښتو ژبې د نامتو شاعر محمد صديق پسرلي زوی او د عصمت څاروان، ايمل پسرلي، اجمل پسرلي او اسد الله غضنفر ورور دی .

اخځونه

  1. لېمه (مجله) ، اتمه گڼه ، د ۱۳۷۷ لمريز کال وږی ، د ۱۹۹۸ ز کال سيپټمبر ، مسکو چاپ .
  2. محمد صديق پسرلی ، پښتو برېښنايي پوهنغونډ.