عبدالوکيل سوله مل شينواری

د ويکيپېډيا، وړیا پوهنغونډ له خوا
Jump to navigation Jump to search
عبدالوکيل سوله مل شينواری

عبدالوکيل سوله مل شينواری (۱۳۴۳ هـ.ل.) يو افغان کيسه ليکوال او اديب دی. نوموړي په گڼ شمېر رسنيو کې خپلې ليکنې خپرې کړي.

مخينه

په کال ١٣٤٣ ل کي د ننگرهار ولايت د هسکي مېني په ولسوالۍ کې زېږيدلی دی.

زده کړې

لومړنۍ او منځنۍ زده کړي يې په جلال اباد ښار کي کړيدي ، تر منځنۍ زده کړو وروسته د لوړو زده کړو لپاره پخواني شوروي اتحاد ته وليږل شو، په عسکري پيداکوژۍ کي د ماسټرۍ درجه اخيستې.

دندې

له زده کړو وروسته په ١٣٦٨ل کال کي خپل هيواد ته راستون شوی او د افغانستان د ملي دفاع وزارت په بېلابېلو روزنيزو موسسو کي يې د ښوونکي په توگه دندي اجرا کړې . په کال ١٣٧٣ ل په پېښور کي د ازاد افغانستان د ليکوالو د ټولني په خپرنيز ارگان (وفا) کي خبريال شو ، په ١٩٩٥ میلادی کال يې دغه دنده پرېښوده او د سلواک جمهوريت ته ولاړ او تر ۲۰۰۷میلادی کال ترمای هلته اووسید خو له دغې نیټې وروسته انگلستان ته راغئ او اوس په لندن کې هستوگن دی

ادبي ژوند

وکيل شينواری تر اوسه پوري گڼ شمير پوهنيزي څېړني ، تحليلي ، سياسي او ادبي ليکني کړيدي ، چي تر هيواد دننه او بهر په گڼ شمير افغاني خپرونو کي خپرې شويدي ، په روسي او سلواکي ژبو پوهيږي او په پارسي کي د ليکني صلاحيت لري . ښاغلي عبدالوکيل سوله مل شينواری هغه ځوان کيسه ليکونکی دی چي په لنډو کيسو سربېره يې لنډي اواوږدې راډيويي او تلويزيوني ډرامې هم کښلي دي د ( غچ اور ) راډيو داستان يې ښه بېلگه ده .چې ډير کلونه پخوا چي لا د ښوونځی په لسم ټولگۍ کي و ، وليکه اوپه هماغه وخت ( ١٣٥٨ ل ) کي له افغانستان راډيو پرله پسې خپورشو . نوموړی هم لکه دافغانستان ډير ليکوال خپل ادبي تخليق په شعرپيل کړي ، خو د شعر او ډرامې ليکلو موده يې ډيره لنډه وه . شينواری نه يوازي کيسې ليکي بلکي په کيسو او گڼو ادبي او هنري ژانرو يې گڼي مقالې هم کښلي دي ، دده د هنري کار ډيره برخه سينما ، او پښتوډرامې ته ځانگړي ده ، دا له دې هنرونو سره دده له ځانگړي ميني خړوبيږي . برسيره پر دې زموږ په پښتني فرهنگ کي ددې برخو کمزوري هم نوموړی ليکوال دې ته هڅولی چي په دې برخه کي ځانگړې مطالعه وکړي او بيا ددغو مطالعاتو پراساس گڼي مقالې د هيواد خپرنيزو ارگانونوته د چاپ لپاره ورکړي . شينواري خورا ډيري مقالې په ادب او هنر سربيره په نورو برخو لکه سياست ، پوځ ، مخدره موادو ... هم کښلي او څه موده يې ژورناليستيکي چاري هم پر مخ بيولي دي . ( زړه کلا ) پنځوس میلونه او رنځوری هیلې ېې د لنډو کیسو ټو لگې دی له دی دریو ېې دوه پنځوس میلونه او رنځوری هیلې فا رسی، اردو او انگریزۍ ژبو ته هم اړول شوی چې په نږدی راتلونکې به په دغو ژبو کې هم په ایران ،پاکستان او د امریکا په متحده ایلاتو کې له چا په راووځی

شینواری نن سبا د سناریو ،لنډو تمثیلی ټوټو او یوه ناول په چارو بوخت دی


اخځونه

  1. http://www.tolafghan.com/posts/15695