Permanently protected article

د کندهار پوهنتون

د ويکيپېډيا، وړیا پوهنغونډ له خوا
و اصلی برخی ته ورشی د پلټنې ځای ته ورټوپ کړی
د کندهار پوهنتون
(پښتو) د کندهار پوهنتون
(دری) دانشگاه کندهار
KULogo.jpg
د کندهار د پوهنتون نښان
معلومات
د جوړېدو نيټه ۱۹۹۱ (۱۹۹۱)[۱]
ډول عامه پوهنتون
جغرافیایی موقعیت
کورډیناټونه ۳۱°۳۸′۱۷″شمال ۶۵°۴۱′۴۹″ختیځ / 31.63815°شمال 65.69693°ختيځ / 31.63815; 65.69693  د کوارډينېټي موقعيت (P625) برخه د ويکيډاټا له لارې سمه کړي
پلازمینه کندهار
هېواد Flag of Afghanistan.svg افغانستان
شمیر
زده‌کوونکي 12000
ويبپاڼه www.kan.edu.af‌‌‌‌‌‌‌‌
University1.JPG

د کندهار پوهنتون د افغانستان په سویلي ولایت کندهار کی یو دولتي پوهنتون دی چې په ۱۹۹۱ زیږدیز کال کې د وخت د حکومت لخوا چی ډاکتر نجیب الله یی مشر وو جوړ شو. او ښاغلي ډاکتر توریالی ویسا د کندهار اوسنی والی یی لومړنی د پوهنتون ریس وو.چي اوس مهال يې ريس داکټر حضرت مير توتاخېل دی.

دغه پوهنتون اوسمهال یوازی د کړهڼې ، طب او انجينري پوهنځی لری چی دا پوهنتون په خپل راتلونکي کړنلاره کې د اقتصاد ، سولگر پوهنې او اسلامي زده کړو د پوهنځیو د جوړولو هوډ هم لري.

پېژندنه

کندهار پوهنتون د افغانستان د اسلامي جمهوريت د فرهنگي پاليسۍ په رڼا او د ملي انکشافي پلان له مخې د ځوان نسل د سالمي مسلکي روزنې په موخه په (١٣٦٩) هجري شمسي کال کي د کرهڼې پوهنځۍ په تاسيس سره خپل فعاليت پيل کړی.اوبيا په ترتيب سره د طب، انجينري، ښووني او روزني، شرعياتو او اقتصاد پوهنځۍ پرانيستل شوې. اوس مهال په کندهارپوهنتون کي (٢٨٥٠) تنه محصلان په زده کړه بوخت دي، چي (١٢٠) تنې انجوني دي. په کندهار پوهنتون کښي اوس مهال (۱۶۲) تنه استادان په تدريس بوخت دي، چي (٥) تنه يې ښځينه استادانې تشکيلوي. تر اوسه پوري د پوهنتون په کچه د څلورو پوهنځيو لکه کرهڼي، طب، انجينري، ښووني او روزني څخه (١٠٣٩) تنه فارغ التحصيل شوي، چي په هېواد کي په خدمت بوخت دي. د استادانو له ډلې څخه (١) تن د دوکتورا (٢٥) تنه د ماستري او نور يې د ليسانس په سويه تحصيلات لري. ددې ترڅنگ پدې پوهنتون کي د شپې پوهنځۍ او د ښوونکو د روزنې او علمي سويې د لوړولو په خاطر د داخل خدمت پوهنځۍ په ١٣٨٨ کال کي پرانيستل شوه.

اړوند مالومات

کندهار پوهنتون تر (١٣٨٢) هجري شمسي کال پوري خپل د ملکيت اړوند تاسيسات نه درلودل، کله به يې په يوه دولتي ودانۍ او کله به يې په بله دولتي ودانۍ کي يې ورځني چارې پر مخ بېولي. دا اوسنۍ نوي ودانۍ ته چي په انځور کښي ښکاري په (٢٠٠٣) کال کي انتقال شو. دا اوسني تاسيسات چي، (١١) بلاکه دي او ټول د محصلانو د هستوگنې لپاره جوړ شوي، فعلاً ددې پوهنتون په (٤) بلاکونو کي ليليه محصلان اوسيږي، يو بلاک کي کتابتون او د IT مرکز، په يوه بلاک کي اداري څانگې او په پاتې نورو بلاکونو کي اړوندې پوهنځۍ په فعاليت بوختې دي. د انجونو د ليليې لپاره هم دوه يو منزله تعميرونه جوړ دي، مگر د اوسېدو لپاره نور سهولتونه او لازم وسايل نه لري. د پوهنتون اوسنۍ کمپلکس (٩٣) هکتاره ځمکه لري. د کرهڼي پوهنځي څيړنيز فارم او طب پوهنځي هم يو تربيوى او کادرى روغتون لري چي پخوا د بل دولتي ارگان ملکيت ؤ او فعلاً په پوهنتون پوري اړه لري. په هغه کي درې تعميرونه چي دوه يې دوه منزله چي يو د هغو څخه د جراحي او بل يې د داخله څانگې لپاره دي او يو، يو منزله تعمير د استادانو او متخصيصنو د ناستى او د ناروغانو د معاينې لپاره ورڅخه گټه اخيستل کيږي.

د پوهنتون پروگرامونه

دا پوهنتون د انفارميشن ټکنالوژي مرکز هم لري چي د ناټو د نوري فايبر (Optical Fiber) پروژې لخوا تاسيس شوی او د هغه تر څنگ (٥) نور د پوهنځيو په چوکات کي د کمپيوټر کلاسونه (PC Lab) وجود لري چي ټول (١٦١) پايې کمپيوټرونه پکښي موجود دي. يو مرکزي کتابتون او نور (٨) د پوهنځيو او څانگو په کچې مسلکي کتابتونونه شتون لري.د پوهنځيو تحصيلي نصاب ( کاريکولم ) د هيواد د فعلي ضرورت، غوښتنو او شرايطو په نظر کي نيولو سره د سيمې د هيوادونو د پرمختلليو پوهنتونونو سره په تطابق کي ترتيب شوي او فعلاً دوې پوهنځي ( طب او ښوونه او روزنه) د کريډيټ په تحصيلي سيستم سره خپل پروگرامونه په مخ بيايې. د عملي چارو د تر سره کولو لپاره تر اوسه پوري ابتدايي لابراتوارونه په انجينرى، طب، ښووني او روزني او کرهڼي پوهنځيو کي موجود دي. د طب د پوهنځي د محصلانو د علمي زده کړو او د هيوادوالو د تداوي په منظور فعلاً يو تربيوي روغتون او د کرهڼي پوهنځۍ د محصلانو او استادانو د څيړنيزو چارو د سرته رسولو په خاطر يو څيړنيز فارم وجود لري.

داهم وگورئ

اخځونه

باندني تړنې