د جرمني امپراتورۍ افغاني جگړه
| د جرمني امپراطورۍ افغاني جگړه.jpg | |
| ليکوال | یوري نيکولایوویچ تيخونوف |
|---|---|
| ژباړن | محمد طاهر کاڼی |
| د پښتۍ طراح | د دانش خپرندويه ټولنه |
| هېواد | پاکستان، پېښور |
| ژبه | پښتو |
| سکالو(موضوع) | تاريخي اثر |
| سبک(سبکونه) | تاريخي اثر |
| خپرندوی | د دانش خپرندويه ټولنه |
| د خپرېدو نېټه | |
د جرمني امپراتورۍ افغاني جگړه د روسيې فدراسیون د ختيځپوه او افغانستان پوه يوری نيکولايوويچ تيخونوف يو تاریخي اثر دی .
د کتاب د منځپانگې په اړه
د جرمني امپراتورۍ افغاني جگړه د هغه په زړه پورې او تاریخي اثر نوم دی چې د روسیې د تاريخي څېړنو او افغانستان پوهنې د نوميالي ليکوال يوري نيکولايوويچ تيخونوف په قلم ليکل شوی او د پښتو ژبې د تکړه ژباړن او ليکوال محمد طاهر کاڼي له خوا په روانه او خوږه پښتو ژباړل شوی دی . دغه تاریخي اثر د افغانستان د اوسني تاریخ د ډېرو نويو او په زړه پورې او تر ډېره ځايه د پټو او تياره اړخونو په اړه رڼا اچوي او ډېر ناسپړلي ټکي راڅرگندوي . ښاغلی ليکوال تر ډېره په دې بريالی شوی چې د هغه وخت يو شمېر څارگريزو لاسوندونو ته لاره پيدا کړي او د ارشيف پر همدغو پټو لاسوندونو د خپل اثر څېړنيز بنسټونه جوړ کړي . لازمه ده يادونه وشي چې دغه اثر په تېره بیا د پرنگی ښکېلاک په وړاندې د افغانانو اوږدو مبارزو او په تېره بياد پښتنو قبايلو د سرښندونکو مبارزو ځينې نوي او په زړه پورې اړخونه راسپړي ، خو ددې په څنگ کې یې باید په دقت سره ولولو ځکه چې د جرمني د هغه وخت د څارگريزو موخو او لاسوندونو په اړه تر ډېره ځايه پورې د روسي اهدافو او نظرونو په پام کې ساتلو سره تحليلونه او ارزونې لري چې بايد لوستونکي مخکې له مخکې ورته متوجه وي . په ټوله کې د ليکوال تيخونوف د دغه اثر لوستل د هر افغان لوستونکي لپاره په زړه پورې دی ، ځکه چې د تاریخي پېښو په اړه نوي اسناد وړاندې کوي او زموږ لوستونکي د خپل تاريخ له ځينو تيارو گوټونو سره اشنا کوي .
د چاپ چارې
د جرمني امپراتورۍ افغاني جگړه اثر په جرمني کې د افغانستان د کولتوري ودې ټولنې له خوا د افغانستان د سياسي خپلواکۍ د بېرته گټلو او د غازي امان الله خان د واکمنۍ د پېنځه اتيايمې کاليزې په ویاړ د زرو ټوکو په شمېر خپور شوی دی . د کتاب د چاپ چارې پر ۱۳۸۳ لمريز (۲۰۰۴) ز کال د دانش خپرندويې ټولنې له خوا ترسره شوې دي . کتاب ټول ۴۶۴ مخه دی چې د چاپ زيار يې ملوک زرغون گاللی او کمپوز یې هم محمد هاشم اصفي کړی دی .
نور
- د جرمني امپراتورۍ افغاني جگړه .