ایلان ماسک

د ويکيپېډيا، وړیا پوهنغونډ له خوا
و اصلی برخی ته ورشی د پلټنې ځای ته ورټوپ کړی


ایلان ماسک
(انګلیسي: Elon Musk)  د (P1559) برخه د ويکيډاټا له لارې سمه کړئ
ماسک په ۲۰۱۵ تسلا موتورز د ونډه لرونکو کلنۍ ناسته
ماسک په ۲۰۱۵ تسلا موتورز د ونډه لرونکو کلنۍ ناسته
د شخص معلومات
زیږون نوم (انګلیسي: Elon Reeve Musk)  د (P1477) برخه د ويکيډاټا له لارې سمه کړئ
پيدايښت ۲۸ جون ۱۹۷۱(1971-06-28) ‏(عمر: ۵۰ کاله)
پریتوریا, ترانسوال, سویلي افریقا
استوګنځای بل آیر, لاس انجلس, کلیفرنیا, امریکا[۱][۲]
هيواد غړيتوب سویلي افریقا, کاناډا, امریکا
طبی کیفیت کویډ–19[۳]  د (P1050) برخه د ويکيډاټا له لارې سمه کړئ
ښځه
اولاد ۶ زامن (۱ مړ)[۵]
د اولادو شمېر 7   د (P1971) برخه د ويکيډاټا له لارې سمه کړئ
مور او پلار مای ماسک (مور)
ایرول ماسک (پلار)
عملي ژوند
تعليم واترلوف د کور چمتوالی ښونځی
پریتوریا د هلکانو عالی لیسه
دنده متشبث, انجینر, اختراع کونکی
مورنۍ ژبه انگليسي  د (P103) برخه د ويکيډاټا له لارې سمه کړئ
کاروونکي ژبه(ي) انگليسي  د (P1412) برخه د ويکيډاټا له لارې سمه کړئ
کار ورکوونکی پي پال (۳۰ نومبر ۱۹۹۸–)
تسلا موټرز (۲۳ اپرېل ۲۰۰۴–)[۱۰]  د (P108) برخه د ويکيډاټا له لارې سمه کړئ
تنخواہ تسلا موتورز[۸]
$۷۸.۲ میلیونه (۲۰۱۲)
$۶۹,۹۸۹ (۲۰۱۳)
$۱ (۲۰۱۴)
کل دولت US$۱۲.۲ میلیارده (ډسمبر ۲۰۱۵)[۹]
لاسلیک
Elon Musk
ويبپاڼه
ويبپاڼه رسمي ویب پاڼه
ربط=انٹرنیٹ مووی ڈیٹابیس مخ پر IMDB باندې  د (P345) برخه د ويکيډاټا له لارې سمه کړئ
سمول کينډۍ لاسوند وګورئ

ایلان ریو ماسک(Elon Reeve Musk) (زیږون:جون ۲۸ مه،  ۱۹۷۱ ز) کارزېږوونکی او د سوداګرۍ په برخه کې له مخکښانوڅخه دی. هغه د سپېس اېکس (SpaceX) اجرائیوي مشر او اصلي انجینر، د تسلا کمپنۍ (Tesla, Inc) اجرائیوي مشر او د هغو د تولیداتو طرح کوونکی، د بورینګ کمپنۍ بنسټ اېښودونکی(The Boring Company)، او د نیورالینګ (Neuralink) او اوپن اې آی (OpenAI) شریک بنسټګر دی. میلیاردر ماسک د ۲۰۲۱ ز کال په سپټمبر میاشت کې د نړۍ تر ټولو بډایه کس ښودل شوی دی.[۱۱]

ماسک د کاناډایي مور او سویلي افریقايي پلار څخه زېږیدلی او د سویلي افریقا په پرتوریا (Pretoria) کې را لوی شوی دی. د لنډ مهال لپاره یې وړاندې له دې چې په ۱۷ کلنۍ کې د زده کړو په موخه د کاناډا کووینز پوهنتون (Queen's University) ته لاړ شي، په پرتوریا پوهنتون (University of Pretoria) کې زده کړې وکړې. هغه دوه کاله وروسته پنسلوانیا پوهنتون (University of Pennsylvania) ته لاړ، چېرې چې هغه د اقتصاد او فزیک په برخه کې خپل لېسانس ترلاسه کړ. نوموړی په ۱۹۹۵ زکال کې کالیفورنیا ته لاړ، څو په سټنفورډ پوهنتون (Stanford University) کې زده کړې وکړي، خو پریکړه یې وکړه چې سوداګري پیل کړي، له خپل ورور کېمبل (Kimbal) سره یې په ګډه د زیپ ۲ (Zip2) په نوم د انټرنټي سافټویرونو شرکت جوړ کړ. دغه نوی په پښو ولاړ شرکت په ۱۹۹۹ زکال کې د کامپک (Compaq) شرکت له خوا په ۳۰۷ میلیونه امریکايي ډالرو وپېرل شو. ماسک هماغه کال، د شراکت په ډول د اېکس.کام (X.com) په نامه انلاین بانک جوړ کړچې په ۲۰۰۰ زکال کې له کانفینتي (Confinity) سره یوځای شو او پی پل (PayPal) یې رامنځ ته کړ. دغه شرکت په ۲۰۰۲ زکال کې د اي بې (eBay) له خوا په ۱.۵ میلیارده ډالرو وپېرل شو.

په ۲۰۰۲ زکال کې، ماسک د سپېس اکس (SpaceX) په نامه، د فضایي لېږد وسایلو تولید کوونکي شرکت او د فضایي لېږد رالېږد د خدمتونو کمپنۍ بنسټ کېښود، چې په خپله یې اجرائیوي مشر او لوړ پوړی تخنیکي مسئول و. هغه په ۲۰۰۴ زکال کې د برېښنایي موټرو د جوړونکې کمپنۍ تسلا موتورز (Tesla Motors, Inc) (اوس تسلا کمپنۍ) سره د هغې د رئیس او د تولیداتو د طرح کوونکي په توګه یوځای شو چې په ۲۰۰۸ زکال کې یې د هغې اجرائیوي مشري هم پر غاړه واخیسته. په ۲۰۰۶ زکال کې یې د سولر سیتي په نامه، د لمریزې برېښنا د خدمتونو وړاندې کوونکې کمپنۍ په جوړېدو کې مرسته وکړه، چې بیا وروسته د تسلا له خوا وپېرل شوه او په تسلا انرژي واوښته. نوموړی په ۲۰۱۵ زکال کې د شراکت په ډول د دوستانه مصنوعي هوش (friendly artificial intelligence) غیر انتفاعي څېړنیز شرکت  اوپن اې آی (OpenAI) بنسټ کېښود. په ۲۰۱۶ زکال یې په شراکت سره د نېورالینک (Neuralink) په نامه،  د عصبي تکنالوژي کمپنۍ چې د مغز – کمپیوټر په نښلېدو تمرکز لري، جوړه او د بورېنګ کمپنۍ په نامه یې د تونل جوړولو د ودانیز شرکت بنسټ کېښود. ماسک د هایپرلوپ (Hyperloop) په نوم د لېږد رالېږد لپاره د چټک ریل سیستم هم طرح کړی دی.

ماسک په یو شمېر بحث جوړوونکو او ډېرو عمومي غیر معمول او غیر علمي موضوعاتو کې د هغه د دریځ نیولو له امله، تر نیوکو لاندې هم راغلی. په ۲۰۱۸ ز کال کې یې یو بریتانوي تونل ایستونکي د تام لوآنګ تونل (Tham Luang cave rescue) د ژغورنې په عملیاتو کې ، پرهغه د درغلي کولو تور پورې کړ؛ د کالیفورنیا قضايي پلاوي د ماسک په پلوي پریکړه وکړه. په همدغه کال کې د امریکا د متحده ایالاتو د بورس او اسهامو کمیسیون (US Securities and Exchange Commission)  د هغه د دروغجن ټویټ له امله، چې څرګنده کړې یې وه، هغه د تسلا د خپلولو لپاره بودیجه برابره کړې، له ده شکایت وکړ. نوموړی د (SEC) سره هوکړې ته ورسېد او د لنډ مهال لپاره له ریاست ګوښه او همدارنګه یې د ټویټر په کارولو کې پر ځان محدودیتونه ومنل. ماسک د کوېډ ۱۹ ټول شموله ناروغۍ اړوند ناسم معلومات خپاره کړي او د مصنوعي هوش او عمومي لېږد رالېږد اړوند یو شمېر موضوعاتو په ګډون د ده نورنظریات هم د کارپوهانو له نیوکو سره مخامخ شوي دي.

سوداګریز ژوند[سمول]

زیپ ۲[سمول]

په ۱۹۹۵ ز کال کې ماسک، کېمبل (Kimbal) او ګرېګ کوري(Greg Kouri) د انټرنټي سافټوېر شرکت زیپ ۲ د انجل پانګوالو (angel investors) څخه د پانګې په اخیستو تاسیس کړ. دوی دغه پانګونه په پالو آلټو (Palo Alto ) کې په یوه کوچني کرایي دفتر کې وکړه. دغه شرکت د ورځپاڼو خپروونکو لپاره انټرنټي ښاري لارښود، د نقشو په لرلو، لارو ښودلو او ژېړو پاڼو په لرلو سره جوړ او بازار ته وړاندې کړ. ماسک وایي: وړاندې له دې چې شرکت یې بریالۍ شي، نه یې شو کولای کور وپېري، پر ځای مو دفتر په کرایه نیولی و، په کوچ به ویده کېدم، په YMCA کې به مې حمام کاوه او له خپل ورور سره مې په ګډه له یوه کمپیوټر څخه کار اخیست. د ماسک په وینا: ویب پاڼه به د ورځې له مخې فعاله وه او د شپې به مې په کې کوډېنګ کاوه، په اونۍ کې اووه ورځې، هره شېبه.، د ماسک ورور له نیویارک تایمز او شیکاګو تریبیون سره هوکړه لاسلیک کړه، د شرکت مدیره پلاوی یې قانع کړ، څو له سیټي سرچ (CitySearch) سره د یوځای کېدو له پلانه تېر شي. ماسک هڅې وکړې څو اجرائیوي مشر شي، خو هغه څوکۍ د کمپنۍ له رئیس ریچ سورکین (Rich Sorkin) سره وه او د مدیره پلاوي له خوا یې هڅې شنډې شوې. کمپک (Compaq) د ۱۹۹۹ زکال په فبروري میاشت کې، په ۳۰۷ میلیونه ډالرو زیپ ۲ وپېرله. ماسک هم د خپلې ۷ سلنې ونډې له مخې ۲۲ میلیونه ډالر ترلاسه کړل.[۱۲][۱۳][۱۴][۱۵][۱۶][۱۷][۱۸][۱۹][۲۰][۲۱][۲۲]

اېکس.کام او پې پال[سمول]

په ۱۹۹۹ زکال کې، ماسک په مشترک ډول د پر لیکه (آنلاین) مالي خدمتونو او برېښنالیک له لارې د پیسو د ورکړې شرکت اېکس.کام (X.com) بنسټ کېښود، چې د فدرال بیمې لرونکی لومړنی آنلاین بانک و. په څو میاشتو کې یې له ۲۰۰ زره زیات پېرودونکي (مشتریان) پیدا کړل. د دغه شرکت پانګوالو ماسک بې تجربې ولید او د کال تر پایه یې د هغه پر ځای بېل هاریس (Bill Harris) د اجرائیوي مشر په توګه وټاکه. په راتلونکي کال کې، اېکس.کام له کانفینټي (Confinity) آنلاین بانک سره، چې د مکس لیوچین (Max Levchin) او پیټر ټایل (Peter Thiel) له خوا جوړ شوی و، یوځای شو، څو د غیر ضروري سیالۍ مخه ونیسي. کانفینیټي د پې پال (PayPal)  په نامه د پیسو د لېږد خپل ځانګړی خدمت درلود، چې د اېکس.کام له خدمت څخه ډېر مشهور و. په یوځای شوي شرکت کې، ماسک یوځل بیا د اجرائیوي مشر دنده ترلاسه کړه. له هغې چې ماسک د مایکروسافټ سافټوېر له لینوکس (Linux) غوره وګاڼه، په شرکت کې یې درز رامنځته کړ او هغه  د دې لامل وګرځېد، څو ټایل (Thiel) استعفا ورکړي. په شرکت کې د یو شمېر تخنیکي ستونزو د رامنځته کېدو او منسجم سوداګریز موډل د نشتوالي له امله، مدیره پلاوي ماسک له اجرائیوي مدیریت څخه لرې او پر ځای یې ټایل د ۲۰۰۰ زکال په سپټمبر کې وټاکه. د ټایل تر مدیریت لاندې شرکت، په پې پال خدمتونو ډېر پام وکړ او په ۲۰۰۱ ز.کال کې، د شرکت نوم پې پال (PayPal) ته واښت. په ۲۰۰۲ زکال کې، پې پال د اي بې (eBay) شرکت له خوا، د ۱.۵ میلیارد ډالرو په ارزښت وپېرل شو، چې ماسک په کې د ۱۱.۷ سلنه ونډې په لرلوسره چې تر ټولو زیاته ونډه یې لرله – له ۱۰۰ میلیونه ډالرو زیات ترلاسه کړل.[۲۳][۲۴][۲۵][۲۶][۲۷][۲۸][۲۹][۳۰][۳۱][۳۲][۳۳]

په ۲۰۱۷ ز.کال کې ماسک له پې پال څخه د اېکس.کام برخه په نامعلومه بیه وپېرله، او څرګنده یې کړه چې هغه ورته له احساسي پلوه ارزښت لري.[۳۴][۳۵]

سپیس اېکس[سمول]

په ۲۰۰۱ ز کال کې، ماسک د مریخ له غیر انتفاعي ټولنې (nonprofit Mars Society) سره یوځای شو، هغه ته دا فکر پیدا شو چې مریخ ته د بوټو د ودې یوه خونه ولېږي، له همدې امله د خپلې پروژې لپاره د مالي امکاناتو د برابرلو په موخه لاس په کار شو. د ۲۰۰۱ ز کال په اکټوبر کې ماسک مسکو ته سفر وکړ، تر څو قاره وهونکي بالیستیک توغندي (ICBMs) وپیري او وکولای شي، شنې خونې فضا ته ولیږي. هغه له NPO Lavochkin او Kosmotras شرکتونو سره ولیدل، په داسې حال کې چې په دې برخه کې تازه کاره او نوی و. ان یوه روسي انجینر هغه ته دومره ارزښت ورنه کړ. وروسته دغه ډله خالي لاس امریکا ته راوګرځېدله. د ۲۰۰۲ ز.کال په فبروري میاشت کې یو ځل بیا دغه ډله روسیې ته د درېو ICBMs د موندلو په موخه لاړه. دوی له Kosmotras سره بله کتنه وکړه چې په دې لیدنه کې یې دوی ته یو توغندی په ۸ میلیونه ډالرو بیه کړ، چې ماسک و نه منله. ماسک پریکړه وکړه چې داسې یو شرکت جوړ کړي، څو وکولای شي، په لږ لګښت سره میزایلونه جوړ کړي. ماسک د ۲۰۰۲ ز.کال په مۍ میاشت کې، په خپلې ۱۰۰ میلیونه ډالري لومړنۍ پانګې سره Space

Exploration Technologies Corp د اکتشافي تکنالوژي سپېس اېکس جوړ کړچې تر ۲۰۲۱ ز کال پورې، هغه د دغې کمپنۍ اجرائیوي مشر او د سرانجینر په توګه یادېږي.[۳۶][۳۷][۳۸][۳۹][۴۰]

له درې ځله ناکامه توغولو وروسته، سپیس ایکس وتوانېد چې په ۲۰۰۸ ز کال کې، د فالکان ۱ په نوم توغندي په توغولو باندې بریالي شي. دا په مایع سون توکو باندې لومړنی خصوصي توغندی و چې د ځمکې مدار ته ورسېد.

سرچينې او ياداښتونه[سمول]

  1. ↑ . Billionaire Tesla CEO Elon Musk Buys Neighbor's Home in Bel Air For $۶.۷۵ Million. Forbes.
  2. ↑ . Inside Elon Musk's $۱۷M Bel Air Mansion. Bloomberg News.
  3. ↑ https://cleantechnica.com/2020/11/19/tesla-ceo-elon-musk-reports-recovery-from-confirmed-covid-infection/ — د نشر نېټه: ۲۱ نومبر ۲۰۲۰
  4. ↑ http://www.dailymail.co.uk/news/article-3185591/Elon-Musk-withdraws-divorce-papers-against-wife-Talulah-Riley-one-month-pair-spotted-holding-hands-Allen-Company-conference.html
  5. ↑ Musk, Justine (September ۱۰, ۲۰۱۰). "'I Was a Starter Wife': Inside America's Messiest Divorce". Marie Claire. http://www.marieclaire.com/sex-love/relationship-issues/millionaire-starter-wife. Retrieved November 28, 2012. 
  6. ↑ (په April ۱۱, ۲۰۱۴ باندې). Timeline: Elon Musk's accomplishments.
  7. ↑ Zanerhaft, Jaron (2013). "Elon Musk: Patriarchs and Prodigies". CSQ. C-Suite Quarterly. د لاسرسي‌نېټه June 11, 2015. الوسيط |CitationClass= تم تجاهله (مساعدة)http://www.csq.com/2013/01/elon-musk-patriarchs-and-prodigies/
  8. ↑ (په April 25, 2014 باندې). Tesla Pays CEO Musk $۷۰,۰۰۰ Following $78 میلیونه Year. Bloomberg
  9. ↑ . Profile: Elon Musk. [[بلومبرګ L.P.|]]
  10. ↑ http://uk.businessinsider.com/tesla-the-origin-story-2014-10
  11. ↑ Cai, Kenrick (September 27, 2021). "Elon Musk Eclipses $200 Billion To Become Richest Person In The World Again". Forbes (په انګلیسي ژبه کي). د لاسرسي‌نېټه September 28, 2021. الوسيط |CitationClass= تم تجاهله (مساعدة)
  12. ↑ (په November 15, 2017 باندې). Elon Musk: The Architect of Tomorrow. Rolling Stone.
  13. ↑ (په June 19, 2018 باندې). Elon Musk slept on his office couch and 'showered at the YMCA' while starting his first company. CNBC.
  14. ↑ Chafkin, Max (December 1, 2007). "Entrepreneur of the Year, 2007: Elon Musk". Inc. مؤرشف من الأصل في February 18, 2018. د لاسرسي‌نېټه December 13, 2020. الوسيط |CitationClass= تم تجاهله (مساعدة)
  15. ↑ "Zip2 Founder Launches 2nd Firm: Readies Financial Supersite. – Free Online Library". www.thefreelibrary.com. مؤرشف من الأصل في April 12, 2021. د لاسرسي‌نېټه April 12, 2021. الوسيط |CitationClass= تم تجاهله (مساعدة)
  16. ↑ Kidder (2013), pp. 224–228.
  17. ↑ Cooper, Charles. "CitySearch, Zip2 to merge in $300 million deal". ZDNet. مؤرشف من الأصل في October 27, 2020. د لاسرسي‌نېټه March 25, 2021. الوسيط |CitationClass= تم تجاهله (مساعدة)
  18. ↑ Vance (2015), p. 67.
  19. ↑ Vance (2015), p. 14.
  20. ↑ Junnarkar, Sandeep (February 16, 1999). "Compaq buys Zip2". CNET. مؤرشف من الأصل في October 21, 2014. د لاسرسي‌نېټه December 13, 2020. الوسيط |CitationClass= تم تجاهله (مساعدة)
  21. ↑ Hartmans, Matt Weinberger, Avery. "How billionaire Tesla and SpaceX CEO Elon Musk went from getting bullied as a child to becoming one of the most successful and provocative men in tech". Business Insider. مؤرشف من الأصل في March 23, 2020. د لاسرسي‌نېټه April 3, 2020. الوسيط |CitationClass= تم تجاهله (مساعدة)
  22. ↑ Vance (2015), p. 109.
  23. ↑ Vance (2015), p. 78.
  24. ↑ Vance (2015), p. 84.
  25. ↑ Vance (2015), p. 86.
  26. ↑ Jackson (2004), pp. 40, 69, 130, 163.
  27. ↑ Vance (2015), p. 85.
  28. ↑ Vance (2015), pp. 85–86.
  29. ↑ Vance (2015), pp. 86–87.
  30. ↑ Vance (2015), pp. 87–88.
  31. ↑ "Timeline: The rise of PayPal". ft.com. مؤرشف من الأصل في June 22, 2020. د لاسرسي‌نېټه April 3, 2020. الوسيط |CitationClass= تم تجاهله (مساعدة)
  32. ↑ "SEC 10-K". PayPal. December 31, 2001. د اصلي آرشيف څخه پر August 25, 2020 باندې. الوسيط |CitationClass= تم تجاهله (مساعدة)
  33. ↑ Vance (2015), pp. 116.
  34. ↑ Huang, Echo. "Elon Musk bought a web domain worth millions with "sentimental value" to him". Quartz. د اصلي آرشيف څخه پر June 25, 2020 باندې. د لاسرسي‌نېټه April 3, 2020. الوسيط |CitationClass= تم تجاهله (مساعدة)
  35. ↑ (په July 10, 2017 باندې). Elon Musk now owns X.com, the defunct domain of his second startup. The Verge.
  36. ↑ (په May 6, 2021 باندې). Elon Musk Is Maybe, Actually, Strangely, Going to Do This Mars Thing. The Atlantic.
  37. ↑ California Business Search (C2414622 – Space Exploration Technologies Corp), مؤرشف من الأصل في February 23, 2018, د لاسرسي‌نېټه December 13, 2020 الوسيط |CitationClass= تم تجاهله (مساعدة)
  38. ↑ (په February 5, 2006 باندې). A Bold Plan to Go Where Men Have Gone Before. The New York Times.
  39. ↑ (په May 14, 2015 باندې). Elon Musk's space dream almost killed Tesla.
  40. ↑ Vance (2015), pp. 99, 102—103.
"https://ps.wikipedia.org/w/index.php?title=ایلان_ماسک&oldid=272994" نه اخيستل شوی