امیر شیر علی خان

امير شېر علي خان امیر شېر علي خان زوکړه ۱۸۲۵ مړینه ۲۱ فبر وري ۱۸۷۹ز کال مزار شريف ۵۴کلن) د افغانستان هغه واکمن پاچا وو چې پښتو ژبه یې د عسکري نظام او ملي ټرمینولوژۍ ژبه کړه. شیر علی خان د دوه دورو لپاره د معاصر افغانستان امیر وو. نوموړی لومړی له ۱۸۶۳-۱۸۶۶ د دویم ځل لپاره د ۱۸۶۸-۱۸۷۹ز کال پورې د افغانستان امیر وو.

امير شېر علي خان
د افغانستان امير
واکمني	۱۸۶۳ ز. - ۱۸۷۹ ز.
بشپړ نوم	امير شېر علي خان
زېږون	۱۸۲۵ ز.
مړينه	۲۱ د فېبروري، ۱۸۷۹ ز.
د مړينې ځای	مزارشريف
هديره	شین جومات (مزار شریف), مزار شريف, افغانستان
مخکنی پاچا	امير دوست محمد خان
وروستنی پاچا	لومړي ځل: امير محمد افضل خان دوهم ځل: امير محمد يعقوب خان
سټه	امير محمد يعقوب خان غازي محمد ايوب خان
کورنۍ	بارکزي
پلار	امير دوست محمد خان
مور	خدیجه بېګم پوپلزۍ

کورنۍ

امیر شیر علی خان د بارکزیو له کورنۍ څخه د افغانستان دویم امیر الطنه وو.

واک ته رسېدنه

امیر شیر علی خان چې د خپل پلار ځایناستی (ولیعهد) وو په ۱۲ جون ۱۸۶۳م کال په هرات کې خپل حکومت اعلان کد. و یل کیږي د نوړی ورونو له شیر علی خان سره بیعت (هوکړه) وکړه، کابل د سفر پر مهال امیر د ترات حکومت خپل زوی امير محمد يعقوب خان ته وسپاره، کابل ته د لارې په اوږدو کې د نوموړی ورور محمد اعظم خان د هزارجاتو د سیمې مسول او خپل سکه ورور محمد حسین خان ته ورغی، محمد اعظم خان غوښتل د هزاره ګانو په ملاتړ د شیر علی خان حکومت له منځه یوسي، اما پدې وخت کې هزارګانو له نوموړی سره مرسته نوه کړې. محمد اعظم خان له هزارجاتو وروسته د خپلو نورو ورونو په مرسته پر کابل حمله وکړه، اما د شیر علی خان څخه یې ماتې وخوړه، له ماتې وروسته امير محمد اعظم خان بریتانوی هند ته پناه یوړه، له دې پیښې وروسته امیر شیر علی خان چې د کندهار مسول مشر د نوموړی ورور محمد امین خان وو په کندهار د حملې لپاره خپل زوی محمد علی خان ولیګه، چې د جنګ په صورت کې د شیر علی خان ورور او زوی محمد علی خان ووژل شول. ویل کیږي د نوموړی د زوی او ورور له وژنې وروسته شیر علی خپل عصبی سیستم له لاسه ورکړ او هدا یې لامل شو چې انزوا ته لاړ شي، او خپل حکومت له لاسه ورکړي.