د کتاب د منځپانگې په اړه

افغانستان له شخصي دوسيې څخه
ليکوال	و. ا. کريوچکوف
ژبه	پښتو
هېواد	پاکستان، پېښور
د خپريدو نيټه په پښتو	۱۳۸۲ لمريز/۲۰۰۳ زېږدي کال
د کتاب موضوع
	تاريخي اثر
	سمول

د وخت د کې جې بي مشر ستر جنرال کريوچکوف د افغانستان په اړه د يرغل د کلونو په بېلابېلو پېښو کې ټاکونکې ونډه درلوده . د «شخصي دوسيه» نومی اثر چې افغانستان یې یوه برخه ده ، د هغه د شخصي نظر ، خو په رښتيا کې د هغه وخت د ټولې شوروي کمونيستي واکمنۍ اند او ليدټکي بيانوي . سره له دې چې دغه اثر د شوروي تبليغاتو د يوې برخې په توگه کښل شوی ، خو د زړو نظرونو د تثبيت او بيا اعتراف لپاره موږ ته د لاسوند په توگه د پاموړ دی .

د چاپ چارې

افغانستان له شخصي دوسيې څخه اثر په جرمني کې د افغانستان د کولتوري ودې ټولنې له خوا چاپ شوی دی . دغه اثر ټول ۱۰۳ مخه دی چې د زرو ټوکو په شمېر یې د چاپ چارې د اسدالله دانش ساپي چاپخونې له خوا پر ۱۳۸۲ لمريز (۲۰۰۳) زېږدي کال په پېښور کې ترسره شوې دي . چاپ زيار یې سيد عبدالله پاچا گاللی او د کمپوز کار یې هم ذبیح الله شفق کړی دی . کتاب په څه ناڅه منځني کاغذ کې چاپ شوی او دوتنه یې هم نرمه ده .

اخځونه

افغانستان له شخصي دوسيې څخه .
http://ru.wikipedia.org/wiki/Крючков,_Владимир_Александрович