عمر زاخېلوال
عمر زاخېلوال په ۱۳۴۶ هجري لمریز کال کې هغه مهال چې پلار یې د بدخشان په ولایت کې دنده ترسره کوله په دغه ولایت کې نړۍ ته سترگې پرانیستې.
زده کړې او دندې
[سمول]زاخیلوال خپلې لومړنۍ زده کړې دکونړ، پروان، پنجشير او په خپل پلارني ټاټوبي ننگرهار کې سرته رسولې وې.
عمرزاخیلوال په افغانستان باندې د پخواني شوروي اتحاد له یرغل وروسته پاکستان ته لاړ او په دغه هېواد کې د یوې مودې له اوسېدو او د ننگرهار، کنړ او پنجشېر ولایتونو په جهادي جبهو کې له برخې اخیستنې وروسته د خپلو لوړو زده کړو د دوام لپاره د کاناډا هېواد ته لاړ چې د تحصیل په پای کې یې ددغه هېواد داوتاوا ښار د کارلیتن له پوهنتون څخه د دوکتورا سند تر لاسه کړ.
سياسي ژوند
[سمول]ډاکتر زاخیلوال په ۱۳۸۴ هجري لمریز کال کې بيرته افغانستان ته راستون شو، لومړی یې د کلیو د بیا رغونې او پراختیا د وزیر د ستر سلاکار، د خصوصي پانگې اچونې یا آیسا داداري ریس او د افغانستان بانک د عالي شورا د غړي په توگه دنده ترسره او وروسته په اقتصادي چارو کې دافغانستان داسلامي جمهوریت د جمهور ریس د سلاکار په توگه ومنل شو.
ډاکتر زاخیلوال د۱۳۸۷هجري لمریز کال د ليندۍ په میاشت کې دهيواد د جمهور ریس له خوا د ترانسپورت وزارت د سرپرست او دهمدغه کال د سلواغې په میاشت کې د مالیې د وزیر په توگه ولسي جرگې ته د باور د رایو د ورکولو لپاره وروپیژندل شو.
ډاکتر عمر زاخیلوال په پښتو، دري او انگلیسي ژبو بشپړ تسلط لري.
باندنۍ تړنې
[سمول]- عمر زاخیلوال پښتو مرکه،په شمشاد ټي وي په یوټیوب کې
- عمر زاخیلوال اوردو مرکه،د سليم صافي سره په یوټیوب کې