عارف خزان

د ويکيپېډيا، وړیا پوهنغونډ له خوا
و اصلی برخی ته ورشی د پلټنې ځای ته ورټوپ کړی
عارف خزان يو افغان شاعر او اديب

عارف خزان د پښتو ژبې يو شاعر دی.

مخينه

عارف حزان د كرم خان زوى ، په ۱۳۳۰ لمريز كال كې د هرات په ښار كې زېږېدلى دى .

زده کړې او ادبي کارندتياوې

عارف خزان لا ماشوم وو چې له زده كړې سره يې مينه پيدا شوه . لومړى يې په خصوصي توگه په زده كړه پيل وكړ او وروسته بيا د فراه ولايت د ابو نصر فراهي په لېسه كې شامل او خپلو زده كړو ته يې دوام وركړ . دی لا کوشنی وو، په درېيم ټولگي کې وو چې د فراه ولايت د سيستان په نامه ورځپاڼه به يې لوستله او د دغې ورځپاڼې له لارې يې له شعر او شاعرۍ سره مینه پيدا شوه .

عارف خزان د ۱۳۵۲ لمريز كال نه راهيسې د كانو او صنايعو په وزارت كې كار كاوه . ده هممهال پر ۱۳۵۷ لمريز كال د افغان ستندرد مجلې د مسؤل مدير په توگه هم كار كړى دى . عارف خزان له ۱۳۵۴ لمريز كاله راهيسې شعر ليكي. دده شعرونه په ورځپاڼو ، مجلو ، مهالنيو او راډيو-ټلوېزيون كې خپاره شوي دي . همدا راز يې ځینې شعرونه ځینو سندرغاړو هم کمپوز کړي او د موسیقۍ په پردو کې يې زمزمه کړي دی.

کله چې پر ۱۳۷۱ لمريز کال په هېواد کې حالات لا ډېر کړکېچن شول، نو عارف خزان هم لکه د نورو گڼ شمېر افغانانو په څېر دې ته اړوت چې له هېواده بهر ولاړ شي، نو هغه وو چې پاکستان ته ولاړ او د ۴ کالو شاوخوا کې يې هلته ژوند وکړ . نوموړی له پاکستانه پر ۱۹۹۶ ز کال لومړی تاشکند ته او بيا له هغه ځايه د همدغه کال پر سيپټمبر مياشت کې مسکو ته ولاړ . عارف خزان د روسيې په پلازمېنه مسکو کې څو کاله د لېمه (مجله) مجلې پازول چلوونکی وو . دی پر ۲۰۰۵ ز کال له روسيې څخه امريکا متحدو ايالتونو ته ولاړ او هلته د بريلېنډ ايالت په بالتيمور ښار کې مېشت شو .

چاپي اثار

  1. د سحر په غېږ كې، د شعرونو ټولگه ده، چې د افغانستان د ليكوالو ټولنې له خوا پر ۱۳۶۵ لمريز كال چاپ شوې ده .
  2. له برهوت نه، دا هم د عارف خزان د شعرونو دويمه ټولگه ده، چې د افغانستان د ليكوالو ټولنې له خوا په ۱۳۶۹ لمريز كال كې چاپ شوې ده .
  3. د لارو سره شپې، د عارف خزان د شعرونو درېيمه ټولگه ده چې پر ۱۹۹۸ ز كال په مسكو كې د لېمې مجلې د ادارې له خوا چاپ شوې ده .

ناچاپه آثار

د شعر څو بېلگې

سرچينې

  1. د سحر په غېږ کې، د ۱۳۶۵ لمریز کال کابل چاپ.
  2. د لارو سره شپې ، ۱۹۹۸ زېږدي کال مسکو چاپ.
  3. http://www.mashaalradio.org/audio/27258689.html