د افغانستان کردان

د افغانستان کُردان (په کردي: کوردانی افغانستان) د کردانو یوه افغان توکمه ډله ده. دوی څو ځله افغانستان ته داخل شوي دي.

تاریخ

په افغانستان کې کردان د مغولانو د يرغل پر مهال راغلل. کردان د ایران له شمال لویدیځ څخه نیول شوي او افغانستان ته د مغولانو سره د جګړې لپاره لیږل شوي. کردان د ایران خراسان ته هم واستول شول چې د ترکمن او ازبک کوچیانو د پراخیدو مخه ونیسي. کردان په بېلابېلو وختونو کې افغانستان ته راغلي او هلته اوسېدل. د نادر شاه افشار د پاچاهۍ پر مهال ډېرو کردانو خپلې خاورې پرېښودې او خراسان ته چې د ایران، افغانستان او ترکمنستان سیمې دي، ننوتل. که څه هم د افغان کردانو اکثریت د هغو کردانو نسل دی چې د مغولانو سره د جګړې لپاره راوړل شوي، یا د کردانو څخه دي چې افغانستان ته مهاجر شوي، د پام وړ شمیر اسلامپال کردان په 1980 لسیزه کې د شوروي اتحاد او په 2000 لسیزه کې د امریکایانو په وړاندې د جګړې لپاره افغانستان ته راغلل. ډیری دغو کردانو په افغانستان کې میشت کیدل غوره کړل او د ملت برخه شول. افغان کُردان نن ورځ تر بل هر وخت ډېر سره یو ځای شوي، خو ځانونه د کردانو په نوم پېژني. ډیری یې په دري یا پښتو خبرې کوي د مورنۍ ژبې په توګه، که څه هم د دوی په منځ کې ځینې کرد ويونکي هم شتون لري. که څه هم ډیری افغان کردان په ښارونو کې ژوند کوي، ډیری یې اوس هم د افغانستان په غرونو کې د وزو او پسونو سره د کوچیانو ژوند تیروي، لکه څنګه چې دوی په کوردستان کې ژوند کاوه. ډیری کردان هم د پښتنو ګاونډیان دي چې دواړه ډلې په ګډه په سوله کې ژوند کوي. کردان اهل سنت و جماعت پالي او تر ډېره په هرات، غزني، مزار شريف او کابل ښارونو کې ژوند کوي. د دوی نفوس شاوخوا 200 زره دی.