اوغوز ترکان
اوغوز ترکان د لويديځي تركيې وګړي وه چي د اوغوز ترکي ژبه یې ویله. [۱] د ترکانو دغه قبیلې په اتمه پیړۍ کي په منځنۍ اسیا کي د اوغوز یابګو ایالت په نوم په دودیز ډول یو قومي کنفدراسیون رامنځ ته کړ. په اوسنی نړۍ کي د ترکیې ، آذربایجان او ترکمنستان ډیری نفوس د اوغز ترکانو اولادونه بلل کیږي. د بازنطین په سرچینو کي د ترکانو دغه ښاخ ته Uzes ویل سوي دي. [۲] د اوغوز اصطلاح په تدریجي ډول د دیارلسمي پېړۍ د ترکمن او ترکمن اصطلاحاتو پوري غځیږي. [۳]
د دغه قوم کنفدراسیون د اویغورانو او کارلوک متحدینو ترمنځ ترجګړې وروسته د جیټی سو سیمي څخه لویدیځ ته وکوچېدی. په لسمه پیړۍ کي اوغوز ترکان په اوسني قزاقستان کۍ د بلخش جهيل شمال ته د سري سو ، تورګي او امبا سیندونو پر غاړه اوسیدل. [۴]
اوغوز ترکانو تر اسلام منلو وروسته خپل دودونه او بنسټونه د اسلامي نړۍ سره په تطابق کي راوستل، او د دولت جوړوني په رغنده احساس سره یې سترواکمنی هم رامنځته کړې. په 11 پیړۍ کي د سلجوق اوغوز قبیله افغانستان او فارس ته ولاړه او د سلجوق لوی امپراتورۍ د بنسټ ډبره یې کښېښودل. په همدې پېړۍ کې د اوغوز د تنګري قبیلې چې د اوز یا تورکس په نامه هم یادېږي د روسیې د سیندونو په پوله کې د پیچنیګ تسلط ړنګ او هلته یې خپل نفوس وغځاوه. د اوغز جنګیالیو د 1000 لسیزي راهیسي د منځني ختیځ په نږدې ټولو اسلامي لښکرو او همدارنګه تر هسپانیا او مراکش پورې چوپړتیاوي (خدمتونه) کړي دي. [۵]
- ↑ The modern Turkish, Turkmen and Azerbaijani languages are all Oghuz languages.
- ↑ Omeljan Pritsak, "Uzes", in Alexander P. Kazhdan, ed.
- ↑ Lewis, G. The Book of Dede Korkut.
- ↑ Grousset, R. The Empire of the Steppes.
- ↑