ولید بن عبدالملک

اړوند
زېږونځای	مدينه
ښاروندتوب	اموي خلافت
زېږون نېټه	۰۶۶۸
مړينې نېټه	۲۳ فبروري ۰۷۱۵
مړينې ځای	غوطه
ژبې	عربي ژبه
دنده	سياستوال — والي — Caliph (en)
عمومي مالومات	انسان
وروڼه او خويندې	لړۍ... Hisham ibn Abd al-Malik (en) — Sulayman ibn Abd al-Malik (en) — Yazid II (en) — Maslamah ibn Abd al-Malik (en) — Muhammad ibn Abd al-Malik ibn Marwan (en) — Sa'id ibn Abd al-Malik (en) — Marwan ibn Abd al-Malik (en) — Fatima bint Abd al-Malik (en) — Bakkar ibn Abd al-Malik (en)
دین	اسلام

ابو العباس ولید بن عبدالملک بن مروان بن الحکم بن ابی العاص الاموي القرشي ( ۵۰-۹۶هـ س/ ۶۶۸-۷۱۵ ز) ، د اموي دولت شپږم واکمن او خلیفه وو. نوموړی په مدینه منوره کي زیږیدلی وو او په ۸۶ هجري سپوږمیز کال کي یې د خپل پلار عبدالملک بن مروان له مړیني وروسته د خلافت چاري په غاړه واخیستې. د عبدالملک خلافت تر ۹۶ هجری یعني دده تر وفات پوري لس کاله دوام وکړ.

د عبدالملک د خلافت پر مهال په دمشق کي د اموي جومات او په مدينه کي د رسول الله صلی الله عليه وسلم جومات جوړ او دویم ځل ترمیم سول. همدارنګه د اندلس او د ترکانو د خاوري فتحه او د خپل پلار په دولت او د حج په وخت کي څو ځله پر رومیانو باندي یرغل دده ستري کارنامې وې.

ابن ابی عبله رحمه الله فرمایي:

الله تعالی دي پر ولید رحم وکړي، هغه خو هند او اندلس فتحه کړل، او ماته به یې هر وخت څه اندازه سپین زر راکول ترڅو پر غریبانو یې ووېشم.

د تاریخونو له مخي ولید بن عبدالملک په نهه ويشتم هجري کال کي د جمادي الثاني په مياشت کي د ٥١ کالو په عمر باندي وفات او په باب الصغير کي خاورو ته وسپارل سو.

تر وفات وروسته یې ورور سلیمان بن عبدالملک واک ته ورسېدی. ولید بن عبد الملک که څه هم له دې ټاکني نه وو خوښ او هڅه يې کول چي خپل زوی عبدالعزیز واک ته ورسوي، خو عمر بن عبدالعزیز له دې کار څخه راوګرځاوه او خلافت یې سلیمان ته پرېښود.

په اسلامي تاریخ کي د ولید زمانه د اموی دولت زرین دور بلل کیږي، چي له کبله یې مسلمانان د خپل سوکالۍ په اوج کي اوسېدل. د هغه د واکمنۍ پر مهال اسلام په ختیځ کي تر چین، په لویدیځ کي د طارق بن زیاد او موسی بن نصیر په مټ تر اندلس ( هسپانیا )، په سوېل ختیځ کي د محمد بن القاسم په مټ تر سیند او قتیبه بن مسلم تر خراسان پوري ورسېدی، او اسلامي لښکرو په لر او بر کي ستر پرمختګونه ترسره کړل.