حميرا بېگم

اړوند
زېږونځای	کابل
ښاروندتوب	افغانستان
زېږون نېټه	۲۷ جولای ۱۹۱۸
مړينې نېټه	۲۶ جون ۲۰۰۲
مړينې ځای	روم
مړينې لامل	زړه نابری
ښخولو ځای	کابل
دنده	consort (en)
عمومي مالومات	انسان
دین	اسلام
جایزې	Grand Cross of the Legion of Honour (en) ; Grand Cross Special Class of the Order of Merit of the Federal Republic of Germany (en) ; Order of the Supreme Sun (en) ; Order of the Precious Crown (en) ;

ملکه حميرا بېگم (په انگرېزي Queen Humaira Begum) د افغانستان د پخواني پاچا محمد ظاهرشاه مېرمن وه چې د ايټاليا په پلازمېنه روم كې يې د خپل ژوند پور پرې كړ او له دې نړۍ څخه يې سترگې پټې كړې. ملكې حميرا د خپل ژوند 84 پسرلي په دې دنيا تر شا پرېښودل. ملكې نهه اولادونه درلودل چې د شپإو يې لا د ځمكې پر سر د ژوند وربشه شته.

ملكه حميرا يوه ډېره زړه سواندې مېرمن وه، دې به تل د خپل ناچارو خلكو پوښتنه كوله او ورسره به يې وړ مرسته هم كوله. هغه مهال چې ملكه په افغانستان كې وه، وخت ناوخته به روغتونونو ته تله او د ناروغږنو پوښتنه به يې كوله.

ملكه حميرا د احمدشاه خان لور وه، چې 84 كاله مخكې يانې په 1297ل كال كې په كابل كې زېږېدلې وه، د ملكې حميرا پلار د دربار د وزير په توگه د دولت په چارو كې خپله دنده پر مخ بيوله.

ملكه حميرا د 2002 كال د چارشنبې پر ورځ د جون پر 26مه ( 1381ل كال د چنگاښ پر 5مه) د ايټاليا د پلازمينې په يوه روغتون كې په حق ورسېده، تابوت يې چې د افغانستان په درې رنگه ملي بيرغ پوښل شوى و، د ايټاليا په يوه ځانگړې پوځي الوتكه كې د چنگاښ 9مه كابل ته راوړل شو.

ملكه حميرا په ځانگړى مراسمو كې خاورو ته وسپارل شوه، كله چې د ملكې حميرا تابوت له الوتكې كوز كړل شو، نو په خورا جم و جوش سره د هغې درناوي ته خلك راغونأ شوي وو.

د ملكې حميرا په مړينه د هېواد په گوت گوت كې خلك خواشيني وو او د هېواد په لويو ښارونو كې يې فاتحه واخېستل شوه. له هېواده بهر هم د ملكې حميرا فاتحه واخيستل شوه، په دې لړ كې د جرمني په فرانكفورت كې د ښاغلي نثار احمد شريندل په نوښت د يوې درنې فاتحې د مراسمو ترتيبات وينول شول چې خورا ډېرو خلكو گأون په كې كړى و، چې د ملكې اروا ته يې د دعا لاسونه پورته كړل.