اډولف ایچمان

اډولف ایچمان ( 1906 _ 1962 ) د نازي جرمني یو فوځي افسر او د هولوکاسټ مشهوره څېره وه چي د دویمي نړیوالي جګړې پر مهال یې لوی شمېر یهوادن ووژل. په نازي جرمني کي د هټلر د حکومت اړوند د SS- Obergruppenführer Reinhard Heydrich لخوا دنده وسپارل سوه تر څو د جرمني تر اشغال لاندي اروپا کي د ملیونونو یهودانو په ډله ایزو شړلو کي د نازي میشت ځایونو او د نازیانو د ویجاړولو کمپونو ته د لوژستیک اسانتیا برابره او اداره کړي.

اډولف ایچمان

Otto Adolf Eichmann (جرمني )

اړوند

زېږونځای	Solingen (en)
ښاروندتوب	نازي جرمني — د وايمار جمهوريت — اتريش — جرمني
زېږون نېټه	۱۹ مارچ ۱۹۰۶
مړينې نېټه	۱ جون ۱۹۶۲ — ۳۱ می ۱۹۶۲
مړينې لامل	د مرګ سزا
مړينې ځای	Ramla (en)
مړينې لامل	hanging (en)
ښخولو ځای	مدیترانې سمندرګی
زدکړنځی	Bundesrealgymnasium Linz Fadingerstraße (en)
ژبې	جرمني ژبه
ګوند	نازي ګوند
دنده	سياستوال — police officer (en) — پوځي افسر — salesperson (en)

ټوليز مالومات

عمومي مالومات	انسان
غړی د	Allgemeine SS (en)

اړين مالومات

مهمې پېښې	Adolf Eichmann trial (en)
جګړه	دويمه نړېواله جګړه

جوړښت

جایزې	لړۍ...  Anschluss Medal (en) (ناجوت ارزښت)  SS-Ehrenring (en) (ناجوت ارزښت)  Honour Chevron for the Old Guard (en) (ناجوت ارزښت)  SA Sports Badge in Bronze (en) (ناجوت ارزښت)  War Merit Cross 1st Class with Swords (en) (۳ ډېسمبر ۱۹۴۴)  Iron Cross 2nd Class (en) (۲۹ سېپتمبر ۱۹۴۴)  War Merit Cross 2nd Class with Swords (en) (۱۹۴۴)

تر دویمي نړیوالي جګړې وروسته ایچمان په 1945 کي د متحدینو لخوا پیدا او ژوندئ ونیول سو، خو تر لږ وخت تېرولو وروسته یې ځان په تیښته ارجنتاین هیواد ته ورساوه. د 1960 په مئ کي هغه د اسراییلو د موساد استخباراتي ادارې لخوا تعقیب او په ارجنټاین کي تر نیولو وروسته د اسراییلو سترې محکمې ته بوتلل سو. د اسراییل دولت په 1962 کي تر یوې محکمې وروسته ایچمان ته د اعدام حکم واوراوه او هغه یې د بیت المقدس په ښار کي دار ته وخېژاوه.

د معلوماتو له مخي ایچمان په کوچنیوالي کي تر زدکړو وروسته په اتریش کي د خپل پلار د کان کیندني په شرکت کي کار کاوه، چیري چي یې کورنۍ هم اوسېدل. نوموړي په 1927 کي د تیلو پلورونکي په توګه کار کاوه، او په 1932 کي د نازي ګوند او SS دواړو سره یوځای سو. ایچمان په ۱۹۳۳ کي د یهوادنو د جبري شړلو د یوه چارواکي په توګه دنده ترسره کړه او د ۱۹۳۹ کال د سپتمبر په میاشت کي د دویمې نړیوالې جګړې له پیلیدو وروسته هغه او د هغه کارکوونکو د یهودانو لپاره په لویو ښارونو کي په یهودي میشت ځایونو کي د دې تمه پیدا کړه چي دوی به ختیځ یا بهر ته ولیږدول سي.

تر دې پیښي وروسته نازیانو د ۱۹۴۱ کال د جون په ۲۲ مه پر شوروي اتحاد یرغل پیل کړ او د دوی یهودي محوره پالیسي له بند یا جبري هجرت څخه په ویجاړۍ بدله سوه. اېچمان او د هغه کارمندانو د یهودانو د ایستلو لپاره د ویجاړۍ کمپونو ته د استولو مسولیت په غاړه درلود، چیري چي به قربانیان په ګازو مسموم او وژل کېدل. د ایچمان د جرمونو په لړۍ کي په 1944 کي د یوه کاروان د درولو پر مهال د هنګري له 725,000 یهودانو څخه 437,000 وژل سوي وه.

ایچمان تر دویمي نړیوالي جګړې وروسته د لوئر ساکسوني په یوه کوچني کلي کي اوسېدی، او په 1950 کي د جعلي کاغذونو په کارولو سره ارجنټاین ته ولاړ. د اسرایلو د استخباراتو ادارې موساد لخوا راټول سويو معلوماتو په 1960 کي د هغه ځای په نښه کړ، او تر نښه کولو وروسته هغه له ارجنټاین څخه اسراییل ته انتقال او په ټولو تورونو مجرم وپیژندل سو، چي پر بنست یې د 1962 د جون پر 1 نېټه اعدام سو.