کينډۍ:تانبه:ځمکپوهنه/برجسته لیکنه/جنوري, 2011
د ملگرو ملتو د يونسكو د سازمان د ټاكنې له مخې ، په منځنۍ اسيا كې دا هېوادونه او سيمې شاملې دي ، لكه مغولستان ، لوېديز چين ، پنجاب ، شمالي هند او شمالي پاكستان ، شمال ختيځ ايرن ، افغانستان ، د اسيايي روسيې سويلي سيمې ، قرغزستان ، تاجكستان ، ازبکستان ، تركمنستان او قزاقستان . د منځنۍ اسيا د پولو د ټآكلو يو بل ځېل ( وريانټ ) هم شتون لري ، چې په هغه كې د سيمې د وگړو توكميز ( ايتنيكي ) تشكيل په پام كې نيول شوى دى . په دې وريانټ كې ختيځ تورك توكم وگړي ، منگوليايان ، د تبت اوسېدونكي ، د چين د سين څزيان ولايت ، د سويلي سايبيريا توركي ژبې سيمې ، قرغزستان ، تاجكستان ( كه څه هم په تاجكستان كې پارسي ژبې وگړي ژوند كوي ) ، اوزبكستان ، توركمنستان ، قزاقستان او د افغانستان شمالي سيمه شامله ده . له تاريخي پلوه منځنۍ اسيا تل د لويو دښتو درلودونكې سيمې ، د كوچي ولسونو د مېشتځاى او د ورېښمو د لارې په درلودلو سره پېژندل شوې ده .