ويکيپېډيا:ژباړې لارښود
| پيل وکړئ! | څه چېرته دي | ليکنه وکړئ | لومړۍ مخبڼه | دوهمه مخبڼه | تړنه |
خبرې اترې | نوم ليکنه او غړيتوب | اضافي مالومات |
 | دا يو کره ليکنه ده. چې د ويکيپېډيا د ګڼو مرسته کوونکو نظريات او مشورې لري. دا مخ د ويکيپېډيا ليکنه نه ده، او نه هم د ويکيپېډيا تګلار او لارښود دی، دا ځکه چې دا د اجماع له مخې نه دی رامنځته شوی. ځینې ليکنې د پراخه نورومونو استازيتوب کوي او نورې يې د لږکيو د نظرياتو استازيتوب کوي. |
د ژباړل شوې ليکنې جوړښت
د دې لپاره چې له يوې بلې ژبې څخه يوه ليکنه راوژباړئ، بايد لاندې ټکي په پام کې ونيسئ. د دې لپاره چې له پښتو ويکيپېډيا او پښتو ژبې سره مرسته وکړئ، نو له نورو ژبو ويکيپېډيا ګانو څخه ليکنې پښتو ويکيپېډيا ته راوژباړئ، خو په ياد ولرئ، چې د ويکيپېډيا ليکنې په ځپل ذات کې باوري سرچينې نه دي، تاسو بايد د خپلې ليکنې د ننګې لپاره، درېيمګړې باوري سرچينه ولرئ.
ژباړن بايد په دواړو ژبو ښه تسلط ولري. ښه ژباړه اسانه کار نه دی، نو مخکې له دې چې د يوې ليکنې په ژباړلو پيل وکړئ، وګورئ چې د يادې ليکنې ژباړل ستاسو د ژبې لپاره ګټور دي. ټکي په ټکي يې مه ژباړئ، کوښښ وکړئ چې د ليکنې منځپانګيز مفهوم راوژباړئ او ليکنه مو په پښتو ژبه کې په اسانۍ د پوهېدو وړ وي. د نورو ژبو د نومونو په راژباړلو کې له احتياطه کار واخيستل شي او د پښتو کره ليکدود سره سم يې ساده او په ښه ډول وليکئ.
ژباړې پيل
له نورو ژبو د يوې ليکنې د راژباړلو لپاره لومړی په edit (د همدې هم مانا) برخې باندې کلېک وکړئ او وروسته د هغې منځپانګه راوژباړئ، پام موي چې د ليکنې ټولو برخو ژباړلو ته اړتيا نشته، ځکه ځينې وختونه شايد د ويکيپېډيا کوډونه او کينډۍ هم په ليکنه کې و اوسي، چې وروسته له خپرولو سم ښکاريږي، د بېلګې په توګه
هره ليکنه چې د هغې په منځ کې وي، د ليکلو پرمهال به هماغسې ښکاريږي.<ref></ref>د دې کوډ دننه ليکنه په پای کې د سرچينې په توګه ښکاريږي.د دې دننه ليکنه په هر حالت کې له سپين شاليد سره په نه بدلېدونکي حال ليدل کيږي.- ...
د ژباړې پرمهال </code> يا <code><nowiki><code> مه ژباړئ. زياتو مالوماتو لپاره ويکيپېډيا:چټکه زده کړه وګورئ.
ورته سرليک
د دې لپاره چې يو نوم له بلې ژبې راوژباړئ، نو کره او سوچه نومونه ورته پښتو کې وټاکئ، چې هم ټولو ته د پوهېدو وړ وي او هم کره او سوچه پښتو وي، که د کوم نوم په مانا نه پوهېږئ، نو ويکيپېډيا:نوم پښتو ژباړه کې د ورته نوم غوښتنه وکړئ، پام مو وي چې په پښتو ژب کې د (عربي، لاتيني، چینايي ...نورو ژبو) توري د سرليک په توګه ټاکل کېدای نه شي.
مخګرځ
تاسو نشئ کولای چې د مخګرځ لپاره غير پښتو توري وکاروئ، د لازياتو مالوماتو لپاره ويکيپېډيا:مخګرځ وګورئ.
کينډۍ
- د ژباړل شوي ويوکي معادل او ورته نوم ليکنې لپاره {{په انګليسي|انګليسي متن}}، {{په جرمني| جرمني متن}}، {{په فرانسوي| فرانسوي متن}} او نورو ژبو لپاره {{ژبنوم| هماغې ژبې متن}} نه کار واخلئ، د بېلګې په توګه:
- {{په انګليسي|book}} ==>(په انګلیسي: book)
- د ليکنې د کيفيت او منځپانګې د ښه کولو لپاره کوښښ وکړئ چې ويکيپېډيا:مالوماتبکس يا ويکيپېډيا:څنګپټه کينډۍ وژباړئ او ليکنې کې يې ورزيات کړئ.
ويکي خپلمنځي تړنې
هغه ليکنې چې تاسو يې له نورو ويکيګانو پښتو ويکي ته راژباړئ، ويکي خپلمنځي تړنې خامخا ورکړئ، د ډې کار لپاره ويکيډاټا ته ورشئ. لازياتو مالوماتو لپاره ويکيپېډيا:ويکي خپلمنځي تړنې وګورئ.
ژبتړنې
په هغه صورت کې چې ستاسې د پاموړ ليکنه ستاسې له نظره په بله ويکي کې هم موجوده ده، خو تاسو ته يې دقيق سرليک مالوم نه دی، نو کولی شئ چې {{ويکي خپلمنځي تړنې اړتيا}} څخه کار واخلئ؛ او دا کينډۍ د ليکنې په سر کې ولګوئ.
او که د ليکنې يوه برخه سمه نه وي ژباړل شوي، يا لاتين توري ولري، نو کولی شئ چې له {{ژباړل}} د ليکنې يا هماغې برخې په سر کې کار واخلئ.
سرچينې
بشپړې ليکنې لپاره ولولئ: وپ:سرچينو لارښود
کله چې تاسو ليکنه کوئ، نو د هغې ليکنې سرچينه بله ويکي ښودل يو سم او غوره کار نه دی، بلکې د دې پرځای د خپلې ليکنې د ننګې لپاره خپله نورې درېيمګړې سرچينې وړاندې کړئ، دا بهتره او غوره سرچينې بلل کيږي.
که له ليکنه مو د خپلو سرچينو نه په اسفتادې نه وي جوړه کړي، بلکې له بلې ويکي مو راژباړلې وي، نو هلته د سرچينې ورزياتولو لپاره له{{ويکيسرچينه}} کار واخلئ. (زياتو مالوماتو لپاره ويکيپېډيا:سرچينو لارښود#نورو ژبو ويکيپېډيا وګورئ)
سرچينې د <ref></ref> یا <ref name="" /> کوډونو ترمنځ ليکل کيږي، او ژباړلو ته هيڅ اړتيا نه لري.
وېشنيزې
د ليکنو د ډلبندي کولو لپاره کوښښ وکړئ، چې د ليکنې له اصلي ژبې د هغې وېشنيزې هم په سم ډول راوژباړئ او ويکي خپلمنځي تړنې او ژبتړنې ورزياتې کړئ، ترڅو روباټونه يې په اسانۍ سره ډلبندي کړي.
د ليکنې په منځ کې له کيڼ لوري ښي ته ليکنې
د رياضيکي فورمولونو او هغه ليکنو لپاره چې له کيڼ لوري ښي لوري ته ليکل کيږي له {{چپ چين}} وکاروئ.
ماشيني ژباړه (ګوګل ژباړن، بينګ او ورته نور)
له ماشيني ژباړې کار اخيستل بده خبره نه ده، خو ستاسو ژباړه بايد په بشپړ ډول ماشيني نه وي، ترڅو چې کولی شئ، له ماشيني ژباړې کار مه اخلئ، خو که احيانا له ماشيني ژباړې مو کار واخيست، نو ټوله ليکنه مو له سره تر پايه ولولئ او هره جمله يې سمه کړه او له نورو برخو سره ربط ورکړئ او جملې يو له بله سره په ښه توګه وتړئ، ترڅو د لوستلو پرمهال په اسانۍ سره ولوستل شي او مانا يې د اصلي منځپانګې سره توپير ونکړي.
توکي او اوزار
- د ويکيژباړن : په مرسته کولی شئ چې د هر ژبې ليکنې، وېشنيزې او کينډۍ چې په ليکنه کې موجودې وي، د ژباړې پرمهال پيدا کړئ.
- سمونګر توکي:دا توکي له تاسو سره د پښتو (تورو او شمېرو) په ليکلو او د ليکلو په سمولو کې مرسته کوي.