مسعود سرلوڅ مرادزی

د ويکيپېډيا، وړیا پوهنغونډ له خوا
و اصلی برخی ته ورشی د پلټنې ځای ته ورټوپ کړی

ډاکټر مسعود سرلوڅ مرادزی يو افغان سياستوال، سياسي نقاد، څېړونکی او د طب ډاکټر دی .

مخينه

مسعود سرلوڅ مرادزی د محمدرسول زوی، د سيدعلي لمسی، د سيد مرتضی کړوسی او د مرادعلي کودی دی. په ۱۳۲۸ ل کال کې د ننگرهارولايت د کامې د سمسورې ولسوالۍ چې دافغانستان يو شمېر نامتو ليکوال، شاعران او سياستوال ترې راوتلي د فقيرسيب ورثه نومي ځای کې زېږېدلی دی .

زده کړې

زده کړې يي تر بکلوريا پورې د مرادعلي ( رح ) په لوړښوونځي (لېسه) کې بشپړې کړي. په ۱۳۴۸ ل کال د ننگرهار پوهنتون طب پوهنځي کې شامل او په ۱۳۵۵ ل کال کې ټولنې ته د طب د ډاکټر په توگه راووت . د لېسې د زده کړو په مهال يي پښتوژبدود د خپل کورني مشراستاد مولوي شېرگل يوسفزي څخه ولواسته . په ۱۳۶۲ ل کال يي ټولنيزې او فلسفي زده کړې د المان په هېوادکې زده کړې.

دندې

لومړی يي د ميدان وردگو ولايت د محمد جان خان روغتون کې د امر په توگه دنده ترسره کړه . په طبابت کې د يومهال کار څخه وروسته ېې بيا په گڼو سياسي او ټولنيزو چارو کې ونډه واخيسته . او له ۱۳۶۶ـــ ۱۳۶۷ ل کلونو يي د چکوسلواکيا په هېواد کې د افغانستان په سفارت کې د لومړي سکرټر په توگه دنده ترسره کړې ده. په ۱۳۷۵ ل کال په کابل کې د تنظيمي جگړو له کبله اړ شو چې له خپل هېواد افغانستان څخه ووځي او سويډن ته کډه وکړي. اوس د سوېډن په پلازمېنه سټاکهولم کې د خپلې کورنۍ سره يوځای اوسېږي . واده يي کړی، درې لوڼې او دوه زامن لري.

سياسي دريځ

ښاغلی سرلوڅ مرادزی پخوانی کيڼ اړخی پرچم ډلې پلوی و بيا وروسته له هغه د ډاکټر نچیب الله په مشرۍ د وطن گوند په ډله کې چې د پخوانيو خلقيانو څخه جوړ و يوځای شو . اوسمهال د سويډن په ستاکهولم کې خپل سیاسي فعالیت د لیکنو په لړ کې پرمخ وړي .

په انټرنټ پاڼو کې ېې خپرې شوې ليکنې

مسعود سرلوڅ مرادزی د ورځنيو تودو سياسي حالاتو په باب نقدونه ، تبصرې ، او شننې په مختلفو افغاني انټرنټي رسنيوکې خپروي . د نوموړي د ليکوالۍ په برخه کې ېې د مېرمنې له خوا هڅونې د يادولو وړ دي . لاندې کتابونه يي د انټرنټ پرمخ خپاره شوي چې نږدې راتلونکې کې به د چاپ په گاڼو وپسولل شي:


  • مختاړې ـ روستاړي او ځیني تړښتې وییونه
  • د ځایونو نومېښود
  • پښتو ستاینومونه او د هغو جوړښتلارې
  • د بلې سیارې خلک
  • ماشوم نومېښود
  • شعر وزمه خیالونه
  • ننگونې او ملي دریځونه : د لیکنو او مقالو لومړۍ ټولگه
  • ننگونې او ملي دریځونه : د لیکنو او مقالو دویمه ټولگه
  • پښتو کړنومونه او د هغو ځانگړتیاوې

سرچينې

http://afghan-german.com/pd/Maqalat_Tahlilha/start.htm