محمد بن مسلمه

اړوند
زېږونځای	مدينه
ښاروندتوب	خلفای راشدينو واکمني — اموي خلافت
زېږون نېټه	۰۵۸۹ (Gregorian)
مړينې نېټه	۰۶۶۶ (Gregorian)
مړينې لامل	وژنه
مړينې ځای	مدينه
مړينې لامل	killing (en)
ژبې	عربي ژبه
دنده	muhaddith (en) — پوځي ځواک
عمومي مالومات	انسان
دین	اسلام
جګړه	د مصر فتحه راشدین ; د بدر غزا ; د احد غزا ;
برخه د	صحابه

محمد بن مسلمه (چي په ۴۶ هجري کي وفات سوی دی) د عربانو له بنو حارثه بن الحارث له ټبر څخه د حضرت محمدﷺ صحابي او ملګری وو. نوموړی یو له لمړنیو اسلام منونکو څخه وو، او د تبوک له جګړې پرته د ټولو صحنو شاهد پاته سوی دی، همدارنګه یې د راشده خلافت پر مهال د مصر په اسلامي فتحه کي هم ګډون وکړ او د هغه ځای د واليانو لپاره د عمر بن الخطاب ځانګړی استازی وو. د حضرت عثمانؓ تر شهادت وروسته محمد بن مسلمه د مسلمانانو ترمنځ له شخړو څخه لیري او د معاویه بن ابي سفیان د خلافت په وخت کي یې تر خپل مرګه پوري په الرباده سیمه کي ژوند کاوه. محمد بن مسلمه د مرګ پر وخت 77 کلن وو.

ژوندلیک

محمد بن مسلمه د سعد بن معاذ او اسید بن الحدیر له اسلام راوړلو او د رسول الله صلی الله علیه وسلم له هجرت مخکي د مصعب بن عمیر په لاس اسلام قبول کړ. د اسلام ستر پیغمبر رسول الله (ﷺ) له مکې څخه مدینې ته د هجرت پر مهال د محمد بن مسلمه او ابو عبیده بن الجراح تر منځ د ورورولي تړون رامنځته کړ، او دوی دوه یې په مال سره شریک کړه.

محمد بن مسلمه د حضرت محمدﷺ سره د تبوک د غزا پرته نور په ټولو غزاوو کي ګډوندوال وو او د راشده خلافت پر مهال یې د مصر په فتحه کي هم ښه رول ادا کړ. نوموړی د حضرت عثمانؓ تر شهادت وروسته په اسلامي نړۍ کي د مسلمانانو ترمنځ د جګړې له امله بې طرفه پاته سو او په 43 هجري کال کي یې تر وفات وروسته 16 تنه نارینه او ښځینه اولادونه تر شا پرېښودل.