آریانا ويجه

د ويکيپېډيا، وړیا پوهنغونډ له خوا
و اصلی برخی ته ورشی د پلټنې ځای ته ورټوپ کړی

آریانا ويجه د آریائیانو اصلی ټاټوبی:

که څه هم د آریائیانو د اصلي ټاټوبي ( آریانا ویجه ) په اړوند د تاریخ پوهانو ترمینځ واړه اختلافونه شته ، خو بیا هم زیاتره مورخین په دې اړوند سره ورته نظرونه لري.په دغو تاریخپوهانو کې چې د آریانا ویجه په اړوند یې څیړنې کړي دي کولای شو د آلتهايم (Altheim)، لومل (Lommel)، میکس میولر (M.Mueller)، شویدر (Schaeder)، آرتور كريستين سین (A.Christensen)، نوبرگ (Nuberg)، ميلز (Mills)او جوباین ويل (Jubainville) نومونه واخلو.

ډیر تاریخ پوهان په دې اند دي چې چې آریانا ویجه د پامیر او د آمو سیند ( Oxus river ) په شمال کې پرتې وادي ګانې وي چې بدخشان ته څیرمه پرتې وې او دلته د آريائیانو بیلابیلې قبیلې چې پښتانه هم پکې وو اوسیدل . دوی د کوچیانو په څیر ژوند درلود او خپل څاروي او رمې به یې چې پسونه ، وزې ، آسونه او غوايي وو څرول ، خو کله چې ددوی په شمېر کې زیاتوالی راغی نو دوی مهاجرتونو ته اړشول . ځینې نور محققین آریانا ویجه د اوسني خوارزم (Khwarezm) په سیمه کې ګڼي چې اوس دمنځنۍ ایشیا د ازبکستان او ترکمنستان په هیوادونو کې پرته مشهوره سیمه ده ، خو ځینې ډیر نور مورخین د لومړنی نظر پلویان دي .

په اوستا کې چې د زردشت کتاب دی او پنځه برخې لري چې ګاتا، ویسپرد، یشتونه ، وندیداد او خرده اوستا نومیږي راغلي دي چې د آریائیانو اصلي ټاټوبی آریاناویج آریناویجه دی. همداراز د وندیداد په لومړي فرګرد کې هم د آریائیانو د شپاړسو هیوادونو یا ولایتونو ذکر او یادونه شوې ده چې یو پکې همدا آریانا ويجه دی چې دښاغلو یا اصیلو او نجیبو خلکو ټاټوبی او د استوګنې د ځای معنا لری.

باید ووایو کله چې د آریائیانو د بهارته قبیلې د خیبر د تاریخي لارې نه تیرشول او تر اباسین ورپورې وتل او شمالي هندوستان ته ورننوتل نو دوی هلته دانوم له ځانه سره یووړ او پر خپلې نوي ځمکې او هیواد یې داریا ورشه یا آریانا ورته Arya varta نوم کیښود چې ددوی دددغه هیواد نوم په منو سمهیتا یا د منوپه قوانینو کې هم ذکر شوی دي او ددوی دغه ځمکه د هیمالیا د غرونو او د عربو تر سمندرګي پورې ښودل شوې ده .باید زیاته کړو چې د منو سمهیتا قوانین د عیسی مسیح علیه السلام تر زوکړې دمخه اته سوه کلونه وړاندې لیکل شوی دی. د بهارته قبیلې وروسته په هند کې د خپل هیواد ته د بهارت ورشه یا د بهارت ورته نوم ورکړ چې اوس هم دغه نوم ژوندی دي .

لنډه داچې آریانا ویجه د پامیر او آمو سیند سره نږدې هغه سیمه وه چې آریائیان یا د آرین نسل او د آرین قبیلې پکې په ګده سره اوسیدلې او له همدې ځایه یې خپل مهاجرتونه هم پیل کړي دي .


منابع او سرچینې : 1- Vedic India,p44 2- http://www.avesta.org/vendidad/vd1sbe.htm - 3-ttp://www.aryavartachronicles.com/the_world_aryavarta.html 4- Cmobridge History If India ,v,1 ,p,51

Image may contain: one or more people, mountain, outdoor and nature