چاریکار
امام اعظم ښار، چې په تاریخي ډول د چاریکار په نوم یادېږي او د افغانستان په شمال کې د کوه دامن درې یو لوی ښار او د پروان ولایت مرکز دی، د طالبانو له خوا یې نوم د امام ابوحنیفه په درناوي، چې یو افغان دیني عالم او فقیه دی، د امام اعظم په نوم بدل شو. دا ښار شاوخوا ۱۷۱۲۰۰ نفوس لري، چې اکثریت یې تاجک وګړي دي. [۱][۲][۳][۴]
دا ښار له کابل څخه په ۶۹ کیلومترۍ کې د افغانستان په حلقوي سړک، چې شمالي ولایتونو ته غځېدلی دی، پروت دی. هغه مسافرین چې مزار شریف، کندز یا پلخمري ته ځي د امام ابوحنیفه له ښاره تېرېږي. سره له دې چې کابل ته نږدې پروت دی، خو له نیمایي څخه زیاته خاوره یې آباده شوې نه ده. د آبادې خاورې زیاتره برخه استوګنیز ده چې په مساوي برخو ویشل شوې (۳۷٪) په داسې حال کې چې خالي نقشې (۳۲٪) او د سړک شبکه د آبادې خاورې ۱۹٪ تشکیلوي. د امام ابوحنيفه ښار د پنجشېر درې په دروازه کې پروت دی، چې د شمالي دښتې د هندوکش د غرونو سره يو ځای کېږي. د امام ابوحنیفه ښار د لوښو او لوړ کیفیت انګورو په برخه کې شهرت لري.[۵]
د امام ابوحنيفه ښار ټول نفوس (۲۰۱۵ کال) ۹۶۰۳۹ دی او د پوليسو ۴ حوزې (ناحیې) لري چې ټول مساحت یې ۳۰۲۵ هکتاره دی. د امام ابو حنیفه په ښار کې ټولټال ۱۰۶۷۱ استوګنیز کورونه موجود دي. [۶][۷]
تاریچه[سمول]
په ۱۲۲۱ کال کې د امام ابوحنیفه ښار ته څېرمه د پروان جګړه وشوه، چې جلال الدین له ۳۰ زره کسیز لښکر او ۱۰۰ زره مرستندویه لښکر سره د مغلیانو د یرغلګرو لښکر یو ۳۰ زره کسیزه قطار ته ماتې ورکړه، تر څو شمالي پنجاب ته د تیښتې لپاره خپل لښکر ته کافي وخت ورکړي او د خوارزم سترواکۍ نسکورېدو سمدستي پایلې کمې کړي. [۸][۹]
د نولسمې پېړۍ په پیل کې، د امام ابو حنیفه ښار د زرګونو اوسیدونکو په وده یو پرمختللی سوداګریز ښار شو. د امام ابوحنیفه ښار د افغان-انګلیس د لومړۍ جګړې پر مهال د سترو جګړو ځای و. په ۱۸۴۱ کال کې یو بریتانوي ګارنیزیون په ډله ایزه توګه ووژل شو. [۱۰][۱۱]
د شوروي – افغان جګړې په اوږدو کې د امام ابوحنيفه ښار نږدې سيمې د ډېرو سختو جګړو ډګر و. د امام ابو حنیفه ښار شاوخوا ځینې سیمې د افغانستان د خلکو د ازادۍ سازمان (ساما) د سنګر په توګه کارولې. د امام ابوحنیفه ښار د احمد شاه مسعود د شمالي ټلوالې او طالبانو تر منځ، چې په ۱۹۹۶ کال کې یې کابل ونیو، د جګړي لومړۍ کرښه و. طالبانو د ۱۹۹۷ کال په جنوري کې د امام ابوحنیفه ښار ونیو، خو مسعود په شا وتمبول او په جولای کې یې بېرته ونیو. د ۱۹۹۹ کال د اګست په میاشت کې، مخکې له دې چې مسعود ځوابي برید وکړي او طالبان بېرته په شا و تمبوي، طالبانو یو برید پیل کړ او د امام ابوحنیفه ښار یې په لنډ وخت کې ونیو. [۱۲][۱۳][۱۴]
د شپږو ځانمرګو بریدګرو یوې ډلې د ۲۰۱۱ کال د اګسټ په ۱۴ نېټه د امام ابو حنیفه په ښار کې د والي پر دفتر برید وکړ. والي عبدالبصیر سالنګي ژوندی پاتې شو خو ۱۹ کسان ووژل شول چې پړه یې طالبانو پر غاړه واخیسته. [۱۵]
د ۲۰۲۰ کال د مې په ۱۹نېټه، وسله والو د امام ابوحنیفه ښار په یوه جومات کې له روژه ماتې وروسته د ماښام د لمانځه پر وخت ډزې وکړې، ۱۱ لمونځ کوونکي یې ووژل او ۱۶ نور یې ټپیان کړل. طالبانو په دغه برید کې خپل لاس لرل رد کړل. [۱۶][۱۷][۱۸]
د ۲۰۲۰ کال د اګست په ۲۶ نېټه، په دې ښار کې سېلابونه راووتل چې لږ تر لږه ۹۲ کسان یې ووژل.[۱۹]
د ۲۰۲۱ کال په اګست میاشت کې د افغانستان د ملي مقاومت جبهې د امام ابو حنیفه ښار د طالبانو ضد ځواکونو له خوا بېرته ونیول شو. ویل کېږي د ۲۰۲۱ کال د اګست په ۲۵، د امام ابوحنیفه په ښار کې د مقاومت د ځواکونو یو هیئت د طالبانو له یوه پلاوي سره خبرې اترې وکړې چې پر بنسټ یې طالبان نور د پنجشیر درې ته د تګ راتګ لارې نه بندوي.[۲۰][۲۱]
اقلیم[سمول]
امام ابوحنیفه د تودو اوړیو او سړو ژميو په درلودلو مرطوب قاره یی اقلیم لري. د امام ابوحنیفه په ښار کې د ژمي میاشتې د اوړي د میاشتو په پرتله ډېر اورښت لري. د کال تر ټولو توده میاشت جولای ده، چې د تودوخې منځنۍ درجه ۲۵ سانتیګراد (۷۷ فارانهایت) وي. جنوري تر ټولو سړه میاشت ده، چې د تودوخې منځنۍ درجه منفي ۲.۹ سانتیګراد (۲۶ فارانهایت) وي.
| د امام ابو حنیفه ښار د اقلیمي ډېټا | |||||||||||||
| میاشت | جدی | دلو | حوت | حمل | ثور | جوزا | سرطان | اسد | سنبله | میزان | عقرب | قوس | کال |
| منځنۍ لوړه تودوخه په سانتیګراد (فارانهایت) | ۳.۶ (۳۸.۵) | ۴.۲ (۳۹.۶) | ۱۱.۰(۵۱.۸) | ۱۸.۴ (۶۵.۱) | ۲۵.۰(۷۷.۰) | ۳۰.۰ (۸۶.۰) | ۳۳.۰ (۹۱.۴) | ۳۲.۲ (۹۰.۰) | ۲۸.۰ (۸۲.۴) | ۲۱.۴ (۷۰.۵)) | ۱۳.۱ (۵۵.۶) | ۷.۲ (۴۵.۰) | ۱۸.۹ (۶۶.۱) |
| ورځنی اوسط په سانتیګرا (فارانهایت) | -۲.۹ (۲۶.۸) | -۱.۸ (۲۸.۸) | ۴.۴ (۳۹.۹) | ۱۰.۹ (۵۱.۶) | ۱۷.۰ (۶۲.۶) | ۲۱.۹ (۷۱.۴) | ۲۵.۰(۷۷.۰) | ۲۴.۳ (۷۵.۷) | ۲۰.۰(۶۸.۰) | ۱۳.۷ (۵۶.۷) | ۶.۲ (۴۳.۲) | ۰.۷ (۳۳.۳) | ۱۱.۶ (۵۲.۹) |
| منځنۍ ټيټه تودوخه په سانتیګراد (فارانهایت) | -۹.۳ (۱۵.۳) | -۷.۸ (۱۸.۰) | -۲.۳ (۲۷.۹) | ۳.۴ (۳۸.۱) | ۸.۹ (۴۸.۰) | ۱۳.۷ (۵۶.۷) | ۱۷.۰ (۶۲.۶) | ۱۶.۳ (۶۱.۳) | ۱۲.۰ (۵۳.۶) | ۵.۹ (۴۲.۶) | -۰.۷
(۳۰.۷) |
-۵.۸ (۲۱.۶) | ۴.۳ (۳۹.۷) |
| منځنی اورښت په میلی متر (انچ) | ۵۰ (۲.۰) | ۷۲ (۲.۸) | ۷۳ (۲.۹) | ۵۱ (۲.۰)) | ۲۳ (۰.۹) | ۶(۰.۲) | ۲ (۰.۱) | ۱ (۰.۰) | ۳ (۰.۱) | ۹ (۰.۴) | ۲۰ (۰،۸) | ۲۹ (۱.۱) | ۳۳۹ (۱۳،۳) |
| منځنی نسبي رطوبت (٪) | ۵۱ | ۵۸ | ۵۷ | ۵۱ | ۴۰ | ۲۹ | ۲۵ | ۲۵ | 26 | ۲۶ | ۴۳ | ۴۵ | ۴۰ |
| سرچینه: Climate-Data.org | |||||||||||||
سرچينې[سمول]
- ↑ (په 2022-12-17 باندې). Massive Reactions to Changing the Name of 'Charikar' into 'Imam Abu Hanifa'. The Khaama Press News Agency.
- ↑ "Settled Population of Parwan province by Civil Division, Urban, Rural and Sex-2012-13" (PDF). Islamic Republic of Afghanistan, Central Statistics Organization. د اصلي (PDF) آرشيف څخه پر ۱۶ ډيسمبر ۲۰۱۳ باندې. د لاسرسينېټه ۱۶ جون ۲۰۱۳. الوسيط
|CitationClass=تم تجاهله (مساعدة) - ↑ "Parwan Province". Program for Culture & Conflict Studies. Naval Postgraduate School. د لاسرسينېټه ۱۶ جون ۲۰۱۳.
The population of approximately 560,000 is composed of Pashtun, Tajik, Uzbek, Qizilbash, Kuchi, Hazara, and other minority groups.
الوسيط|CitationClass=تم تجاهله (مساعدة) - ↑ "Regional Command East: Parwan Province". Institute for the Study of War. د لاسرسينېټه ۱۶ جون ۲۰۱۳.
The main ethnic groups are Pashtuns and Tajiks, but there are small numbers of Uzbeks, Qizilbash and Hazaras as well.
الوسيط|CitationClass=تم تجاهله (مساعدة) - ↑ "The State of Afghan Cities Report 2015". د اصلي آرشيف څخه پر ۳۱ اکتوبر ۲۰۱۵ باندې. د لاسرسينېټه ۲۰ اکتوبر ۲۰۱۵. الوسيط
|CitationClass=تم تجاهله (مساعدة) - ↑ "The State of Afghan Cities Report 2015". د اصلي آرشيف څخه پر ۳۱ اکتوبر ۲۰۱۵ باندې. د لاسرسينېټه ۲۰ اکتوبر ۲۰۱۵. الوسيط
|CitationClass=تم تجاهله (مساعدة) - ↑ "The State of Afghan Cities Report 2015". د اصلي آرشيف څخه پر ۳۱ اکتوبر ۲۰۱۵ باندې. د لاسرسينېټه ۲۰ اکتوبر ۲۰۱۵. الوسيط
|CitationClass=تم تجاهله (مساعدة) - ↑ Man, John (2005) Genghis Khan: Life, Death, and Resurrection St.Martin's Press, New York, pages 181–182, کينډۍ:ISBN
- ↑ Tucker, Spencer C. (2009). A Global Chronology of Conflict: From the Ancient World to the Modern Middle East, Volume I ca. 3000 BCE–1499 CE. Santa Barbara, California: ABC-CLIO. د کتاب پاڼې 273. د کتاب نړيواله کره شمېره 978-1-85109-667-1. الوسيط
|CitationClass=تم تجاهله (مساعدة) - ↑ by Afghans led by Mir Masjidi Khan, and Major Eldred Pottinger was badly wounded Weber, George (2001-01-14). "Pioneer Biographies of the British Period to 1947". د اصلي آرشيف څخه پر ۱۳ ډيسمبر ۲۰۰۷ باندې. د لاسرسينېټه ۱۹ ډيسمبر ۲۰۰۷. الوسيط
|CitationClass=تم تجاهله (مساعدة) - ↑ Balland, Daniel "ČĀRĪKĀR". Encyclopædia Iranica (Online). United States: Columbia University.
- ↑ Al-Qaida in Afghanistan by Anne Stenersen
- ↑ U.S. Conflicts in the 21st Century [3 volumes]: Afghanistan War, Iraq War, and the War on Terror by Spencer C. Tucker
- ↑ "Charikar". The Columbia Encyclopedia (Sixth). (2007). Columbia University Press. Retrieved on 2007-12-19.
- ↑ . 19 dead in attack on Afghan governor's compound.
- ↑ "Khalilzad In Kabul For Peace Talks Amid New Deadly Attacks". May 20, 2020 – عبر www.gandhara.rferl.org/. الوسيط
|CitationClass=تم تجاهله (مساعدة) - ↑ "Afghanistan: 9 killed after gunmen storm at Parwan mosque". May 19, 2020 – عبر www.indiatvnews.com/. الوسيط
|CitationClass=تم تجاهله (مساعدة) - ↑ "Gunmen attack Afghanistan mosque killing many worshippers". May 19, 2020 – عبر www.aljazeera.com/. الوسيط
|CitationClass=تم تجاهله (مساعدة) - ↑ (په 2020-08-27 باندې). 'I Lost Everyone': Floods Bruise a War-Weary Afghanistan. The New York Times.
- ↑ (په 20 August 2021 باندې). Anti-Taliban resistance makes modest gains outside Panjshir. Long War Journal
- ↑ (په 25 August 2021 باندې). Afghan Resistance Delegation Meets With Taliban in Imam Abu Hanifa City. Voice of America