ملا دادالله اخوند
| ملا دادالله آخوند | |
|---|---|
 ملا دادالله اخوند په ۲۰۰۶ کال کې د الجزيرې ټلويزون سره په يوه مرکه کې
| |
| د شخص معلومات | |
| پيدايښت | ١٩۶۶ کندهار ولايت، افغانستان[۱] |
| مړینه | ١٣ مې ٢٠٠٧ (عمر ۴۱) هلمند ولایت |
| تابعیت |  افغانستان |
| عملي ژوند | |
| کار/مسلک | سياستوال |
| پوځي خدمت | |
| وفاداري | طالبان |
| مقام | قومندان |
| جګړه/جګړې | په افغانستان کې شوروي جګړه |
| ويبپاڼه | |
 |
مخ پر IMDB باندې |
سمول  |
|
ملا دادالله رهبر (وژنه؛ ۱۳ مې، ۲۰۰۷) يو طالب / مجاهد پوځي (قومندان) و. په ۲۰۰۱ کال کې د اسلامي امارت د واکمنۍ له راپرزېدا وروسته نوموړی تر خپلي وژني پورې د افغانستان په سوېلي ولايت هلمند کې د اسلامي امارت پوځي بولندوی و.[۲]
مخينه
داد الله د افغانستان په سويلي سیمه روزگان ولايت، او د ځينو په وينا بيا په کندهار کې زيږيدلی وو . جهادی مخېنه یې د شوروي زبرځواک پوځ پرضد پېلېږي، او په همدې لار کې يې خپله يوه پښه هم په ۱۹۸۰ لسیزه کې کې له لاسه ورکړه.[۳] ملا داد الله د طالبانو د لس کسيزې شورا يو مهم غړى و او په پینځو کلونو کې يې د ناټو اړ افغان ځواکونو په وړاندې د طالبانو د بريدونو مشري کوله.
د راپورونو له مخې هغه د ملا محمد عمر اخوند د نژدې کسانو څخه و. نوموړي د طالبانو لخوا د سيمو د نيولو په زياتره عملياتو کې وڼده درلوده، خو څرنگه چې په پيښور کې د نيوز د ورځپاڼې چلوونکى او د بي بي سي خبريال رحيم الله يوسفزى وايي ملادادالله وروسته له هغه سخت مشهور شو چي کله د طالبانو لومړي تحریک وکولى شول چې دده په مشرۍ د شمال ډيرى ولايتونو ونيسي .
دده په لاس د سيمو د کېوتو لامل په دې کې ليدل کيږي چې دى يو پرېکنده قوماندان و چې په شمال کې د پاټک سالارانو او ملیشو د ورکولو او ځپلو لپاره ډېر کافي و.[۴] د اسلامي امارت د نسکوريدو پر مهال ، د اسلامي امارت د لوى درستيز ملا فاضل اخوند سره ملادادالله هم د کندوز په ولايت کې د اسلامي امارت د پوځي چارو مسوليت په غاړه لاره. ملافاضل اخوند د زرگونو نورو طالبانوسره جنرال دوستم ته تسليم شو خو د دوستم د غدر او خیانت له امله امریکایانو اشغالګرو له لوري په گوانتنامو کې بندى سو، خو ملا دادالله په امریکايي اشغالګرو او د دوستم په ملیشو باور ورنکړ او ده وکولى شول چې له کندوزه تر کندهاره ځان او ملګري په ډېر مهارت سره ورسوي.
ملا داد الله وروسته د حامد کرزي د حکومت پر مهال په هلمند ولایت کي د امریکایانو سره په جګړه کي ووژل سو.