محمد ولي ځلمی

د ويکيپېډيا، وړیا پوهنغونډ له خوا
و اصلی برخی ته ورشی د پلټنې ځای ته ورټوپ کړی
محمد ولي ځلمی (۱۳۰۸، ۱۳۰۹ لمريز د کندهار ښار- ۱۳۹۵) د پښتو ژبې ليکوال، څېړونکی او د ویښ ځلميانو د غورځنگ غړی وو. 

مخينه[سمول]

محمد ولي ځلمی په ۱۳۰۸ يا ۱۳۰۹ لمريز کال کې د کندهار ښار د نورزو په کوڅه کې زېږېدلی دی. هغه د کندهار د احمد شاه بابا لېسه پای ته رسولې او بیا يې د کابل پوهنتون د حقوقو پوهنځی ويلی او د لېسانس بری ليک يې ترې اخيستی دی. نوموړي تر نیمې پيړۍ په ډېر وخت کې د قلم په ژبه څه باندې ۴۰ ډیر مهم کتابونه لیکلي دي. هغه د کندهار د مطبوعاتو مسؤل، په وزارت کې د پښتو د تعمیم او انکشاف لوی مدیر، د طلوع افغان او اصلاح ورځپاڼو مسؤل مدیر، د کندهار تاریخي مجلې او هېلمند جرېدې بنسټگر او د ویښ زلمیانو غړی هم پاته شوی دی.

افغان تاریخپوه او لیکوال استاد حبيب الله رفيع له بي بي سي سره په خبرو کې محمد ولي زلمی ډېر خوځند او تل بوخت لیکوال وباله. «ژمن فرهنگيال وو، ټول ژوند یې د ادب په خدمت کې تېر شوی، ژورنالست وو، لیکوال وو، تاریخپوه وو، د کندهار په مطبوعاتو کې یې ډېر خدمت کړی، په کابل کې یې د پښتو د پرمختیا لپاره په پښتو ریاست کې ډېر کار کړی دی».

مړينه[سمول]

ارواښاد محمد ولي ځلمی د ۱۳۹۵ لېږديز لمريز کال د سلواغې پر ۱۴ (د ۲۰۱۷ ز کال د فبرورۍ پر ۲) د پېنځه نۍ (پنجشنبې) پر ورځ په کندهار کې وفات سو. خدای دې وبخښي.

چاپ شوي اثار[سمول]

  1. د غزني تاریخی جغرافیه، د ۱۳۶۲ لمريز کال چاپ، د افغانستان د دموکراتیک جمهوریت د علومو اکادمي.
  2. د کندهار او کابل تاریخي مسجدونه.
  3. د کابل تاریخي جغرافیه، د ۱۳۶۸ لمريز کال چاپ، د اطلاعاتو او کلتور وزارت.
  4. زموږ غازیان، د ۱۳۶۸ لمريز کال چاپ.
  5. د کندهار مشاهير.
  6. د افغانستان او روسیې د سیاسي روابطو لنډه تاریخچه، د ۱۳۷۴ ل کال چاپ.

سرچينې[سمول]

  1. https://www.dw.com/ps/%D9%87%D8%B1-%DA%A9%D8%A7%D9%84-%D8%A8%D9%87-%D8%AF-%D9%85%D8%AD%D9%85%D8%AF-%D9%88%D9%84%D9%8A-%DA%81%D9%84%D9%85%DB%8C-%D9%8A%D8%A7%D8%AF-%D9%88%D8%B1%DA%81-%D9%88%D9%84%D9%85%D8%A7%D9%86%DA%81%D9%84-%D8%B3%D9%8A/av-37419689
  2. https://www.bbc.com/pashto/arts-and-literature-38837920
  3. http://afghandata.org:8080/xmlui/handle/azu/668
  4. http://www.afghandata.org:8080/xmlui/handle/azu/25
  5. http://www.nzdl.org/gsdlmod?e=d-00000-00-%2E%2E%2E00--off-0areu--00-0----0-10-0---0---0direct-10---4-----dte--0-0l--11-en-50---20-about---00-0-1-00-0-0-11-1-0utfZz-8-00-0-0-11-10-0utfZz-8-00&cl=CL5.44&d=HASH3152997317c2bbaa5f185a&x=1
  6. http://www.afghandata.org:8080/xmlui/handle/azu/335
  7. https://www.mashaalradio.com/a/28280117.html
  8. http://184.73.243.18:8080/jspui/browse?type=author&value=%DA%81%D9%84%D9%85%DB%8C%D8%8C+%D9%85%D8%AD%D9%85%D8%AF+%D9%88%D9%84%DB%8C.
  9. https://rohi.af/news/53519