محمد عالم خان

عالم خان, انځور كښنه د سرگي مېخاېلوف پروكودين گورسكي لخوا په ۱۹۱۱ز كال كې

امير محمد عالم خان (۱۸۸۰-۱۹۴۴ز) كې د مغولي واكمنۍ وروستې امير ؤ، چې په بخارا يې واكمني كوله. كه څه هم بخارا د تزاري روسيې تر واك لاندې وه، خو دې امير وكړاى شول، چې له ۱۹۱۱ز د جنورۍ له درېيمې تر ۱۹۲۰ز ۳۰ اگست پورې خپل امارات پدې ښار كې نه يواځې وساتي، بلكه خپله خپلواكي هم ترلاسه كړي. دا امير د چنگېز خان له نسل څخه ؤ.

امير عالم خان په ۱۳ كلنۍ كې د خپل پلار امير عبدالاحد خان لخوا د سان پيټرزبورگ ښار ته د يوه درې كلنې ښوونيزې دورې لپاره ولېږه ترڅو هورې په جنگي او دولتي چارو كې خپلې زده كړې وكړي. په ۱۸۹۶ز كال د روسي واكمنۍ لخوا ورته بخارا د واكمنۍ وليعهدۍ تاج ورپه سر كړ. لدې كار سره سم دې د بخارا په لور وخوځېد. هورې يې له پلار سره د ملك چارې سمبالولې، پس له دوه كاله د ناسف سيمې د والي په توگه وگومارل شو، او پوره دولس كاله په نوموړي دنده پاتې شو. لدې ځاى څخه بيا شمالي ولايت كرمينا ته ولېږل شو، او د دوه كالو لپاره يې هلته ولايت چارې ترسره كړې، تردې چې په ۱۹۱۰ز كال يې د پلار د مرگ خبر ترلاسه كړه.