غلام محمد زرملوال

د ويکيپېډيا، وړیا پوهنغونډ له خوا
و اصلی برخی ته ورشی د پلټنې ځای ته ورټوپ کړی

غلام محمد زرملوال ( - 20 د جنوري، 2013 [۱]) (په انگرېزي:Ghulam Muhammad Zarmalwal) يو افغان ليکوال، ژورناليست او ټولنيز شخصيت و. هغه د يو شمېر پښتو کتابونو ژباړن او ليکوال هم دی. غلام محمد زرملوال تر لسيزو پورې د بي بي سي پښتو راډيو له لارې د افغان ژورناليزم په برخه کې کار وکړ او خپل ولس غږ يې تر نورو ورساوه.

مخينه

زده کړې

لومړنۍ زده کړي يې د ساکو په لومړني ښوونځي کې په کال ۱۳۲۶ ل. کې پيل او په ۱۳۳۳ ل. کې يې په برياليتوب سره پای ته رسولي. په کال ۱۳۳۴ ل. کې په کابل کې حربي ښوونځي ته داخل او بيا وروسته د انجنيري پوهنځۍ ته شامل شو او په ۱۳۴۳ ل. کال کی يې له دې څانگې خپل بريليک ترلاسه کړ. د هغه وخت د ملي دفاع وزير په لارښوونه نوموړی او دده څو تنه ملگری د کانو او صنايعو وزارت ته معرفي او نوموړې د افغانستان د کارتوگرافي په اداره کې په کار پيل وکړ. زرملوال په کال ۱۳۴۶ ل. کې دولتي بورس تر لاسه کړ او د لوړو زده کړو لپاره انگلستان ته لاړ. په کال ۱۳۵۰ کې يې د لندن د اکسفورډ پوهنتون څخه د ماسټري سند ترلاسه او هېواد ته راستون شو. او بيا يې هم په هماغه کارتوگرافي اداره کې کار ته دوام ورکړ. څه موده وروسته د کانو او صنايعو د وزارت په لارښوونه د بگراميو د ټوکر جوړولو (نساجي) په فابريکه کې د ساختماني چارو امر مقرر شو.

دندې

ليکلي آثار

  1. افغانستان تر وروستي افغانه -۵ ټوکه
  2. د پېريانو جگړه
  3. د بنگله دېش بې ستري
  4. دنړۍ تاريخ ته يوه کتنه
  5. زما ولس به ژوندی پاته شي؟
  6. د تيلو جنگ
  7. ارگ يا مرگ
  8. له مهاجره تر مجاهده
  9. احمد شاه ابدالي جرگه
  10. پاکستان يو مصنوعي هېواد دی

په انگرېزي ژبه چاپ شوي اثار په لاندي ډول دی:

  1. Fire in Kabul - اور په کابل کې - چاپکال ۱۹۲۲
  2. A case of Peace against War - سوله د جگړې په مقابل کې - چاپکال ۲۰۰۹ کال
  3. The Swansong of a sinking stooge - چاپکال ۲۰۱۰ کال
  4. Breaking the Mould - ناچاپه اثر

باندنۍ تړنې

سرچينې

  1. پښتون لیکوال غلام محمد زرملوال ومړ