د هرات د ۱۷۲۹ کال جګړه (اشغال)

ټوليز مالومات
عمومي مالومات	جګړه
پېښې نېټه	جولای ۱۷۲۹ (۱۷۲۹)
ځای	هرات
هېواد	افغانستان
برخه د	د نادر افشار جګړې
ګډونوال	Safavid Iran (en) ; ابدالي

د هرات جګړه یا د پارسیانو له لوري د دغه ښار اشغال هغه پیښي ته اشاره کوي چي د پارسي واکمن نادرشاه له لوري څه ډول د افغانستان لویدیځ هرات ولایت په زور او جبر ونیول سو.

په یاده پېښه کي وروسته له هغه چي د هرات ابداليان له ناتوانۍ سره مخ سول، او افغانانو د وسایلو د نشتون له کبله مقاومت ته ادامه نسوای ورکولای، د هرات افغان واکمن الله يار خان پرېکړه وکړه ترڅو د دې مسئلې د هواري لپاره ښار بېله مقاومته پارسیانو ته پریږدي.

ایراني یرغلګرو په دې جګړه کي درانه توپونه او خونړي وسلې وکارولې او افغان لوری یې اړ ایستی ترڅو د هرات له دننه څخه دفاع وکړي. الله یار خان له خپلو مشاورینو سره تر مشورې وروسته دې پایلي ته ورسېدی ترڅو ښار د نادرشاه ځواکونو ته تسلیم او پر سیمه ددوی واک ومني. د سولي د شرطونو اړوند هرات ولایت د پارس له لوري په رسمي توګه اشغال او ترهغه مهاله د نادري واکمنۍ په لاس کي وو څو چي افغانستان یوځل بیا خپلواک او د احمدشاه بابا په مشرۍ یې نوی حکومت رامنځ ته کړ.