حسين بن علي

ابو عبدالله حسین بن علي بن ابي طالب الهاشمي المدني ( 3 شعبان 4 هجري - 10 محرم 61 هجري / د جنوري 8 ، 626 - 10 اکتوبر ، 68 زیږدیز) د رسول الله صلی الله علیه وسلم یو صحابي او لمسئ او د حضرت علیؓ او فاطمېؓ زوی وو. نوموړی د حضرت محمدﷺ د (وینا) حدیث پر بنسټ د خپل ورور حسنؓ سره یوځای په جنت کي د مسلمانو ځوانانو سردار دی.

حسين بن علي

أبو عبد الله الحُسين بن علي بن أبي طالب (عربي )

اړوند

زېږونځای	مدينه
ښاروندتوب	خلفای راشدينو واکمني — اموي خلافت
زېږون نېټه	۹ جنوري ۰۶۲۶
مړينې نېټه	۱۰ اکتوبر ۰۶۸۰
مړينې لامل	جګړه کې مړينه
مړينې ځای	کربلا
ښخولو ځای	امام حسين جومات
ژبې	al-ʻArabīyah al-Fuṣḥā (mul)
دنده	پوځ مشر — دينپوهنه — شاعر
نامتو زده‌کوونکی	Ali ibn al-Husayn Zayn al-'Abidin (en)

ټوليز مالومات

عمومي مالومات	انسان
وروڼه او خويندې	لړۍ... Umm Kulthum bint Ali (en) — Ruqayya bint Ali (en) — Zaynab bint Ali (en) — حسن بن علي — Muhammad al-Awsat ibn Ali (en) — Ja'far ibn Ali (en) — Abbas ibn Ali (en) — محسنؑ ابنِ علیؑ Mohsinؑ ibn Aliؑ (en) — Abdullah ibn Ali ibn Abi Talib (en) — Ubayd Allah ibn Ali ibn Abdullah (en) — Muhammad ibn al-Hanafiyyah (en) — Abu Bakr ibn Ali (en) — Umar ibn Alí (en) — Uthman ibn Ali (en) — Fatima bint Ali (en)
دین	اسلام

اړين مالومات

جګړه	Battle of the Camel (en) Battle of Siffin (en) Batalha de Naravã (mul) کربلا جګړه

نور اړين مالومات

برخه د	The Fourteen Infallibles (en) — The Twelve Imams (en) — Sayyidā Shabāb Ahl al-Janna (en)

حسینؓ د ۴ هجري سپوږمیز کال د شعبان په میاشت کي وزېږېدی او له زېږېدو سره سم پېغمبر صلی الله علیه وسلم ته راوړل سو، ترڅو په غوږ کي ورته اذان وکړي. رسول اکرمﷺ د نوموړي سره ډېره زیاته مینه درلوده او د خپل ځان سره به يې نبوي مسجد ته هم بېوه.

حسینؓ د حضرت عثمان رضی الله عنه د واکمنۍ پر مهال د خپل ورور حسن رضی الله عنه سره یوځای په جهاد کي ګډون وکړ، او په بېلابیلو اسلامي فتوحاتو کي يې برخه واخیستل. د حضرت عثمانؓ تر شهادت وروسته حضرت حسینؓ د خپل پلار عليؓ او ورپسې حسنؓ سره په څنګ کي پاته سو، او د معاویةؓ په خلافت کي یې هم کوم ځانګړی سیاسي فعالیت ترسره نکړ، خو د معاویةؓ تر وفات وروسته یې له یزید سره د هغه پر کړنو باندي اختلاف راغلی او د هغه له واکمنۍ منلو څخه یې نټه وکړه. یزید چي د نوموړي نټه ولیدل هڅه یې وکړه چي په زور یې بیعت ته راوبلي خو دې پیښي نه یوازي دا چي مثبته پایله یې ورنکړه بلکي کړکېچ نور هم ډېر سو او په ترڅ کي یې حسینؓ د کربلا د جګړې پر مهال په شهادت ورسېدی.

د اسلامي تاریخونو پر بنسټ د حسینؓ د شهادت نېټه د ۶۱ هجري سپوږمیز کال د محرم د میاشتې لسمه چي د ۶۸۰ میلادي کال د اکتوبر له لسمي سره سمون خوري بلل سوې ده.