محمد د عبدالله زوی او د عبدالمطلب لمسی، د اسلام د وروستي پيغمبر نوم دی. مسلمانان په دې گروهه دي چې محمد د الله وروستی پيغمبر دی او تر هغه وروسته پيغمبري يا نبوت ختم شوی نو له همدې کبله د هغه د خاتم النبيين په نامه هم پېژندل کېږي.
عایشه رضی الله عنها روایت کوي چې یوه سړي له رسول الله صلی الله علیه وسلم څخه د ننوتلو اجازه وغوښتله، رسول الله صلی الله علیه وسلم وفرمایل: اجازه راکړه. هغه په کورنۍ کې یو بد سړی دی.
کله چې هغه دننه شو، رسول الله صلی الله علیه وسلم ورسره په نرمۍ خبرې وکړې. ام المؤمنین عایشه صدیقه رضی الله عنها وویل چې یا رسول الله صلی الله علیه وسلم، تاسو ورته په ډېرې نرمۍ سره خبرې وکړې. نو هغه وویل: ای عایشې! د قیامت په ورځ به د الله تعالی په نزد بد سړی هغه څوک وي چې خلک یې د بې اعتمادۍ له امله پرېږدي
