براء بن عازب

براء بن عازب

اړوند

زېږونځای	مدينه
ښاروندتوب	خلفای راشدينو واکمني
زېږون نېټه	۰۶۰۰
مړينې نېټه	۰۶۹۰
مړينې ځای	Kufa (en)
دنده	muhaddith (en)

ټوليز مالومات

عمومي مالومات	انسان
دین	اسلام

اړين مالومات

جګړه	د احد غزا د خيبر غزا

نور اړين مالومات

برخه د	صحابه — Ansar (en)

ابو عمارة البراء بن عازب الانصاري (چې په ۷۲ هجري کي وفات سوی دی) د رسول الله صلی الله وسلم په فتوحاتو او د عراق او فارس په فتوحاتو کي ګډونوال او د علی بن ابی طالب سره په جمل او صفین جګړو کي برخه اخیستونکی مشهوره انصاري صحابي وو، چي له مدیني منورې سره یې تړاو درلود.

ژوندلیک

براء بن عازب په مدینه منوره کي زیږیدلی او په ځوانۍ کي یې اسلام قبول کړ. د نوموړي پلار عازب هم د حضرت محمدﷺ له اصحابو څخه ګڼل کیږي. د براء د مور نوم حبيبه بنت ابي حبيبه وو، خو ځیني روایتونه وایي چي مور يې ام خالد بنت ثابت بن سنان نومېدل چي د ابو سعيد الخدري د تره خور وه. د روایتونو پر اساس براء د بدر په مشهوره غزا کي له حضرت محمدﷺ څخه د ګډون غوښتنه کړې وه، خو رسول الله صلی الله علیه وسلم د نوموړي د لږ عمر له خاطره دئ پرېښود چي له همدې امله یې د بدر څخه ماسېوا د حضرت محمدﷺ سره په شاوخوا 15 غزاګانو کي ګډون وکړ.

د حضرت محمدﷺ تر رحلت وروسته براء بن عازب د عراق او پارس په فتوحاتو کي ستره ونډه درلوده، چي تر دغي ونډي له پای ته رسېدو سره یې په کوفه کي ژوند غوره کړ. په راشده خلافت کي د حضرت عثمان تر شهادت وروسته براء د علي بن ابي طالب په لښکر کي شامل سو او د جمل، صفین او النهروان په جګړو کي یې له هغه سره ملګرتیا وکړه.

د اسلامي تاریخونو پر بنسټ براء بن عازب نژدې اتیا کاله ژوند وکړ او په 690 زیږدیز کال کي د مصعب بن زبیرؓ د خلافت پر مهال وفات سو.