اسد الله بها

د ويکيپېډيا، وړیا پوهنغونډ له خوا
Jump to navigation Jump to search

ډاکټر اسدالله بها د بهاول خان زوی او د ۱۹۴۹میلادي کال دډسمبرپه ۱۹د وردگو د یوسف خیلو په کلي کي زیږیدلی دی او په وردگو کي بیا میر خیل دی . خدای بخښلي بها خپله لومړنۍزده کړه ددیني علومو په برخه کي په خپله سیمه کي سرته رسولې او د منځنۍ زده کړي له پاره کابل ته ولاړ او هلته د رحمان بابا په لیسه کي د شمول د موفقانه ازمویني وروسته ،په کال ۱۹۵۹په دغه لیسه کي داخل شو او خپل منځني تحصیلات یې په کال ۱۹۶۵په بریالیتوب سر ته ورسول .

زده کړه

خدای بخښلي بها خپله لومړنۍزده کړه ددیني علومو په برخه کي په خپله سیمه کي سرته رسولې او د منځنۍ زده کړي له پاره کابل ته ولاړ او هلته د رحمان بابا په لیسه کي د شمول د موفقانه ازمویني وروسته ،په کال ۱۹۵۹په دغه لیسه کي داخل شو او خپل منځني تحصیلات یې په کال ۱۹۶۵په بریالیتوب سر ته ورسول . د لیسې له فراغته وروسته د کابل پوهنتون د ادبیاتو په پوهنځی کي شامل شو،خو لږه موده وروسته یې سکالرشپ واخیست او اسټریا ته لاړ . هلته یې په کال ۱۹۶۵پوهنتون ته د تیارۍ له پاره په مقدماتي درسونو پیل وکړ او له بریالیتوب وروسته به کال ۱۹۶۷کال کی د ښووني اوروزني په څانگه کي په پوهنتون کي شامل شواو په ۱۹۷۸کال کي یې خپل عالي تحصیلات په بري سر ته ورسول،د ښووني اوروزني په برخه کي یې ډاکټري واخیسته .


دندې

له ۱۹۷۹ تر ۱۹۸۰ پوري یې د اسټریا کنټرول بانک ــ د مخ پر وده هیوادونو د اسنادوپه برخه کي کارکاوه . په کال ۱۹۸۰کي یې دډاکټرۍ له عالي تحصیل نه پرته ، د بین المللی څیړنوپه برخه کي ډپلوم واخیست . د ۱۹۸۱تر ۱۹۸۶د اسټریا د ښووني اوروزني بیبلیگرافي په برخه کي کار کاوه . د ۱۹۸۲تر۱۹۹۸پوري د ویانا له سندر غاړو هلکانو یا(وینر سینگر کنابن)سره د ښووني اوروزني په برخه کي د سلاکار په توگه دنده تر سره کوله له۱۹۸۹راهیسي د ویانا په بو هنتون کي د ښووني او روزني تدریس د علومو په انستیتوت کي تدریس کاوه . د ۱۹۹۸را په دیخوا یې په لیسه کي درس ورکاوه . آستاد بها د مخ پر وده هیوادو او په تیره بیا د سیاسي اوروزنیز سیستم سلا کار او صاحب نظر پیژندل کیده . ډاکټر بها د ۱۹۹۹میلا دي را په دیخوا ( دافغانستان دبیا ودانولو مرستی ټولني) مشر پاتي شوی دی او دده لیاقت او فعالیت له امله د ټولني او (افغان ولس) مجلې په کار کي وقفه نه ده راغلې . د ټولني د مشر تابه جرگه او نور غړی به د هیواد ددغه صادق زوی خدمتونه هیر نه کړي .


خپروني

په مخ پر وده هیوادو کي د لویانو زده کړه او سواد . بیسوادي په دریمه نړۍ کي . لوست او لیک او د ټولني په دیموکراسۍ کي دهغو برخه . د جنوب له خوا غږ ــ د پرمختگ الفباــ بیسوادي په دریمه نړۍ کي . به مخ پر وده هیوادو د مغزو فرار پر ضد . د ویانا سندر غاړي هلکان ،ددوی دښووني او روزني چاپیریال . د ژوند د امکاناتو نه د گټي اخیستوله پاره روزنه . به مخ پر وده هیوادو کي د ښځو د سرنوشت ټاکني حق . دننه په استریا کي او له اسټریا نه بهر ورځپاڼو او مجلو کي بېلا بیلې مقالې .

همدغه شان له ۱۹۹۹میلادي کاله راهیسي د(افغان ولس )مجله کي بېلا بیلي علمي مقالې .

ارواښاد ډاکټر اسدالله بها په اتريش ( استريا) کي د ناروغۍ له کبله د شپږپنڅوسو کالو په عمر له دې نړۍ د تل له پاره سترگي پټي کړې روح دي یې ښاد وي . اروا ښاد ډاکټر بها یوه لور لری : نادیه ډیوه بها،چي اوس په پوهنتون کي پر خپله ماسټرۍ کار کوي

سرچينې