ټرانس امينېشن

د ويکيپېډيا، وړیا پوهنغونډ له خوا
ورټوپ کړه: گرځښت, پلټل

داسې دوه تعاملونه دي چې د ټرانس امينېشن په نامه يادېږي. لومړنی تعامل هغه دی چې د يوه امينو اسيد او يوه الفا کيټو اسيد تر مېنځ راپېښ شي. په داسې يوه تعامل کې لومړنی امينو گروپ وروستي امينو گروپ سره خپل امينو او کيټو گرپونه بدلوي؛ په دې کې بيا د امينو اسيد خپل اړونده الفا کيټو اسيد ته وراوړي، خو تعامل کې گډ الفا کيټو اسيد بيا اړونده امينو اسيد ته وراوړي (که يو امينو گروپ له يوه امينو گروپ نه واېستلی شي، بيا يواځې الفا کيټو اسيد پاتې کېږي).

په ژونکيميا کې ټرانس امينېشن د يو ډول ځانگړو اېنزايمونو په مرسته بشپړ کېږي. د دغو اېنزايمونو د ډلې نوم ټرانس امينېز او يا هم امينوټرانسفېرېز دی. انساني بدن خپل ۱۰ غېر ضروري امينو اسيدونه هم د ټرانس امينېشن د پروسې له لارې خپله اړتيا پوره کوي. د يوه امينو اسيد چېرالټي، د اخته کېدنو پر مهال راڅرگندېږي. په دغه تعامل کې د PLP کواېنزايمونو (مرستيال اېنزايمونو) کارېږي او دا هم يو حقيقت دی چې دا په کاينېټيکي توگه يو بشپړ تعامل دی. د ټرانس امينېشن تعامل توليد د الفا کيټو اسيدونو په شتون پورې اړه لري. د ټرانس امينېشن تعامل توليدي ماليکيول اکثراً يا آلانين، اسپارټېټ يا گلوټامېټ وي، خو د هغوی اړونده الفا کيټو اسيدونه د سونتوکيو د مېټابوليزم له لارې رامېنځ ته کېږي.

د ټرانس امينېشن دويم تعامل داسې تعريفولی شو چې دا په اماين او امونيم مالگې سره د يوه اماين او يا امايډ اناينو يو نيوکليوفېلېک ادلون بدلون دی.[1] د ساري په توگه، د لومړنيو اماينو يو تعامل د لومړنيو امايډو د اناينو سره کولای شو چې د دويمو اماينو په رامېنځ ته کولو کې وکارؤ:

RNH2 + R'NH− → RR'NH + NH2−

د رانيل نېکل په کارولو سره دويم متناظره اماين رامېنځ ته کېدای شي (2RNH2 → R2NH + NH3). او په پای کې کواټرنري امونيم مالگه د اېتانول اماين په کارولو بې الکالاينېدلای شي:

R4N+ + NH2CH2CH2OH → R3N + RN+H2CH2CH2OH

سېرين او تريونين دوه داسې امينو اسيدونه دي چې تل د ټرانس امېنېشن د پروسې نه نه تېرېږي.