هري رود

هريرود چې د هرات سيند هم بلل کېږي، د بابا غره له لو ېديځو لمنو څخه چې ۴۰۰۰ متره لوړوالی لري او بند سر جنګل نومېږي، سرچينه اخلي. دا سیند د سنګل آب او سرجنګل له اوبو سره تر يوځای کېدو وروسته ګړندی دسياه کوه او سپين غر ترمنځ له ختيځ څخه لوېديځ ته بهېږي. ورپسې د هرات د اوبې په ولسوالۍ کي د تګاو ايشان اوبه ورسره يوځای کېږي او د هرات د ښار له جنوب څخه تر تېرېدو وروسته د غور يانو شګلنو دښتوته ننوځي. د هرات په کوشان کې هريرود د سمندر څخه 740m لوړ موقعيت لري.

د هرات ښار په جنوب کې د زمکو د خړوبولو نه وروسته د سيند مخه شمال لويديځ ته شي او هلته د افغانستان او ايران تر منځ د يو سرحد کار ورکوي. بيا په شمال کې لږ وړاندې د افغانستان او ترکمنستان تر منځ پله جوړوي.

د دې سيند اوبه د ترکمنستان په قراقم دشتو کې ورکې شي چې هلته دا د تيجين يا تيزين سيند په نوم پېژندل کېږي. د ايران ترکمنستان د دوستۍ بند هم په دې سيند جوړ دی. د ۱۱۰۰ کلوميټرو نه زيات اوږد دا سيند لرغوني يوناني ژبې کې آريوس او په لاطيني کې تاريوس نومېده. په لرغوني جغرافيه کې د دې اوبو پرغاړه د مېشتو قامونو ذکر شوی دی. د اريا د ښيرازې زمکې او د دې ځای د انګور د شرابو په اړه ليکلي دي. په ريګويد کې هريرود د سارايو او په اويستا کې د هريوا په نوم ياد شوی دی، دغه نوم د اريايانو د شپږم قام لپاره هم کارېږي چې د دې سيند په غاړه اباد و. د اريا او اريانه توری له دې سينده راوتی چې په شاهنامې کې هم ياد شوی. په هرات کې يو ځای داسې هم دی چې د هريرود په څنډو کې د لومړي ميلادي پېړۍ د يو بودایي عبادت ځای کنډوالې رابرسيره شوې. دلته په کيندنو د راهبانو د مراقبې غارونه وو چې په لاس توږل شوي وو. په ۲۰۰ م کې کله چې افغانستان وچکالۍ ځپلو نو هغه وخت هريرود تر يو کال وچ و. په چشت شريف کې د دې سيند د پاسه سلما بند جوړ شوی دی.

هري رود

ټوليز مالومات

عمومي مالومات	سيند
د اوبو ایستلو ډنډ	Karakum Basin (en)
اداري سیمه	غور ولايت
هېواد	افغانستان ايران ترکمنستان

کچه او لوړوالی

اوږدوالۍ	۱٬۱۵۰ كيلومتر

نور مالومات

کورډي‌نېشن	۳۴°۳۶′۴۷″شمال ۶۶°۳۴′۱۳″ختیځ — ۳۷°۳۹′۴۱″شمال ۶۰°۲۶′۰۶″ختیځ

هریرود د هرات له اسلام کلا څخه شمال ته د ذوالفقار په ۳۰ کېلومتره واټن کي دافغانستان او ايران ترمنځ طبيعي پوله جوړوي.

په ۱۹۸۸ کال دهريرود اندازه /s 835 m3 حساب سوې ده.