مقبول فدا حسین

مقبول فدا حسین

مقبول فدا حسین د هند يو نامتو انځورگر او د هند په پیکاسو مشهور و.

مقبول فدا حسین چې په ایم ایف حسین مشهور و، په خپل هنري ژوند کې گڼې جایزې گټلي او د خپلو اثارو د خرڅلاو له درکه یې په ملیونونو ډالره گټلي وو. دی په عین حال کې د هند ښايي تر ټولو جنجالي انځورگر هم و. په ځلونود خپلو رسامیو خاطر په محکمه کې دوسیې ورته جوړې شوي او محکمې برات ورکړی. د ده لوري د هندوانو د لوڅو الهو د انځورونو کښلو د هندویزم پیروان سخت پارولي وو. د هندي مذهب پیروانو پر فداحسین تور لگولی چې چټیات انځوروي.

دی په ۲۰۰۶ ع کال له هنده قطر ته لاړ او په ۲۰۱۰ کې یې د قطر تابعیت ترلاسه کړ.

ده په خپل ژوند کې د بالیووډ لپاره هم دوه فلمونه جوړ کړي خو دواړه یې ناکامه شول.

فدا حسین له څو کاله جلاوطنۍ وروسته د لندن په یوه روغتون کې د ۹۵ کلنۍ په عمر ومړ.