Jump to content

مادرید

تړنې سمول
د ويکيپېډيا، وړیا پوهنغونډ له خوا
مادرید
کينډۍ:اسپانیایي
مادرید د ښار منځ
مادرید د ښار منځ
مادرید د ښار منځ
د اسپانیا په نقشه کې د مادرید ښار
د اسپانیا په نقشه کې د مادرید ښار
د اسپانیا په نقشه کې د مادرید ښار
Lua error in Module:Mapframe at line 385: attempt to perform arithmetic on local 'lat_d' (a nil value).
کورډېناټونه: ۴۰°۲۳′ شمال ۳°۴۳′ لویدیځ / 40.383°شمال 3.717°لويديځ / 40.383; -3.717
بنسټ ایښودنه نهمه میلادی پیړۍ
اداري وېش
هیواد  Spain
خپلواکه سیمه 25px مادرید
ولایت 25px مادرید
پلازمینه د:
حکومت
 • ښاروال مانویلا کارمنا (آورا مادرید)
پراخوالی
 • لوی ښار ۶۰۵٫۷۷ کلوميټر٢ (۲۳۳٫۸۹ میله  مربع)
لوړوالی ۶۶۷ ميټره (۲٬۱۸۸ فوټ)
نفوس شمېرنه (۲۰۱۱)
 • لوی ښار ۳٬۲۶۵٬۰۳۸
 • د نفوسو کثافت ۵٬۴۰۰/کلوميټر٢ (۱۴٬۰۰۰/ميله مربع)
 • ستره ښاري سيمه ۶٬۳۶۹٬۱۶۲
د گڼه گوڼې نوم Madrilenian, Madrilene

madrileño (m) madrileña (f) matritense

وروستي مالومات
وخت زون CET (ه.ن.و۱+)
 • د اوړي وخت CEST (ت.ع.م ۲+)
پُستی کوډ ۲۸۰۰۱–۲۸۰۸۰
سيمه ييز د زنګ کوډ ۹۱ (۳۴)+
جيو کوډ 6359304[۱]  ويکيډاټا کې (P1566) ځانګړنې بدلې کړئ
آی اېس او 3166 ES-M
موټر پلېټ
M  ويکيډاټا کې (P395) ځانګړنې بدلې کړئ
خورلڼې ښارونه
رسمي ژبه اسپانیایي
رسمي وېبپاڼه www.munimadrid.es
  ويکيډاټا کې (P935) ځانګړنې بدلې کړئ
سمول کينډۍ لاسوند وګورئ

مادرید د هسپانيې پلازمېنه او تر ټول ګڼمېشتی ښار دی چې شاوخوا ۳,۴ میلونه وګړي لري؛ خو په ټول مادرید کې بیا نږدې ۶,۷ میلیونه تنه ژوند کوي. دا د اروپايې اتحاديې تر ټولو دویم ستر ښار دی چې یواځې برلین ترې د ادارې محدودیتونو له امله مخکې دي. مادرید د اروپايې اتحاديې تر ټولو دویم ستر مساحت لرونکی پایتخت دی چې یواځې پاریس ترې وړاندې دی. د مادرید ښاروالي ۶۰۴,۳ کیلومترمربع (۲۳۳,۳ میله مربع) جغرافیوي سیمه تر پوښښ لاندې نیسي. [۵][۶][۷][۸][۹]

مادرید د مانزانریس سیند پر غاړه او د ایبیرین ټاپووزمې په مرکزي برخه کې پروت دی. د هسپانیې (له ۱۵۶۱م کال راهیسې تقریباً پرته له انقطاع) او د مادرید د شاوخوا خپل واکو ټولنو (له ۱۹۸۳ کال راهیسې) د پلازمېنې ښار په توګه، مادرید همدا ډول د هېواد سیاسي، اقتصادي او کلتوري مرکز دی. د خلق د ګوند څخه جوزې لویس مارتینېز-المېدا د مادرید ښاروال دی. [۱۰][۱۱]

د مادرید ښاري تراکم په اروپايي اتحادیه کې تر ټولو ستر دویم کورنی ناخالص تولید لري او پر سیاست، تعلیم، ساعت تیرۍ، ژوندچاپېریال، رسنیو، فېشن، ساینس، کلتور او هنرونو يې اغېز د دې لامل شوی چې دا ښار د دنیا د یو له سترو نړیوالو ښارونو حیثیت ولري. د اقتصادي تولیداتو، د ژوندانه د لوړو معیارونو او بازار د کچې له امله، مادرید د ایبرین ټاپووزمې او سوېلي اروپا ستر مالي مرکز او مخکښ اقتصادي ښار دی. په دې ښار کې ګڼې سترې هسپانوي کمپني خپل مرکزونه لري، لګه، ټلیفونیکا (Telefónica)، ایبیریا (Iberia)، BBVA او FCC. پدې ښار کې د هېواد ټول بانکی فعالیتونه ترسره کېږي او د هسپانوي ژبې دا ښار تر ټولو ډېرې وېبپاڼې تولیدوي. [۱۲][۱۳][۱۴][۱۵][۱۶][۱۷][۱۸]

په ماډریډ کې د ملګرو ملتونو د نړیوال ګرځندوی سازمان (UNWTO)، د ایبېرو-امریکايي عمومي سکرتریت (SEGIB)، د ایبیرو-امریکايي ایالتونه (OEI) او د عامه منافعو د څارنې بورډ (PIOB) مرکزي دفترونه شتون لري. پدې ښار کې همدارنګه د هسپانوي ژبې تر ټولو ستر نړیوال تنظیموونکی او دودونکي هم موجود دي: د هسپانوي ژبې د اکاډمیو د انجمن کمېټه، د هسپانوي ژبې شاهي اکاډمي (RAE)، Instituto Cervantes او د بېړنۍ هسپانوۍ ژبې بنسټ (Fundéu BBVA). ماډریډ دغه برنامې هم تنظیم کړې دي: FITUR، ARCO، SIMO TCI او د ماډریډ د فېشن اونۍ. په ماډریډ کې په نړیواله کچه مشهور د فوټبال دوه کلبونه هم دي، ریال مادرید او اتلېتیکو مادرید. [۱۹][۲۰][۲۱][۲۲]

که څه هم په ماډریډ کې زیربناوې عصري بڼه لري، خو په کوڅو او ګاونډ کې يې لاهم تاریخ لیدل کېږي او احساسېږي. دا ځایونه يې د لیدلو وړتیا لري: پلازا مېور (Plaza Mayor)، د مادرید شاهي ماڼۍ، شاهي تیاتر او د ۱۸۵۰م کال بیارغول شول اوپېرا هاوس، Buen Retiro پارک، چې په ۱۶۳۱ کې يې بنسټ اېښودل شوی؛ د ۱۹مې پېړۍ د ملي کتابتون ودانۍ (په ۱۷۱۲ کې يې بنسټ اېښودل شوی دی) چې ځینې تاریخي هسپانوي ارشیفونه هم لري؛ ګڼ ملي موزیمونه او د هنر طلايي مثلث (Golden Triangle of Art)، چې په Paseo del Prado سیمه کې موقعیت لري او له دریو هنري موزیمونو څخه جوړ شوی دی: د پراډو موزیم، د رېنا سوفیا موزیم، د عصري هنر موزیم، او د تېسېن-بورنېمیسزا موزیم، چې د دوو نورو موزیمونو تکمېلونکی دی. د سیبیلیس ماڼۍ او چینه د ښار یوه له تلپاتې سمبولونو څخه دي. [۲۳][۲۴][۲۵][۲۶]

د نوم اېښودنې لامل

[سمول]

د مادرید د ځای د نومونې د سرچینې پر سر بېلابېلې نظريې موجودې دي چې ټولې يې له تاریخ سره یو ځای د فونیټکي تکامل د بشپړې توضېح له امله ستونزې لري)، پدې مانا چې:[۲۷]

  • د سلتیک سرچینه (مادرید – ماګېتوریتوم؛ د -ریتو له رېښې سره چې د ګودر په مانا ده).[۲۸]
  • د عربي مجرا (د اوبو مجرا) یا مجریک د چینې په مانا.[۲۹]
  • د لاتین سرچینې د مضطرب (Mozarabic) تلفظ چې د اوبو د مجرا په مانا ده. [۲۸]

تاریخ

[سمول]

د مادرید کیسه ماقبل التاریخ ته ورګرځي او پدې سیمو کې د لرغون پېژندنې پاتې شوني شته دي: د Celtic Carpetani استوکنځي، رومان ویلاګانې، د سانتا ماریا دې لا المودېنا د کلیسا سره نږدې د ویسیګوت پاچاهي ماڼۍ او د کاسا دې کمپو، تېوان او ویکالوارو سره نږدې د ویسیګوت هدیرې. [۳۰][۳۱][۳۲][۳۳][۳۴][۳۵]

منځنۍ پېړۍ

[سمول]
د مادرید د مسلمانانو دېوال یوه برخه. د ټولو دېوالو د نوملړ لپاره، وګورئ: د مادرید دیوالونه


په مادرید کې د جوړو شویو استوګنځایونو د شتون اړوند لومړنی تاریخ سند د مسلمانانو عصر ته رسېږي. د ۹مې پېړۍ په دویمه نیمايي کې، د قرطبې لومړي امیرمحمد د منزانارېس سیند سره نږدې پر یوه ټوټه ځمکه یو کلا جوړه کړه. دا کلا یوه له هغو کلاګانو څخه وه چې د الااندلس او د لېون او کاستیل د پاچاهیو د پولو تر مینځ پدې هدف جوړېدې چې تولیدو د مسیحي ښکېلاک څخه خوندي وساتي او همدا ډول دا چاره د مسلمانانو د هجومي بریدونو د پیل ټکی و. د ۱۱مې پېړۍ په لومړیو کې د قرطبې د خلافت د تجزیې څخه وروسته، مادرید د تولیدو (طلیطله) له طایفې سره یوځای شو. [۳۶][۳۷]

په ۱۰۷۹م کال کې د طلیطله طایفې د فتحو د پراخو جګړو په ترڅ کې، په ۱۰۸۳م کال کې مادرید د لیون او کاستیل د شپږم الفانسو لخوا ونیول شو، ځکه ده غوښتل چې دغه ښارګوټی د تولیدو ښار پر ضد د یوې هجومي اډې په توګه وکاروي، چې بیا يې یاد ښار په ۱۰۸۵ کې فتح کړ. د فتحې وروسته، مسیحیانو د ښار مرکز اشغال کړ او مسلمانان او یهودیان يې اطراف ته کډه کړل. مادرید، چې د الکالا (تر ۱۱۱۸ کال پورې د مسلمانانو په واک کې و) نږدې پروت دی، تر یوه وخته سرحدي سیمه پاتې شوه او څو ځله پرې د المرابطون د دورې پر مهال د لوټ او غلامانو نیولو په موخه برید شو او په ۱۱۱۰ کې يې دیوالونه ړنګ کړای شول. د اووم الفونسو په سلطنت کې، په ۱۱۲۳ م کال دا ښار (له پاچاهۍ سره تړلی) ویلا دې رېئالېنګو وبلل شو. د ۱۱۲۳م کال د اوتورګامېئېنتو منشو د مادرید او سیګوویا تر منځ د لومړي ځل لپاره واضح محدودې رامنځته کړې، چې نومونه يې وو پوئېرتو دې اېل بېروئېکو او پوئېرتو دې لوزویا. له ۱۱۸۸ څخه راپدېخوا، مادرید د یوه ښار حقونه ترلاسه کړل او د کاستیل په دربارونو کې يې استازولي درلوده. په ۱۲۰۲م کال کې، اتم الفونسو مادرید ته د خپلې ښاري شورا د تنظیم په موخه لومړی منشور ورکړ، چې بیا په ۱۲۲۲م کال کې د درېیم فردیناند له لوري پراخ شو. د ۱۳۴۶م کال د جنورۍ میاشتې په ۶مه نېټه، د دې ښارګوټي د ادارې سیسټم د یوولسم الفونسو لخوا یوې دوولس کسیزې شورا ته واړول شو. [۳۸][۳۹][۴۰][۴۱]

د ۱۳مې پېړۍ له نیمايي څخه د ۱۴مې پېړۍ تر پایه پورې، د مادرید شورا د ریال دې منزانارېس قلمرو د کنټرول په موخه د سیګوویا شورا سره سیالي وکړه. دا ځواکمن ښارګوټی د سیرا دې ګوادارراما غرونو لړۍ په شمال کې پروت و، د نفوس د بیاځلي ډېرولو وړتیا يې درلوده او اقتصاد يې پر کرکیله ولاړ و. خو د مادرید ښارګوټی په کرنه کې کمزوری و او د نفوس د بیاځلي ډېرولو (repopulation) لږ وړتیا يې درلوده. د سیپولیدا د زوال څخه وروسته، د همدې غرونو په لړۍ کې شمال ته پرته یوه بله شورا، سیګوویا د ګوادارراما غرونو د سوېل یو ستر لوبغاړی شو، چې د لوزویا او مانزانارېس سیندونو په اوږدو کې يې د مادرید د شمال په لوري او د ګوادارراما سیند په اوږدو د لویدیځ په لوري پراختیا ومونده. [۴۲]

سرچينې

[سمول]
  1. ↑ پیوستون : 6359304  — منښتلیک: Creative Commons Attribution 3.0 Unported
  2. ↑ https://web.archive.org/web/20190103100229/https://www.madrid.es/UnidadWeb/Contenidos/EspecialInformativo/RelacInternac/RRII/MemoActivInter/Ficheros/ambitos%20proyeccion%20internacional.pdf — د نشر نېټه: ۳ جنوري ۲۰۱۹
  3. ↑ http://www.bordeaux.fr/ebx/LinkResolverServlet?classofcontent=presentationStandard&id=5003
  4. ↑ https://www.madrid.es/UnidadWeb/Contenidos/EspecialInformativo/RelacInternac/RRII/MemoActivInter/Ficheros/ambitos%20proyeccion%20internacional.pdf — د نشر نېټه: ۳ جنوري ۲۰۱۹
  5. ↑ "Cifras oficiales de población resultantes de la revisión del Padrón municipal a 1 de enero". Instituto Nacional de Estadística. بياځلي په 25 August 2019.
  6. ↑ "World Urban Areas: Population & Density" (PDF). Demographia. بياځلي په 10 August 2008.
  7. ↑ "Major Agglomerations of the World". Population Statistics and Maps. 1 January 2019. بياځلي په 25 August 2019.
  8. ↑ United Nations Department of Economic and Social Affairs World Urbanization Prospects (2007 revision), (United Nations, 2008), Table A.12. Data for 2007.
  9. ↑ "Member of the Governing Council. Delegate for Economy, Employment and Citizen Involvement" (PDF). p. 6. بياځلي په 3 September 2012.
  10. ↑ "Madrid". Encyclopædia Britannica. 
  11. ↑ Moreno-Fernández 2020، م. 44.
  12. ↑ "Global city GDP rankings 2008–2025". Pricewaterhouse Coopers. خوندي شوی له the original on 4 May 2011. بياځلي په 20 November 2009.
  13. ↑ Globalization and World Cities (GaWC) Study Group and Network, Loughborough University. "The World According to GaWC 2010". خوندي شوی له the original on 24 May 2012. بياځلي په 12 February 2016.
  14. ↑ "Global Power City Index 2009" (PDF). بياځلي په 14 April 2011.
  15. ↑ "Global Financial Centers Index". بياځلي په 2021-12-17.{{cite web}}: CS1 errors: archive-url (link) CS1 errors: unsupported parameter (link)
  16. ↑ "Worldwide Centers of Commerce Index" (PDF). بياځلي په 3 September 2012.
  17. ↑ "Global Power City Index" (PDF). بياځلي په 3 September 2012.
  18. ↑ Moreno-Fernández 2020، م. 45.
  19. ↑ "FITUR". خوندي شوی له the original on 20 June 2012. بياځلي په 17 June 2012.
  20. ↑ "Arte Contemporaneo en España – ARCOmadrid". Ifema.es. بياځلي په 9 November 2012.
  21. ↑ "SIMO EDUCACIÓN – Learning Technology Exhibition – Home". www.ifema.es.{{cite web}}: CS1 errors: archive-url (link) CS1 errors: unsupported parameter (link)
  22. ↑ "Cibeles Madrid Fashion Week". خوندي شوی له the original on 11 April 2012. بياځلي په 27 March 2012.
  23. ↑ "Arquitectura. Edificios de los Museos Estatales". Mcu.es. 25 January 2012. بياځلي په 7 August 2012.
  24. ↑ "Geography of Madrid". Easy expat. 11 August 2006. خوندي شوی له the original on 22 July 2012. بياځلي په 17 December 2021.
  25. ↑ "Plaza de Cibeles | Spain.info in english". Spain.info. بياځلي په 7 August 2012.
  26. ↑ "Madrid's Palacio de Cibeles Renovated Into Jaw-Dropping CentroCentro Cultural Center | Inhabitat – Sustainable Design Innovation, Eco Architecture, Green Building". Inhabitat. بياځلي په 7 August 2012.
  27. ↑ Pérez Orozco, Santiago (2007). "El origen del topónimo Madrid" (PDF). Anales del Instituto de Estudios Madrileños. XLVII. Madrid: Consejo Superior de Investigaciones Científicas: 701–703. ISSN 0584-6374.
  28. ↑ ۲۸٫۰ ۲۸٫۱ Pérez Orozco 2007، م. 701.
  29. ↑ https://ddd.uab.cat/pub/tfg/2016/tfg_45415/TFG_2015-16_FTI_Khayat.pdf
  30. ↑ País, Ediciones El (13 June 2006). "Los primeros madrileños llegaron hace 500.000 años". El País – via elpais.com.
  31. ↑ "La prehistoria de Madrid". خوندي شوی له the original on 24 February 2014. بياځلي په 13 March 2007.
  32. ↑ Ocupaciones achelenses en el valle del Jarama (Arganda, Madrid);Santonja, Manuel; López Martínez, Nieves y Pérez-González, Alfredo;1980;Diputación provincial de Madrid;ISBN 84-500-3554-6
  33. ↑ "Las villas romanas de Madrid. Madrid en época romana" (PDF).
  34. ↑ El Madrid antiguo en época romana;Fernández Palacios, Fernando;Estudios de Prehistoria y Arqueología Madrileñas;Number 13; year 2004
  35. ↑ Álvarez, Pilar; Sánchez, Esther (21 June 2013). "Hallado un taller paleolítico de más de 200.000 años en Vicálvaro". El País – via elpais.com.
  36. ↑ "Madrid Islámico". Nova.es. خوندي شوی له the original on 2 October 1999. بياځلي په 7 August 2012.
  37. ↑ It was recorded in the 15th century by the Arab geographer al-Himyari, who wrote in his "The Book of the Fragrant Garden" (Kitab al-Rawd al-Mitar) about the history of the city. He describes: "Madrid, remarkable city of Al-Andalus, which was built by Amir Muhammad ibn Abd ar-Rahman..."
  38. ↑ Suárez Fernández 2001، م. 137.
  39. ↑ Cerrillo Torquemada 2009، م. 245.
  40. ↑ Cestero Mancera، Molina Martos او Paredes García 2015، م. 18.
  41. ↑ Bahamonde Magro او Otero Carvajal 1989، م. 9.
  42. ↑ Bahamonde Magro او Otero Carvajal 1989، مم. 11–12.
"https://ps.wikipedia.org/w/index.php?title=مادرید&oldid=340570" نه اخيستل شوی