سورپوستو جونګړه
![](http://upload.wikimedia.org/wikipedia/commons/thumb/5/54/Apache_Wickiup%2C_Edward_Curtis%2C_1903.jpg/220px-Apache_Wickiup%2C_Edward_Curtis%2C_1903.jpg)
![](http://upload.wikimedia.org/wikipedia/commons/thumb/9/9c/Apache_wickiup.jpg/200px-Apache_wickiup.jpg)
سورپوستو جونګړه يا کوډۍ د بېلابېلو اصلي امریکايي سورپوستو قبیلو د یو ډول دودیز لنډمهاله کور نوم دی. د شمالي امریکا په مورنیو ژبو کې دا جونګړې د ویګوام او ویکیپ په نوم یادیږي. د متحده ایالاتو په سویل لوېدیځ او لوېدیځ کې ، دا کوډۍ معمولا د ویکياپ په نوم یادیږي ، او د متحده ایالاتو او کاناډا په شمال ختیځ کې ، بيا ورته ویګوم وايي.
دا ډول کوډۍ او ګونبدي جونګړې تر ډېره په امريکايي کلتور کې رايج دي،ځکه د هغې هواره منحني ډوله ګونبدي چت تر ډېره د سرپنا لپاره يو ګټور کور بلل کېده.
دا جوړښتونه معمولا د لرګیو او د لرګیو چوکاټونو څخه جوړ شوي چې د ونې په پوټکو او پاڼو پوښل شوي. د دې کوډلو ساختماني توکي او جوړښت د ځایی کلتور او ځایي توکو شتون سره توپیر کوي. ځینې هغه مواد چې د دې کوډلو د چت پوښلو لپاره کارول کیږي عبارت دي له واښه، کبلو، د ونې پوستکي، ونې تنې، د څارویو پوستکي یا ټوکر.
د هندي کيږديو په پرتله، د سورپوستو کوډلې جوړول معمولاً ډېر وخت نيسي او د کيږديو په څېر د لېږد وړ نه دي.