دیو جانس کلبی

د ويکيپېډيا لخوا
ورټوپ کړه: گرځښت, پلټل
سپي ډوله ژوند خوښوونکي فېلسوفانو يوه ډله

دیو جانس کلبی له کلبي فلسفيانو څخه ؤ، چې په ۴۱۲مخزېږ کال په سېنوپ کې دې نړۍ ته سترگې راوغړولې. پلار يې يو کاريگر سړې ؤ. ويل کېږي چې پلار يې د سېنوپ د قاضي لخوا محکومېږي، پدې ډول دېوجانس له ملکه تېښته کوي او مخ په آتن ځي. په آتن کې له کلبي او آنتیستنس سره اشنا کېږي. په لومړي پېر کې آنتیستنس دې د زده کوونکي په توگه نه مني، آن تردې چې له ځان څخه شړلو لپاره يې په لخته هم وهي. دېوجانس په آرامۍ سره دا عمل زغمي او آنتیستنس ته وايي، چې ته په هره اندازه چې کولې شې ما ووهه، مگر ترهغه وخته چې ته داسې کلمې لرى، چې په اورېدلو ارزي، نو ته به داسې هېڅ لخته پېدا نکړې، چې زما د وهلو لپاره به هغه دومره کلکه وي، چې وکړاى شي ما لدې ځاى څخه لرې کړي. فلسفي لدې ځواب څخه ډېر خوشالېږي او دېوجانس په خپلو زده کوونکيو کې ورگډوي. دېوجانس د خپل ښوونکي او د فلسفې اصول په بشپړ ډول ومنل. او دهغه په څېر يې هرډول ځانغوتنه يې د ثروت، وياړ او قدرت لپاره رټله او حقيره يې شمېرله. دېوجانس به څادر له ځانه تاوکړې ؤ، او د آتن په کوڅو او سړکونو کې به اوسېده. ورځينۍ ډوډۍ يې هم له هغو بسپنو څخه وه، چې کله ناکله به خلکو ورکولې.

دېو جانس کلبي د يونان فلسفي ؤ. دا فلسفي د کلبي د مدرسې لاروې ؤ. په سېنوپ کې زېږېدلې او په اتن کې يې اوسېدلې. داسې ويل کېږي، چې د ديوي مور د مندر په يوه کونج کې به ناست ؤ. نو يوه ورځ بحري قزاقانو لاس ته ورغې. هغوي د کورنتک په يوه ماړه سړي ورخرڅ کړ. د نوموړي سړي کوشنيانو ته به يې ښوونه ورکوله، تردې چې آزاد يې کړ. د ازادۍ څخه وروسته به يې د ښار په کوڅو کې د شپې لخوا څراغ په لاس پهره کوله.

د يادولو وړ ده چې د کلبیانو يا سپيي ډوله ژوند فلسفه (Cynics) د هغو ډېرو فلسفو څخه چې له سقرات څخه راپېلېږي، يوه هم د کلبيانو يا سپي ډوله ژوند خوښوونکو فلسفه کلبیون (Cynics) ده. ددې ښوونځي بنسټ اېښودونکې آنتيستنس د سقرات له زده کوونکيو څخه دى. ددې ډلې فېلسوفان په دوه وجو د کلبي فلسفې خاوندان گڼي ېچ هغه دا دي: لومړې دليل: د ښوونځي د بنسټ اېښودو ځاى سیناسارگس Cynosarges ، چې د سپين سپي په مانا دى. دا ځاى د آتن سره نږدې د لوبو لپاره جوړ شوې ؤ. دويم دليل: هغه ددې فېلسي ښوونځي د لاوريانو د سپي ډوله ژوند ؤ، چې پدې نوموړي فېلسوفان يې پدې نامه ياد کړل.

لوېديځ فېلسوفان[سمول]

سرچينې[سمول]

  1. اردو ويکيپېډيا
  2. د فېلسوفان په تشيالي کې پاړسو وېبپاڼه