حبيب الله تږی
 | لطفاً د دې ليکنې په غځولو سره دا ليکنه پياوړې کړۍ. د دې ليکنې په اړه نور مالومات تاسې د خبرواترو مخ کې موندلی شی. |
ډاکټر حبيب الله تږی (په انگرېزي:Habibullah Tegey) يو افغان تاريخپوه، ژبپوه، ليکوال او څېړونکی وو. هغه د پښتو ژبې د فقة اللغته يا فېلالوژي د بنسټونو په بيانولو او ثابتولو کې ډېر زيار ايستلی دی.
مخينه
حبيب الله تږی د گل دولا خان زوی او د محمد نبي لمسی و. نوموړی د ۱۳۰۷ ل کال د ليندۍ مياشتې او د ۱۳۰۸ ل کال د تلې مياشتې تر مېنځ موده کې د کابل د شېوکي په سهاک نومي کلي کې زېږېدلی، چې د زېږون کره نېټه يې نه ده مالومه. [۱]
زده کړې
تږی پر ۱۳۱۸ ل کال د شېوکيو په لومړني ښوونځي کې شامل شوی او په ۱۳۲۴ ل. کال کې د همدغه ښوونځي نه بريالی فارغ شوی دی. تر لومړنيو او دويمو زده کړو وروسته بيا دارالمعلمين کې شامل شوی او يه ۱۳۳۱ ل. کال کې يې هلته خپلې زده کړې بشپړې کړي دي. د دولسم ټولگي د بريليک نه وروسته بيا د کابل پوهنتون په ادبياتو پوهنځي کې داخل شوی او په ۱۳۳۵ ل. کال کې له نوموړي پوهنځي نه په برياليتوب سره فارغ شوی دی.
چاپ شوي آثار
- ژبه خپل سر ته پرېږدۍ (ژباړه) - د کارنل د پوهنتون د پروفېسور جان هال ليکنه
- د ليک تاريخ او تحول
- معاصر افغاني ادب
- اواز (ژباړه) - ۱۳۳۷ ل. کال
- د اکتشافاتو لنډ تاريخ (ژباړه) - ۱۳۴۱ ل. کال
- نوې ژبپوهنه او ژبني مسايل - ۱۳۴۵ ل. کال
- پښتانه - تاريخي اثر - ۱۳۷۷ ل. کال
- The Grammer of Cligics - ۱۹۷۸ ز. کال
- د مشرق په اسمان کې د مغرب ستوري - ۱۳۸۴ ل. کال
سرچينې
- ↑ اوسني ليکوال - ۲۲۷ مخ - د عبدالروف بېنوا اثر
- اوسني ليکوال - د عبدالروف بېنوا اثر