سیمبول پوهنه
| عمومي مالومات | |
|---|---|
| ځانګړې وېشنيزه |
نښي پوهنه (Semiotic) هغه علم دی چي په یوه ژبه کي دخبرو ترڅنګ په غزل، نښو، ځانګړو جوړښتونو، انځورنو او نورو علامو باندي هم خلک خپلو اهدافو او موخوته رسیږي . ددې علم هر هغه فعالیت، چلند، یا پروسه چې نښې پکښي ګډون اوتعریف سوي وي معمولا د معنی په نوم یادیږي . معنی کیدای شي قصدي وي، لکه یوه کلمه چې د ځانګړي معنی سره ویل کیږي؛ یاهم غیر ارادي وي، لکه یوه علامه چي دیوځانګړي حالت نښه وي . په یوه ژبه کي نښې هم کولی شي د احساساتو سره اړیکه ونیسي (کوم چې معمولا معنی نه ګڼل کیږي) او کیدای شي په داخلي توګه دفکر اوحواسو له لارې: لکه اورېدل، لیدل، خوند اوداسي نورو سره اړیکه ونیسي . معاصر سیمیټیکس د ساینس یوه څانګه ده چې معنی جوړونه اوبېلابېل ډوله پوهه مطالعه کوي. [۱]
سیمیټیک دود د نښو او سمبولونو مطالعه داړیکو د یوې مهمې برخې په توګه لټوي. همدارنګه د ژبپوهنې په خلاف، سیمیټیکس د غیر ژبني نښانو سیسټمونه هم مطالعه کوي. په سیمیوتیک کې د نښو او نښانو د پروسو مطالعه لکه نښې، نومول، مشابهت ، تمثیل ، میتوونیمي ، استعاره ، سمبولیزم ، نښه، او ارتباط هم شامل دي .
سیمیوتیک سیسټم په مکرر ډول د مهمو بشری او ټولنولوژیکي اړخونو په توګه لیدل کیږي. د مثال په توګه ایټالوی سیمیوت پوه او ناول لیکونکی امبرټو اکو ویلي دي چې هره کلتوري پدیده د ارتباط په توګه مطالعه کیدی شي. [۲]
- ↑ Campbell, C., Olteanu, A., & Kull, K. (2019). Learning and knowing as semiosis: Extending the conceptual apparatus of semiotics. Sign Systems Studies 47(3/4), 352–381.
- ↑ Caesar, Michael (1999). Umberto Eco: Philosophy, Semiotics, and the Work of Fiction. Wiley-Blackwell. p. 55. ISBN 978-0-7456-0850-1.