Jump to content

په ۲۰۲۱ ز کال کې په کابل هوايي ډګر برید

د ويکيپېډيا، وړیا پوهنغونډ له خوا

د ۲۰۲۱ ز کال د اګست په ۲۶ مه نېټه له افغانستان نه د امریکايي ځواکونو د تخلیې د عملیاتو پر مهال په سیمه ییز وخت ۱۷:۵۰ بجو (د نړیوال همغږي وخت په ۱۳:۲۰ بجو) د افغانستان په کابل ښار کې د حامد کرزي په نړیوال هوايي ډګر کې ځانمرګی برید ترسره شو. د ۱۷۰ افغان ملکي وګړو او ۱۳ امریکايي ځواکونو په ګډون لږ تر لږه ۱۸۳ کسان ووژل شول، دا د ۲۰۲۰ ز کال له فبروري میاشتې وروسته د افغانستان په جګړه کې لومړني پوځي امریکايي تلفات و. د اسلامي دولت د خراسان ولایت د دغه برید مسئولیت پر غاړه واخیست.[۱][۲][۳][۴][۵][۶]

د اګست په ۲۷ مه،  متحده ایالاتو په ننګرهار ولایت کې هوايي برید ترسره کړ. د متحده ایالاتو مرکزي قومانداني (USCENTCOM) وویل چې: په دغه برید کې یې د اسلامي دولت د خراسان ولایت درې غړي په نښه کړي. د اګست په ۲۹ مه نېټه متحده ایالاتو د بې پیلوټه الوتکې دویم برید په کابل کې وکړ، په دغه برید کې یو موټر په نښه شو چې دوی باور درلود د داعش د خراسان ولایت غړي لېږدوي، خو په اصل کې دغه موټر یو افغان مرسته کوونکی لېږداوه. په دغه برید کې د اووه ماشومانو په ګډون ۱۰ افغان ملکي وګړي ووژل شول.[۷][۸]

مخینه

[سمول]

د ۲۰۲۱ ز کال د اګست په ۱۵ مه نېټه طالبانو ته د کابل له لاسته ورتلو وروسته، د حامد کرزي نړیوال هوايي ډګر له افغانستان نه د وتو یوازنۍ لار وه. امنیتي اندېښنو وروسته له هغې وده وکړه چې له بګرام او پلچرخي بندخونو نه د اسلامي دولت د خراسان ولایت په سلګونو بندیان وتښتېدل. د اګست په ۱۶ مه پنټاګون د متحده ایالاتو کانګرس ته د کابل له سقوط وروسته په راتلونکو ورځو کې د داعش د بریدونو په اړه خبرداری ورکړ. د متحده ایالاتو ولسمشر جوبایډن له برید نه اونۍ وړاندې د دغه احتمالي برید په اړه ګڼ شمېر راپورونه ترلاسه کړي و، هغه د اګست په ۲۲ مه نېټه په سپینه مانۍ کې د خبرو پرمهال خبرداری ورکړ چې هر څومره چې د متحده ایالاتو ځواکونه په هغه هېواد (افغانستان) کې پاتې کېږي، هوايي ډګر ته څېرمه د امریکايي ځواکونو او وګړو پر وړاندې د داعش د بریدونو ګواښ زیاتېږي.[۹][۱۰][۱۱][۱۲][۱۳][۱۴][۱۵]

له برید څو ساعته وړاندې، په کابل کې د متحده ایالاتو دیپلماتانو امریکايي وګړو ته خبرداری ورکړ چې د امنیتي ګواښونو له امله هوايي ډګر پرېږدي. د بریتانیا د وسله والو ځواکونو وزیر جمیس هایپي په هوايي ډګر باندې د داعش وسله والو د برید د سخت ګواښ خبرداری ورکړ. د متحده ایالاتو، بریتانیا او اسټرالیا سفارتونو هم د هوايي ډګر اړوند لوړو امنیتي ګواښونو په اړه خبرداری ورکړ.[۱۶][۱۷][۱۸][۱۹]

برید

[سمول]

په ۲۰۲۱ ز کال کې له افغانستان نه د وتو پرمهال، ګڼ شمېر سیمه ییز او بهرني وګړي د وتو په موخه د هوايي ډګر په شاوخوا کې راغونډ شول. د هوايي ډګر په آبي دروازه کې ځانمرګي بریدګر خپل انتحاري واسکټ ته چاودنه ورکړه. له چاودنې وروسته ډزې پیل شوې او د هوايي ډګر ټولې دروازې وتړل شوې. د متحده ایالاتو چارواکو وویل چې: د اسلامي دولت د خراسان ولایت وسله وال کس په ګڼه ګوڼه کې په ډزو پیل وکړ او امریکايي ځواکونو هم ډزې پیل کړې. د ګڼ شمېر خبریالانو په خبره، عیني شاهدانو د وګړو په ګڼه ګوڼه باندې د ډزو او له چاودنې وروسته د مرګ ژوبلې یوه برخه د امریکايي ځواکونو له خوا وحشت ته اړونده وبلله. پنټاګون د اګست په ۲۸ مه د یوه خبري کنفرانس پر مهال په یو شمېر مرګ ژوبله کې د متحده ایالاتو د لاس لرلو مسئولیت ومانه.[۲۰][۲۱][۲۲][۲۳][۲۴][۲۵]

دغه چاودنه د چټلو اوبو په هغه ویاله کې وشوه، چېرې چې امریکايي ځواکونو د تخلیې په موخه پاسپورټونه، ویزې او نور اسناد هوايي ډګر ته د ننوتو د اجازې ورکولو په موخه کتل. یوه عیني شاهد وویل چې: د چاودنې له امله یې حس وکړ چې چا یې له پښو لاندې ځمکه لرې کړې او ومې لیدل چې نور هغه کسان چې د وتو په تمه وو، د چاودنې د زور له امله هوا ته پورته شول. لومړنیو راپورونو په تېروتنې سره څرګنده کړه چې دویمه چاودنه د بارون هوټل ته څېرمه ترسره شوې، خو په سبا ورځ یې څرګنده شوه چې دویمه چاودنه هېڅ نه ده ترسره شوې.[۲۶][۲۷][۲۸][۲۹]

دغه برید د داعش خراسان ډلې ترسره کړ، چې مسئولیت یې هم پر غاړه واخیست او د ځانمرګي بریدګر نوم یې عبدالرحمن الغوري اعلان کړ. طالبان له وړاندې د داعش د خراسان ډلې سره ښکېل و. کله چې پوښتنه وشوه چې ترهګرو څه ډول وکولای شول، د طالبانو د څارنې له ځایونو یا چک پاینټونو تېر شي، د متحده ایالاتو د مرکزي قوماندانۍ مشر جنرال کنټ مکنزي وویل: «دا چې آیا هغوی [طالبانو] اجازه ورکړې، دغه برید ترسره شي، زه نه پوهېږم. ... زه فکر نه کوم چې داسې څه دې شتون ولري چې ما متقاعد کړي چې هغوی دې اجازه ورکړې وي چې داسې وشي».[۳۰][۳۱][۳۲]

قربانیان

[سمول]

په دغه برید کې د تخلیې له عملیاتو نه د متحده ایالاتو د ملاتړ کوونکو ۱۳ امریکايي سرتېرو او ۱۶۹ افغان ملکي وګړو په ګډون لږ تر لږه ۱۸۲ کسان ووژل شول. په وژل شوو ملکیانو کې دوه بریتانوي دوه تابعیته وګړي هم و چې یو یې د یو بریتانوي وګړي ماشوم و. په پیل کې د دې راپور هم ورکړل شو چې ۲۸ طالب جنګیالي هم په دغه برید کې وژل شوي، خو وروسته طالب ویاند ذبیح الله مجاهد د آزادې اروپا له راډیو(آزادي راډیو) سره په مرکه کې دغه خبره رد کړه. په وژل شوو امریکایانو کې ۱۱ وسله وال سرتېري، د اروايي عملیاتو د اتمې ډلې یو سرتېری او د سمندري ځواکونو یو سرتېری وښودل شول. د امریکايي ځواکونو دغه تلفات د ۲۰۲۰ ز کال له فبروري میاشتې وروسته لومړني تلفات او په ۲۰۱۱ ز کال په افغانستان کې د بوینګ شینوک الوتکې له رانسکورېدو وروسته د امریکايي ځواکونو یوځلي په لویه کچه پوځي تلفات وو. [۳۳][۳۴][۳۵][۳۶][۳۷][۳۸][۳۹]

په دغه برید کې د ۱۸ امریکايي پوځیانو او یو شمېر طالبانو په ګډون لږ تر لږه ۱۵۰ کسان ټپیان شوي وو.[۴۰]

غبرګونونه او ځواب

[سمول]

طالبانو دغه برید د خپل ویاند د یوه ټویټ په واسطه وغانده او څرګنده یې کړه چې: «شیطاني کړۍ به په سختي سره ودروي». طالبانو وروسته اعلان وکړ چې دوی به د داعش د خراسان ډلې د مشر شهاب المهاجر د نیولو په موخې له هرې ممکنې لارې چارې کار واخلي. د افغانستان پخواني اجرائیوي مشر او د افغانستان د ملي ائتلاف مشر عبدالله عبدالله هم دغه برید وغانده. یو شمېر ملکي وګړو خبریالانو ته څرګنده کړه چې: دغه برید له افغانستان نه د وتو په موخه د دوی هوډ د نورو بریدونو نه د وېرې له امله لا کلک کړی دی.[۴۱][۴۲][۴۳][۴۴]

د متحده ایالاتو ولسمشر جوبایډن له برید وروسته یوه عمومي وینا وکړه. هغه په دغه برید کې په وژل شویو امریکايي سرتېرو ویاړ وکړ او دوی یې «اتلان» وبلل، هغه وویل چې: دوی خپل ژوند «آزادۍ ته د خدمت په لار» کې ورکړی او له افغان قربانیانو سره  یې ژوره خواشیني څرګنده کړه. بایډن هغو کسانو ته چې متحده ایالاتو ته د زیان رسولو په هڅه کې دي وویل:«موږ تاسو تعقیب کوو او تاسو به د دې تاوان ورکړئ». د بریتانیا دولت هم څرګنده کړه چې: دوی به له افغانستان نه د وتو عملیاتو ته دوام ورکړي.

ګڼ شمېر هېوادونو د کابل په هوايي ډګر برید وغانده، د قربانیانو او په هوايي ډګر کې د وتلو د عملیاتو ترسره کوونکو سرتېرو سره یې خپله همغږي اعلان کړه. دغه برید د اروپايي کمیسیون او ملګرو ملتونو له خوا هم وغندل شو. د جرمني لومړۍ وزیرې انګلا مرکل اسرائیلو ته خپل سفر لغوه کړ او د جرمني د ځواکونو د وتلو د بهیر څارلو په موخه په جرمني کې پاتې شوه. بایدڼ هم د اسرائیلو له لومړي وزیر نفتالي بنت سره د برید له امله د خپلې لیدنې مهال وځنډاوه. بریتانیا وویل چې: دوی به له دغه برید سره د ملکي وګړو ایستلو ته دوام ورکړي.[۴۵][۴۶][۴۷]

د متحده ایالاتو هوايي بریدونه

[سمول]

د اګست په ۲۹ مه، د کابل له هوايي ډګر نه څو کیلومتره لرې یو موټر د متحده ایالاتو د بې پیلوټه الوتکې په برید کې په نښه شو. د قربانیانو د خپلوانو په خبره په دغه برید کې د اووه ماشومانو په ګډون ۱۰ ملکي وګړي ووژل شول.

د سپټمبر په ۱۷ مه نېټه، د امریکا د مرکزي قومانداني مشر جنرال کنت مکنزي تائید کړه چې: بې پیلوټه الوتکې د اګست د ۲۹ مې په برید کې د داعش د خراسان ولایت هېڅ یو غړی نه دی وژل شوی. د امریکا د دفاع وزیر لوئید آستین او د پوځ لوی درستیز مارک میلي ومنله چې، په دغه برید کې وژل شوي کسان ټول بې ګناه ملکي وګړي وو.[۴۸][۴۹]

سرچینې

[سمول]
  1. ↑ "Kabul explosions: 13 US soldiers and 72 Afghans killed in Islamic State suicide bombings". Euronews. 26 August 2021. خوندي شوی له اصلي څخه په 26 August 2021. بياځلي په 26 August 2021.
  2. ↑ Ross, Jamie; Rohrlich, Justin; Yousafzai, Sami; Ibrahim, Noor (26 August 2021). "Sheer Chaos: At Least 13 U.S. Troops Killed as Blasts Rock Kabul Airport". The Daily Beast. خوندي شوی له اصلي څخه په 26 August 2021. بياځلي په 26 August 2021.
  3. ↑ Kottasová, Ivana; Starr, Barbara; Atwood, Kylie; Paton Walsh, Nick; Kiley, Sam; Cohen, Zachary; Hansler, Jennifer; Lister, Tim (26 August 2021). "US troops and Afghans killed in suicide attacks outside Kabul airport". CNN. خوندي شوی له اصلي څخه په 26 August 2021. بياځلي په 26 August 2021.
  4. ↑ Trofimov, Yaroslav; Youssef, Nancy A.; Rasmussen, Sune Engel (26 August 2021). "Kabul Airport Attack Kills 13 U.S. Service Members, at Least 90 Afghans". The Wall Street Journal. خوندي شوی له اصلي څخه په 26 August 2021. بياځلي په 27 August 2021.
  5. ↑ "Afghanistan: US will hunt down Kabul airport attack jihadists, says Biden". BBC News. 27 August 2021. خوندي شوی له اصلي څخه په 27 August 2021. بياځلي په 27 August 2021.
  6. ↑ Brown, Matthew; Garrison, Joey; Brook, Tom Vanden; Meyer, Josh; Subramanian, Courtney; Morin, Rebecca (26 August 2021). "Latest from Afghanistan: Biden: 'We will not forgive'; Navy confirms 13th US service member killed in Kabul". USA Today. خوندي شوی له اصلي څخه په 26 August 2021. بياځلي په 27 August 2021.
  7. ↑ Schmitt, Eric; Cooper, Helene (2021-09-17). "Pentagon acknowledges Aug. 29 drone strike in Afghanistan was a tragic mistake that killed 10 civilians". The New York Times. بياځلي په 2021-09-17.
  8. ↑ Crawford, Jamie; Liebermann, Oren (27 August 2021). "US military conducts airstrike against ISIS-K planner". CNN. بياځلي په 28 August 2021.
  9. ↑ "Taliban Fighters Enter Kabul As Helicopters Land at U.S. Embassy". NPR. Associated Press. 15 August 2021. خوندي شوی له اصلي څخه په 15 August 2021. بياځلي په 15 August 2021.
  10. ↑ Sciutto, Jim; Lister, Tim (26 August 2021). "US concerned about 'very specific threat stream' from ISIS-K against crowds outside Kabul airport". CNN. خوندي شوی له اصلي څخه په 25 August 2021. بياځلي په 26 August 2021.
  11. ↑ "Kabul bomber was held in Delhi 5 years ago, claims IS magazine". The Times of India (in انګليسي). September 19, 2021. بياځلي په 2021-10-05. {{cite web}}: |first1= missing |last1= (help)
  12. ↑ Seligman, Lara; Ward, Alexander; Desiderio, Andrew (24 August 2021). "ISIS terrorist threats jeopardize Afghanistan evacuation, Pentagon assessment warns". Politico. بياځلي په 28 August 2021.
  13. ↑ Seligman, Lara (16 August 2021). "Pentagon warns of worsening terrorist threat as Taliban seize Afghanistan". Politico. بياځلي په 28 August 2021.
  14. ↑ Liptak, Kevin (26 August 2021). "Biden warned of a potential attack in Kabul multiple times over past week". CNN. خوندي شوی له اصلي څخه په 26 August 2021. بياځلي په 26 August 2021.
  15. ↑ "The Latest: Biden warns of IS threat to Kabul evacuation". Associated Press. 22 August 2021. بياځلي په 28 August 2021.
  16. ↑ Collinson, Stephen (26 August 2021). "Apparent suicide attack rocks Afghanistan evacuation as Biden's deadline looms". CNN. خوندي شوی له اصلي څخه په 26 August 2021. بياځلي په 26 August 2021.
  17. ↑ Meredith, Sam (26 August 2021). "UK reports 'high threat' of terrorist attack at Kabul airport; U.S. urges people to stay away". CNBC. خوندي شوی له اصلي څخه په 26 August 2021. بياځلي په 26 August 2021.
  18. ↑ Morris, Sophie (26 August 2021). "Afghanistan: 'Very lethal attack' could occur at Kabul airport in matter of hours, minister says". Sky News. خوندي شوی له اصلي څخه په 26 August 2021. بياځلي په 26 August 2021.
  19. ↑ "Afghanistan: US, allies warn of 'terror threat' at Kabul airport". Al Jazeera. 26 August 2021. خوندي شوی له اصلي څخه په 26 August 2021. بياځلي په 26 August 2021.
  20. ↑ Norman, Greg (26 August 2021). "Kabul airport explosion described as 'complex attack'". Fox News. خوندي شوی له اصلي څخه په 26 August 2021. بياځلي په 26 August 2021.
  21. ↑ Conley, Julia (28 August 2021). "Biden vows to continue drone strikes in Afghanistan following airport attack: "Make them pay"". Salon.com. بياځلي په 6 September 2021.
  22. ↑ Khalid, Asma (29 August 2021). "Updates From Kabul After The Attack at the Airport". NPR. بياځلي په 31 August 2021.
  23. ↑ Shear, Michael D. (26 August 2021). "President Biden condemns terrorist attack and vows to hunt down those responsible". The New York Times. بياځلي په 31 August 2021.
  24. ↑ Cooper, Helene; Schmitt, Eric (28 August 2021). "A reprisal strike killed two ISIS militants and wounded another". The New York Times. بياځلي په 31 August 2021.
  25. ↑ Varshalomidze, Tamila; Siddiqui, Usaid; Regencia, Ted (26 August 2021). "Civilians, US troops among dozens killed in Kabul blasts". Al Jazeera. خوندي شوی له اصلي څخه په 26 August 2021. بياځلي په 26 August 2021.
  26. ↑ Ali, Idrees; Landay, Jonathan; Pamuk, Humeyra (26 August 2021). "Pentagon bracing for more attacks after troops killed at Kabul airport". Reuters. بياځلي په 26 August 2021.
  27. ↑ "Pentagon confirms second explosion near Kabul airport and "a number of US and civilian casualties"". CNN. 26 August 2021. بياځلي په 26 August 2021.
  28. ↑ Ali, Idrees (27 August 2021). "Pentagon says Kabul attack carried out by one suicide bomber". Reuters. بياځلي په 28 August 2021.
  29. ↑ Moore, Mark (26 August 2021). "Kabul airport suicide bombing witness says young girl died in his arms". New York Post. خوندي شوی له اصلي څخه په 27 August 2021. بياځلي په 27 August 2021.
  30. ↑ Burke, Jason (26 August 2021). "Islamic State claims responsibility for Kabul airport blasts". The Guardian. بياځلي په 30 August 2021.
  31. ↑ Goodenough, Patrick (26 August 2021). "CENTCOM Head: US Military and Taliban 'Share a Common Purpose,' Doesn't Believe Taliban Let Attack Happen". CNSNews. خوندي شوی له اصلي څخه په 27 August 2021. بياځلي په 27 August 2021.
  32. ↑ "Taliban fought IS with 'limited' US military support, US general reveals". France 24. Agence France-Presse. 10 March 2020. خوندي شوی له اصلي څخه په 19 August 2021. بياځلي په 27 August 2021.
  33. ↑ "British victims of Kabul terror attack: Foreign Secretary's statement" (Press release). Foreign, Commonwealth and Development Office. 27 August 2021. خوندي شوی له اصلي څخه په 27 August 2021. بياځلي په 27 August 2021.
  34. ↑ "Taliban Denies Fighters Killed in Kabul Airport Attack". Radio Free Europe/Radio Liberty. 27 August 2021. خوندي شوی له اصلي څخه په 28 August 2021. بياځلي په 27 August 2021.
  35. ↑ Varshalomidze, Tamila; Siddiqui, Usaid; Regencia, Ted (26 August 2021). "Civilians, US troops among dozens killed in Kabul blasts". Al Jazeera. خوندي شوی له اصلي څخه په 26 August 2021. بياځلي په 26 August 2021.
  36. ↑ Trofimov, Yaroslav; Youssef, Nancy A.; Rasmussen, Sune Engel (26 August 2021). "Kabul Airport Attack Kills 13 U.S. Service Members, at Least 90 Afghans". The Wall Street Journal. خوندي شوی له اصلي څخه په 26 August 2021. بياځلي په 27 August 2021.
  37. ↑ "Defense Department releases names of US service members killed in Afghanistan". CNN. 28 August 2021. بياځلي په 28 August 2021.
  38. ↑ Kottasová, Ivana; Starr, Barbara; Atwood, Kylie; Paton Walsh, Nick; Kiley, Sam; Cohen, Zachary; Woodyatt, Amy; Hansler, Jennifer; Gan, Nectar (27 August 2021). "Evacuation from Afghanistan in final phase after deadly Kabul airport attack". CNN. خوندي شوی له اصلي څخه په 27 August 2021. بياځلي په 27 August 2021.
  39. ↑ "U.S. on alert for further Kabul attacks in race to complete evacuations". Reuters. 27 August 2021. خوندي شوی له اصلي څخه په 27 August 2021. بياځلي په 27 August 2021.
  40. ↑ Hashemi, Sayed Ziarmal; Faiez, Rahim; Baldor, Lolita C.; Krauss, Joseph (26 August 2021). "Kabul airport attack kills 60 Afghans, 13 US troops". Associated Press. بياځلي په 26 August 2021.{{cite news}}: CS1 maint: url-status (link)
  41. ↑ Hashemi, Sayed Ziarmal; Akhgar, Tameem; Gannon, Kathy; Anna, Cara (27 August 2021). "Evacuations resume with new urgency after Kabul airport bombing as death toll now over 160". KABC-TV. Associated Press. خوندي شوی له اصلي څخه په 28 August 2021. بياځلي په 27 August 2021.
  42. ↑ "Abdullah Abdullah condemns airport attack". Al Jazeera. 26 August 2021. خوندي شوی له اصلي څخه په 26 August 2021. بياځلي په 26 August 2021.
  43. ↑ Farmer, Ben (27 August 2021). "Ambitious new Isis-K leader becomes Taliban's most wanted enemy after Kabul attacks". The Daily Telegraph. خوندي شوی له اصلي څخه په 28 August 2021. بياځلي په 27 August 2021.
  44. ↑ "Taliban condemns suicide bombing at Kabul airport". Fox News. 26 August 2021. خوندي شوی له اصلي څخه په 26 August 2021. بياځلي په 26 August 2021.
  45. ↑ کينډۍ:Cite tweet
  46. ↑ کينډۍ:Cite tweet
  47. ↑ Eichner, Itamar (27 August 2021). "Biden and Bennett speak on the phone following meeting delay". Ynet. خوندي شوی له اصلي څخه په 28 August 2021. بياځلي په 27 August 2021.
  48. ↑ Brest, Mike (24 September 2021). "US releases identity of target of first Afghanistan drone strike during withdrawal". Washington Examiner. بياځلي په 30 September 2021.
  49. ↑ Starr, Barbara; LeBlanc, Paul (28 August 2021). "Biden says another terrorist attack on Kabul airport is 'highly likely' while vowing that US retaliatory strike was not 'the last'". CNN. بياځلي په 28 August 2021.
"https://ps.wikipedia.org/w/index.php?title=په_۲۰۲۱_ز_کال_کې_په_کابل_هوايي_ډګر_برید&oldid=276864" نه اخيستل شوی