په متحده ایالاتو کې تجدید وړ انرژي
.jpg)
| عمومي مالومات | |
|---|---|
| ځانګړې وېشنيزه | |
| هېواد |
د متحده ایالاتو د انرژۍ د ادارې د معلوماتو له مخې، په ۲۰۲۲ زکال کې د متحده ایالاتو د ټولې اړتیا وړ برېښنا د تولید ۸.۴٪ برخه د تجدید وړ انرژۍ له منابعو تولید کېده چې د ټولیز تولید له مخې یې موثریت ۲۱٪ وو. [۱]
ورته مهال له ۲۰۱۹ زکال راوروسته بادي برېښنا د دغه هېواد د تجدید وړ انرژۍ لویه برخه جوړوي. په ۲۰۲۲ زکال کې د باد پر مټ په ساعت کې ۴۳۴ تېراواټه برېښنا تولید کېده چې د ټول هېواد د برېښنا ۱۰٪ او د ټولې تولید کېدونکې تجدید وړ انرژۍ ۴۸٪ برخه یې جوړوله. د ۲۰۲۳ زکال تر جنوري میاشتې پورې د دغه هېواد د بادي برېښنا د تولید ظرفیت ۱۴۱.۳ ګېګاواټه ته ورسېد. د ۲۰۲۳ زکال په لومړیو دریو میاشتو کې تکزاس د بادي برېښنا د تولید په برخه کې له مخکښو ایالتونو څخه و چې له هغه وروسته آیووا او اوکلاهاما ځای درلود. [۲][۳]
د اوبو پر مټ تولید کېدونکې برېښنا بیا د دغه هېواد د تجدید وړ انرژۍ د تولید له مخې دویم ځایګی لري چې له ۲۰۲۲ زکال راهیسې د ټول هېواد د تولید کېدونې برېښنا ۶.۲ سلنه او د تولید کېدونکې تجدید وړ برېښنا ۲۹٪ برخه جوړوي. په دې سره متحده ایالات له چین، کاناډا او برازیل څخه وروسته د اوبو پر مټ د برېښنا تولید کوونکی څلورم مخکښ هېواد دی.
لمریزه برېښنا هم د دغه هېواد د برېښنا په تولید کې پام وړ ونډه لري؛ د دغه هېواد د لمریزې برېښنا تاسیسات د ۱۱۱.۶ ګېګاواټه برېښنا د تولید ظرفیت لري چې په ۲۰۲۲ زکال کې یې د دغه هېواد د ټولې تولید کېدونکې برېښنا ۳.۴٪ برخه تولید کوله په داسې حال کې چې په ۲۰۲۱ زکال کې دغه کچه ۲.۸٪ وه. له ۲۰۲۰ زکال راهیسې د دغه هېواد څه باندې ۲۶۰ زره وګړي د برېښنايي انرژۍ په صنعت کې بوخت دي او ۴۳ ایالتونه هم له هغو مېترونو ګټنه کوي چې اضافه تولید کېدونکې برېښنا په عمومي برېښنا کې ورګډوي. د متحده ایالاتو د لمریزې برېښنا په لویو تولید کوونکو سټېشنونو کې د مونټ سېګنال سولر (۶۰۰ مېګاواټه) او سولر سټار (۵۷۹ مېګاواټه) په نومونو سټېشنونه شامل دي. له هغه مهال راهیسې چې متحده ایالات د سولر ون پروژې پر مټ د لمریزې حرارتي انرژۍ په برخه کې مخکښ شول؛ همدغه ډول څو نور سټېشنونه یې هم جوړ کړل. د دغه هېواد د لمریزې حرارتي انرژۍ تر ټولو لوی سټېشن د ایوانیا لمریزې برېښنا تاسیسات (۳۹۲ مېګاواټه) دي چې د لاس وېګاس سوېل لویدیځ ته موقعیت لري ورته مهال د کالیفورنیا په موجاوي دښته کې نور ورته تاسیسات لري چې د ۳۵۴ مېګاواټه انرژۍ د تولید وړتیا لري.[۴][۵][۶]
د تجدید وړ انرژۍ په نورو سرچینو کې یې د ځمکې د تودوخې څخه ګټنه شاملېږي چې په شمالي کالیفورنیا کې یې د ګیزرز (The Geysers) په نامه تاسیسات د ځمکې د تودوخې څخه د ګټنې په برخه کې د نړۍ تر ټولو لوی تاسیسات دي.
د متحده ایالاتو د پخواني ولسمشر بارک اوباما په خبره د تجدید وړ انرژۍ پراختیا او د هغو موثریت په متحده ایالاتو کې «د انرژۍ د اکتشاف د نوي عصر» څرګندويي کوي. ولسمشر اوباما د ۲۰۰۹ زکال د فبروري په ۲۴مه د کانګرس ګډې غونډې ته د وینا پر مهال په راتلونکو دریو کلونو کې د تجدید وړ انرژۍ له منابعو څخه د برېښنا په تولید کې د درې چنده زیاتوالي غوښتنه وکړه. د تجدید وړ انرژۍ تولید د ۲۰۱۱ زکال په لومړیو دریو میاشتو کې د عطف یوې مهمې نقطې ته ورسېد، هغه مهال چې له دغو منابعو څخه د متحده ایالاتو د ملي انرژۍ د ټولیز تولید ۱۱.۷٪ برخه (۶۶۰ تېراواټه پر ساعت) تولید شوه او له ۱۹۹۷ زکال راوروسته یې د لومړي ځل لپاره وکولای شول د اټومي انرژۍ د تولید له کچې (۶۲۰ تېراواټه پر ساعت) مخکې شي. په ۲۰۱۲ زکال کې ولسمشر بارک اوباما د خپلې وینا پر مهال د تجدید وړ انرژۍ په برخه کې خپله ژمنه تکرار کړه او د کورنیو چارو وزارت هغې ژمنې ته یې نغوته وکړه چې په ۲۰۱۲ زکال کې به د هېواد په عامه ځمکو کې د ۱۰ ګېګاواټه تجدید وړ انرژۍ د تولید اجازه ورکړي. د بایډن د ولسمشرۍ پر مهال کانګرس دغه موخه تر ۲۰۲۵ زکال پورې ۲۵ مېګاواټه وټاکله. د ۲۰۲۳ زکال له مۍ میاشتې وروسته د ځمکو د مدیریت ادارې داسې پروژې تصویب کړې چې د دغې موخې شاوخوا ۳۷٪ برخه پوره کولای شي. [۷][۸][۹][۱۰][۱۱][۱۲]
د تجدید وړ برېښنا منابع
[سمول]د اوبو برېښنا
[سمول]د اوبو پر مټ تولید کېدونکې برېښنا تر ۲۰۱۹ زکال پورې د متحده ایالاتو د تجدید وړ برېښنا تر ټولو لویه برخه جوړوله، تر هغه چې بادي برېښنا ترې مخکې شوه. د اوبو پر مټ ۲۵۴.۹ تېراواټه برېښنا تولید کېده چې په ۲۰۲۲ زکال کې یې د ټول هېواد د تولیدي برېښنا ۵.۹۴٪ برخه او همدارنګه د تجدید وړ تولید کېدونې برېښنا ۲۶.۴۸ برخه جوړوله. متحده ایالات له چین، کاناډا او برازیل وروسته د اوبو پر مټ د برېښنا تولید کوونکی څلورم لوی هېواد دی. د دغه هېواد لوی کولي بند (Grand Coulee Dam) په نړۍ کې د اوبو د برېښنا اووم لوی تولید کوونکی بند دی چې پاتې نور شپږ بندونه یې بیا د نړۍ د لویو ۵۰ بندونو په کتار کې ځای لري. په دغه هېواد کې د اوبو پر مټ د تولید کېدونکې برېښنا کچه په کلکه سره د اورښت او د سطحي اوبو په کچه کې د توپیر تر اغېز لاندې ده. ورته مهال د اوبو پر مټ د برېښنا تولید کوونکې پروژې لکه د هوور بند، لوی کولي بند او د ټنسي درې اداره اوس مهال له تر ټولو لویو ودانیزو پروژو څخه بلل کېږي. [۱۳]
بادي برېښنا
[سمول]په متحده ایالاتو کې د بادي برېښنا د تولید ظرفیت له ۲۰۰۸ زکال څخه تر ۲۰۱۶ زکال پورې درې چنده زیاتوالی لرلی، په داسې توګه چې هغه مهال یې د دغه هېواد د برېښنا د تولید د ټولیزې کچې ۵٪ برخه جوړوله. د تجدید وړ برېښنا د سرچینې په توګه بادي برېښنا په ۲۰۱۹ زکال کې د اوبو پر مټ د تولید کېدونکې برېښنا څخه زیاته شوه او تر ۲۰۲۲ زکال پورې یې د دغه هېواد د ټولیز تولید ۱۰.۲۵٪ برخه تولید کوله. له ۲۰۱۵ زکال راهیسې په متحده ایالاتو کې د انرژۍ د تولید د نوو تاسیساتو دوه پر درې برخه تاسیسات باد او لمر ته اړوند وو. له همدې امله تر ۲۰۲۳ زکال پورې د متحده ایالاتو د بادي برېښنا د تاسیساتو ظرفیت له ۱۴۱ ګېګاواټه څخه واوښت. تر اوسه پورې یوازې چین له دغې کچې زیات د باد پر مټ د برېښنا تولید لري. [۱۴][۱۵]
د التا په نامه د دغه هېواد د بادي برېښنا د تولید مرکز په متحده ایالاتو کې تر ټولو لوی او په نړۍ کې د جانسو بادي برېښنا د تولید له مرکز څخه وروسته دویم لوی مرکز دی چې د ۱۵۵۰ مېګاواټه برېښنا د تولید ظرفیت لري. [۱۶]
په ۲۰۱۵ زکال کې د بادي برېښنا د تولید عملیاتو ۹۰ زره تنه په کار بوخت کړي و. دغه صنعت په لسګونو زرو کسانو ته دنده برابره کړې او په میلیاردونو ډالر اقتصادي ګټه رامنځته کوي. د بادي برېښنا پروژو د سیمه ئیزو مالیاتي بنسټونو پایې پیاوړې کړې دي او همدارنګه یې د کلیوالي ټولنو اقتصاد هغو کروندګرو ته د ثابتو عوایدو د ورتګ پر مټ پر پښو درولی چې په خپلو کروندو کې یې د بادي برېښنا د تولیدي توربینونو نصب کېدو ته اجازه ورکړې ده. په دغه هېواد کې د جنرال الکټریک کمپنۍ د بادي برېښنا د توربینونو لوی تولید کوونکی شرکت دی. [۱۷][۱۸]
بادي برېښنا په ۲۰۱۳ زکال کې د متحده ایالاتو په فدرال بودیجه کې د ۵.۹۳۶ بیلیون ډالرو د تولید لامل ګرځېده چې د برېښنا له تولید څخه د برابرېدونکې بودیجې ۳۷٪ برخه یې جوړوله. [۱۹]
متحده ایالات په وچه کې د ۱۰ تېراواټه او په سمندري برخو کې د ۴ تېراواټو په ظرفیت د بادي برېښنا د توربینونو د نصب وړتیا لري. تر ۲۰۳۰ زکال پورې د ۲۰٪ بادي برېښنا تر عنوان لاندې د متحده ایالاتو د انرژۍ د ادارې راپور ښيي چې بادي برېښنا کولای شي د دغه هېواد د برېښنا ۲۰٪ برخه پوره کړي، په دغو کې د ۴٪ سواحلي بادي برېښنا ظرفیت هم شامل کړای شوی دی. ورته مهال دا اضافي شبکې ته اړتیا لري څو برېښنا له باد لرونکو ایالتونو څخه د هېواد نورو برخو ته ورسوي. د ۲۰۱۱ زکال په اګست میاشت کې د ۲۴ ایالتونو د والیانو څخه جوړ ائتلاف د اوباما له دولت څخه وغوښتل څو د بادي انرژۍ د پراختیا لپاره غوره کاري زمینه برابره کړي. [۲۰][۲۱][۲۲][۲۳][۲۴]
لمریزه برېښنا
[سمول]متحده ایالات په نړۍ کې د لمریزې برېښنا له لویو تولید کوونکو هېوادونو څخه دی. دغه هېواد د لمریزې برېښنا د لویو مراکزو د لرلو په برخه که مخکښ هېواد دی او همدارنګه د لمریزې او فوټوولټیک انرژۍ په برخه کې ډېرۍ پراختیاوې د دغه هېواد په ملي کچه څېړنو څخه سرچینه اخلي. [۲۵]
د ځمکې له تودوخې اخیستل کېدونې انرژي
[سمول]متحده ایالات د ځمکې له تودوخې څخه د تولید کېدونکې انرژۍ په برخه کې د نړۍ تر ټولو مخکښ هېواد دی. په ۲۰۲۲ زکال کې د انرژۍ د ادارې د معلوماتو له مخې له دغې سرچینې څخه په ساعت کې ۱۶ تېراواټه برېښنا تولید کېږي چې د دغه هېواد د ټولې تولید کېدونکې برېښنا ۰.۳۷٪ برخه جوړوي. د ۲۰۰۷ زکال تر مۍ میاشتې پورې د دغه هېواد په پنځو ایالتونو؛ الاسکا، کالیفورنیا، هاوايي، نوېډا او اوتا کې د دغه ډول برېښنا د تولید مرکزونو شتون درلود، خو اوس مهال په ډېری نورو ایالتونو کې هم شتون لري. [۲۶]
سرچينې
[سمول]- ↑ "Electricity Net Generation: Total (All Sectiors)" (PDF). EIA. 29 Jan 2024. بياځلي په 3 Feb 2024.
- ↑ "ACP Clean Power Quarterly Report Q3 2021" (PDF). cleanpower.org. American Clean Power Association. خوندي شوی له the original (PDF) on November 29, 2021. بياځلي په November 29, 2021.
- ↑ "U.S. Installed and Potential Wind Power Capacity and Generation". WINDExchange. United States Department of Energy. بياځلي په November 29, 2021.
- ↑ Editorial Board (26 April 2014). "The Koch Attack on Solar Energy". New York Times.
- ↑ "National Solar Jobs Census". The Solar Foundation.
- ↑ "SEGS I, II, III, IV, V, VI, VII, VIII & IX". fplenergy.com. خوندي شوی له the original on 2014-08-05.
- ↑ "President Obama Touts Clean Energy on Earth Day". خوندي شوی له the original on 2009-04-29.
- ↑ Ron Pernick and Clint Wilder (2012). "Clean Tech Nation" (PDF). p. 5. خوندي شوی له the original (PDF) on 2023-04-15. بياځلي په 2024-06-02.
- ↑ "Total Energy". US Energy Information Administration.
- ↑ کينډۍ:Cite wikisource
- ↑ کينډۍ:USC
- ↑ Grandoni, Dino (May 9, 2023). "Biden's energy goals run up against painful WWII legacy". The Washington Post. pp. A3.
- ↑ "Wind has overtaken the top position for renewable generation in the U.S., EIA says". 27 February 2020. خوندي شوی له the original on May 26, 2022. بياځلي په April 7, 2021.
- ↑ "Electric Power Monthly - U.S. Energyy Information Administration".
- ↑ DOE charts show why climate doom and gloom isn't needed 3.10.2016 Guardian
- ↑ "Alta Wind Energy Center (AWEC), California)". October 2020.
- ↑ "Strengthening America's Energy Security with Offshore Wind" (PDF). U.S. Department of Energy. April 2012.
- ↑ American Wind Energy Association (2009). Annual Wind Industry Report, Year Ending 2008 Archived 2009-04-20 at the Wayback Machine. pp. 9–10.
- ↑ "Direct Federal Financial Interventions and Subsidies in Energy in Fiscal Year 2013". Energy Information Administration. بياځلي په 10 November 2015.
- ↑ "Industry Statistics". خوندي شوی له the original on July 27, 2012.
- ↑ "Farm Progress - Effective solutions & advertising for US agriculture marketers". Farm Progress Agricultural Marketing. خوندي شوی له the original on August 2, 2012. بياځلي په July 30, 2012.
- ↑ "Strengthening America's Energy Security with Offshore Wind" (PDF). U.S. Department of Energy. April 2012.
- ↑ "24 governors ask President to focus on wind energy deployment". Renewable Energy World. 25 August 2011.
- ↑ Alvarez, Alayna; Fitzpatrick, Alex; Beheraj, Kavya (Apr 8, 2024). "Colorado's solar and wind production blows away 2014 records". www.axios.com. بياځلي په 10 April 2024.
- ↑ "Electric Power Annual". US Energy Information Administration. بياځلي په 2022-11-04.
{{cite web}}: CS1 errors: archive-url (link) CS1 errors: unsupported parameter (link) - ↑ Geothermal Energy Association, 6 Million American Households to be Powered by Geothermal Energy, New Survey Reports Archived 2007-05-27 at the Wayback Machine.