Jump to content

په عربي متحده اماراتو کې بشري حقونه

د ويکيپېډيا، وړیا پوهنغونډ له خوا

د بشري حقونو د سازمانونو په خبره د عربي متحده اماراتو دولت د وګړو ګڼ شمېر اساسي حقونه تر پښو لاندې کوي. عربتي متحده امارات په دیموکراتیکه بڼه انتخابي بنسټونه نه لري او وګړي یې د دولت د بدلون یا سیاسي ګوندونو د جوړولو حق نه لري. د رژیم منتقد فعالین او زده کړیالان نیول کېږي، بند ته لېږل کېږي او دولتي امنیتي دستګاوې بیا د هغوی د کورنۍ غړي هم ځوروي. په متحده اماراتو کې د جبري نادرکه کېدو یا تښتولو راپورونه شتون لري؛ ګڼ شمېر بهرني وګړي او د اماراتو وګړي د دولت له خوا تښتول کېږي او په ناقانونه توګه په ناڅرګندو ځایونو کې بندي او شکنجه کېږي. په ګڼ شمېر مواردو کې د متحده عربي اماراتو دولت په نظارت خونو کې بندي کسان (په ځانګړې توګه کډوال او سیاسي مخالفین) شکنجه کوي او خپل وګړي یې د چټکې محکمې له حق او د رسمي څېړنو پر مهال وکیل ته له لاسرسي محروم کړي. [۱][۲][۳][۴][۵][۶][۷][۸]

د بشري حقونو د څار ډلې د راپور له مخې، په متحده عربي اماراتو کې د سلګونو فعالینو او پوهانو په ګډون هغه کسان چې په چارواکو یې نیوکې کړې ټول یې نیول شوي او همدارنګه د ښځو، کډوالو او همجنس بازانو پر وړاندې یې قوانین له تبعیض ډک دي. [۹]

په عربي متحده اماراتو کې د شته شرعي محاکمو له امله درې وهل او سنګسار د قضايي مجازاتو یو قانوني ډول دی. دولت د بیان او مطبوعاتو آزادي محدوده کوي او سیمه ئیزې رسنۍ په دولت، دولتي چارواکو یا سلطنتي کورنیو باندې د نیوکو کولو څخه د مخنیوي په موخه تر سانسور لاندې دي. عربي متحده امارات په معمول ډول په نړیواله کچه د بشري حقونو او د مطبوعاتو د آزادۍ په برخه کې د تر ټولو شاته پاتې هېوادونو څخه ګڼل کېږي.

عربي متحده امارات له دې سره چې د ملګرو ملتونو د شورا غړیتوب لري، خو د بشري حقونو او د کار د حقونو ډیری نړیوالې هوکړې له دې ډلې یې د مدني او سیاسي حقونو نړیوال میثاق، د اقتصادي، ټولنیزو او کلتوري حقونو نړیوال میثاق او همدارنګه یې د کډوالو کارګرانو او د هغوی د کورنۍ د غړو د حقونو د خوندیتوب میثاق نه دی لاسلیک کړی. د ۲۰۲۰ زکال په نومبر میاشت کې عربي متحده اماراتو د شرابو د څښلو او له کومې قانوني اړیکې پرته د ګډ ژوند د محدودیتونو د راکمولو او د ناموسي وژنو د جزا د زیاتوالي په موخه اړوند خپلو قوانین تعدیل کړل. [۱۰]

د بیان آزادي

[سمول]

په متحده عربي اماراتو کې د بیان د آزادۍ اړوند هېڅ رسمي ژمنې شتون نه لري. په دولت، دولتي چارواکو، پولیسو او شاهۍ کورنیو باندې نیوکې منع دي. په څرګند ډول د هر ډول اتحادیې جوړول او د هرې موضوع پر وړاندې اعتراض له شدید غبرګون سره مخ کېږي. د بیان د ازادۍ محدودیتونه په منتقدینو او همدرانګه د ټولنیزو رسنیو په عادي کاروونکو د پلي کېدو وړ دي.[۱۱][۱۲]

د ۲۰۰۷ زکال د نومبر په ۱۶مه ټیکام (د عربي متحده اماراتو د مخابراتو ادارې) د سپوږمکۍ پر مټ د دوه لویو هغو پاکستانۍ خبري شبکو نشرات بند کړل، چې د دوبی له رسنیز ښار څخه له سپوږمکۍ سره وصل وې او په پیل کې د ټیکام له خوا «د خلاقیت د آزادۍ» تر عنوان لاندې رسنیز ډګر ته وړاندې شوې وې. د دوبۍ دولت ټیکام ته امر کړی و چې د پاکستان د پوځي رژیم د مشر جنرال پرویز مشرف د غوښتنې له امله د جیو نیوز او اې آر وای ون ورلډ (ARY One World) نشرات بند کړي. دغه چاره د اماراتو د ډو (Du) مخابراتي شرکت له خوا د هغو د SDI  او ASI څپو د بندولو پر مټ ترسره شوه. له دې وروسته په دوبۍ کې پالیسي جوړونکو دغو چینلونو ته د تفریحي خپرونو د نشرولو اجازه ورکړه خو خبرونه، د ورځې موضوعات او سیاسي تبصرې یې په کې منع کړې. په همدې ډول وروسته له هغه چې دغه محدودیتونه له منځه یووړل شول د دغو شبکو په پوښښ کې پام وړ توپیرونه را څرګند شول. دغې پېښې د جیو نیوز او اې آر وای په ګډون د دوبي له رسنیز مرکز څخه په خپرېدونکو رسنیو جدي اغېز له ځانه سره درلود.[۱۳][۱۴][۱۵]

په ۲۰۱۳ زکال کې عربي متحده اماراتو د یو امریکايي په ګډون پنځه تنه د یوې طنزي ویډیو د جوړولو له امله ونیول. یاد امریکايي چې د کار په موخه دوبۍ ته کډه شوی و په یو کال بند محکوم شو.[۱۶][۱۷]

د نیویارک د پوهنتون (چې په عربي متحده اماراتو کې هم یوه څانګه لري) ښوونکی اندرو راس عربي متحده اماراتو ته له تلو، وروسته له هغه منع شو چې نوموړي د هغو کارګرانو څخه د ناسمې پالنې اړوند تبصره کړې وه چې دغلته یې دغه څانګه جوړه کړې وه. د هوايي شرکت مامورینو په هوايي ډګر کې هغه ته وویل چې د متحده اماراتو چارواکو دوی ته ویلي چې هغوی به اجازه ورنکړي نوموړی متحده عربي اماراتو ته دننه شي. [۱۸]

د بخښنې نړیوال سازمان په عربي متحده اماراتو کې د بیان د آزادۍ له حق څخه د سرغړونو اړوند راپور خپور کړی. په دغه راپور کې راغلي چې مخکښ اقتصاد پوه، شنونکی او د بشري حقونو مدافع، ډاکټر ناصر بن غیث د ابوظبۍ د فدرال ایستناف محکمې له خوا په ۱۰ کاله بند محکوم کړای شوی. نوموړی په ټویټر کې د عربي متحده اماراتو د رهبرانو او د هغوی د سیاستونو اړوند د ناسمو اطلاعاتو خپرولو په تور مجرم وګڼل شو؛ د هغه د محاکمې اړوند څرګندونې کېږي چې نوموړی د عربي متحده اماراتو له څلورو وګړو سره یوځای په انټرنټ کې د خپلو نظرونو د نشرولو له امله تر ناعادلانه محاکمې لاندې نیول شوی و. هغه وتښتول شو، د میاشتو لپاره په پټه سره په بند کې ساتل کېده، د بند پر مهال له وهلو ډبولو سره مخ و او په قصدي ډول خوب ته نه پرېښودل کېده. [۱۹]

د بشري حقونو څار ډلې په عربي متحده اماراتو کې له بشري حقونو څخه د سرغړونو اړوند راپور خپور کړی. په دغه راپور کې راغلي چې د بشري حقونو مخکښ مدافع احمد منصور په ۳:۱۵ بجو د لسو نارینه او دوه ښځینه امنیتي مامورینو له خوا ونیول شو. دوی د هغه د کورنۍ په اپارتمان برید وکړ، د هغه د کور هره کوټه آن د ماشومانو د خوب کوټه یې ولټوله او هغوی ته اړوند ټول برېښنايي وسایل یې ضبط کړل. نوموړی د خپلو سوله ییزو فکري باورنو د خپرېدو له امله بند ته واچول شو.[۲۰]

د مذهب آزادي

[سمول]

په وروستیو کې نورو هېوادونو ته اړوند ګڼ شمېر شیعه مسلمانان له دغه هېواده وشړل شول، لبنانۍ شیعه کورنۍ له حزب الله ډلې سره د همدردۍ د لرلو په تور له هېواده وویستل شوې. د یو شمېر بنسټونو د شمېرو له مخې په وروستیو کې له دغه هېواد څخه له ۴۰۰۰ څخه زیات شیعه کډوال  ویستل شوي. [۲۱][۲۲][۲۳][۲۴][۲۵][۲۶][۲۷][۲۸][۲۹][۳۰][۳۱]

په چین کې د مذهبي ازادیو نشتون لامل وګرځېد څو اویغور مسلمانان له دغه هېواده وتښتي او د نړۍ ګڼ شمېر برخو ته پناه یوسي. ورته مهال د پېکنګ له دیپلماتیکو اړیکو څخه په ناوړه ګټنې آن له هېواده بهر اویغور مسلمانان نیول کېږي. د راپورونو له مخې عربي متحده امارات یو له هغو دریو عرب هېوادونو څخه دی چې په دوبۍ کې یې اویغور پناه غوښتونکي مسلمانان ونیول او چین ته یې وسپارل. دغه چاره له ډېر مهاله په چین کې د بشري حقونو د ناوړه وضعیت او همدارنګه د دواړو هېوادونو ترمنځ د استرداد د کومې هوکړې د نشتون له امله له پراخو نیوکو سره مخ شوه.[۳۲]

د ښځو حقونه

[سمول]

عربي متحده اماراتو په ۲۰۰۴ زکال کې د ښځو پر وړاندې د تبعیض د ټولو ډولونو د له منځه وړو میثاق تصویب کړ. دغه میثاق د ښځو پر وړاندې تاوتریخوالی هم تبعیض ګڼي او له ګډون کوونکو ټولو دولتونو غواړي څو د تاوتریخوالي له ټولو ډولونو سره که هغه په کور دننه یا عامه ډګر کې وي د مبارزې په موخه یو لړ اقدامات ترسره کړي. عربي متحده امارات په منظم ډول د ښځو د مسایلو اړوند په نړیوالو کنفرانسونو او د فارس خلیج د همکاریو د شورا په غونډو کې ګډون کوي او د هغو کوربه توب هم کوي. عربي متحده اماراتو همدارنګه د ښځو د حقونو څخه د ملاتړ څو نورې نړیوالې هوکړې هم لاسیک کړي چې له دغو څخه کولای شو د ماشومانو د حقونو میثاق، د کاري ساعتونو (صنعت) میثاق، د برابرو حقونو کنوانسیون یا میثاق، د شپې پر مهال د ښځو استخدام ته اړوند میثاقونه او د تر ټولو ټیټې کچې معاش کنوانسیون ته اشاره وکړو. [۳۳]

سرچينې

[سمول]
  1. ↑ "Dubai princess' 'hostage' video shines light on rights record". NBC News (په انګليسي). نه اخيستل شوی 2021-07-23.
  2. ↑ "Forced Disappearances and Torture in the United Arab Emirates" (PDF). Arab Organisation for Human Rights. November 2014. Archived from the original (PDF) on 15 January 2016. نه اخيستل شوی 27 October 2015. {{cite web}}: External link in |خونديځ تړی= (help); Unknown parameter |تاريخ الأرشيف= ignored (help); Unknown parameter |خونديځ-تړی= ignored (help); Unknown parameter |مسار الأرشيف= ignored (help)
  3. ↑ "UAE: Enforced Disappearance and Torture". Hrw.org. 14 September 2012. نه اخيستل شوی 27 October 2015.
  4. ↑ "Survivors call for action to stop UAE torture". aljazeera.com. نه اخيستل شوی 2019-06-17.
  5. ↑ Yuhas, Alan (2016-02-26). "UAE beat foreign prisoners and gave them electric shocks, evidence shows". The Guardian (په انګليسي). ISSN 0261-3077. نه اخيستل شوی 2019-06-17.
  6. ↑ Yuhas, Alan (2015-08-25). "Canadian family pleads for father detained in the UAE: 'torture until I wished for death'". The Guardian (په انګليسي). ISSN 0261-3077. نه اخيستل شوی 2019-06-17.
  7. ↑ Kassam, Ashifa (2016-05-30). "Americans and Canadian held in UAE acquitted – but 'nightmare' continues". The Guardian (په انګليسي). ISSN 0261-3077. نه اخيستل شوی 2019-06-17.
  8. ↑ "UAE: Investigate Allegations of Torture of Foreign Nationals". Human Rights Watch (په انګليسي). 2015-10-13. نه اخيستل شوی 2019-06-17.
  9. ↑ "Dubai princess' 'hostage' video shines light on rights record". NBC News (په انګليسي). نه اخيستل شوی 2021-07-23.
  10. ↑ "UAE announces relaxing of Islamic laws for personal freedoms". Associated Press. 7 November 2020.
  11. ↑ Stack, Liam (2017-04-30). "Dubai Introduces Its Own Font, Lauding Free Expression It Does Not Permit". The New York Times (په انګليسي). ISSN 0362-4331. نه اخيستل شوی 2021-05-25.
  12. ↑ Freedom of speech in the UAE, wsws.org; accessed 27 October 2015.
  13. ↑ Pakistani TV channels may move out of Dubai Media City Archived 22 April 2008 at the Wayback Machine., GulfNews.com; accessed 27 October 2015.
  14. ↑ Ahmed, Ashfaq (25 November 2007). "Geo TV also plans to move out of Dubai". Gulf News. Archived from the original on 2008-04-01. نه اخيستل شوی 2020-01-19.
  15. ↑ Geo TV hints at options outside of Dubai, NDTV.com; accessed 27 October 2015.
  16. ↑ Hubbard, Ben (2013-12-05). "Arrests Over Satirical Video Lay Bare Emirati Sensitivities". The New York Times (په انګليسي). ISSN 0362-4331. نه اخيستل شوی 2021-05-25.
  17. ↑ Steve Forrest (2014-01-09). "Shezanne Cassim, freed from UAE prison, returns to U.S." CNN (په انګليسي). نه اخيستل شوی 2021-05-25.
  18. ↑ "New York University professor banned from flying to the UAE". Arabian Business. 18 March 2015. Archived from the original on 2015-12-31. نه اخيستل شوی 2020-01-19.
  19. ↑ "UAE: Prominent academic jailed for 10 years over tweets in outrageous blow to freedom of expression". amnesty.org (په انګليسي). 29 March 2017. نه اخيستل شوی 2017-04-04.
  20. ↑ "UAE: Surprise overnight raid leads to arrest of prominent human rights defender". amnesty.org (په انګليسي). 20 March 2017. نه اخيستل شوی 2017-04-06.
  21. ↑ "Shiites deported from Gulf lament injustice". Daily Star. 4 July 2013. Archived from the original on 21 August 2018. نه اخيستل شوی 27 April 2023.
  22. ↑ "Concern over deportations from Gulf Arab states". rte.ie. 5 July 2013.
  23. ↑ Wigglesworth, Robin (July 19, 2010). "UAE urged to allow appeal on deportations". Financial Times. Archived from the original on 2017-05-25. نه اخيستل شوی 2021-06-16.
  24. ↑ "UAE deportations raise questions in Lebanon". Global Post. July 2013.
  25. ↑ "Lebanese Shiites Ousted from Gulf over Hizbullah Ties". naharnet.com. July 2013.
  26. ↑ "Lebanese Living in UAE Fear Deportation". Al Monitor. 2013.
  27. ↑ "UAE Deports 125 Lebanese citizens". Al Monitor. 2013.
  28. ↑ "UAE/Lebanon: Allow Lebanese/Palestinian Deportees to Appeal". Human Rights Watch. 2010.
  29. ↑ "Lebanese Families in UAE Face Deportations on Short Notice". Al Monitor. 2012.
  30. ↑ Ana Maria Luca (5 June 2013). "Hezbollah and the Gulf". Archived from the original on 10 October 2017. نه اخيستل شوی 27 April 2023. {{cite web}}: External link in |خونديځ تړی= (help); Unknown parameter |تاريخ الأرشيف= ignored (help); Unknown parameter |خونديځ-تړی= ignored (help); Unknown parameter |مسار الأرشيف= ignored (help)
  31. ↑ "UAE said to deport dozens of Lebanese, mostly Shiite Muslims". Yahoo! News. Beirut. 13 March 2015. نه اخيستل شوی 16 September 2015.
  32. ↑ "Uyghurs are being deported from Muslim countries, raising concerns about China's growing reach". CNN. نه اخيستل شوی 8 June 2021.
  33. ↑ "The Millennium Development Goals 2015".
"https://ps.wikipedia.org/w/index.php?title=په_عربي_متحده_اماراتو_کې_بشري_حقونه&oldid=336377" نه اخيستل شوی