وېليم حې مېکناټن

د مکناټن د ژوند د وروستيو وختونو يو انځور چې د جېمز آټکېنسون لخوا کښل شوی

وېليم حې مېکناټن (۲۴ اگسټ، ۱۷۹۳ ز. – ۲۳ ډيسمبر، ۱۸۴۱ ز.) (په انگرېزي:William Hay Macnaghten) په هند کې يو برتانيوی مامور و چې د نوموړي وژلې په هند کې يې د برتانيې د حکومت په سياست کې د بدلون سبب شو.

وېليم حې مېکناټن

اړوند

زېږونځای	کلکته
ښاروندتوب	د برېتانيا او ايرلينډ متحده پاچايي
زېږون نېټه	۲۴ اگست ۱۷۹۳
مړينې نېټه	۲۳ ډېسمبر ۱۸۴۱
مړينې ځای	کابل
ښخولو ځای	Lower Circular Road cemetery (en)
زدکړنځی	Charterhouse School (en)
دنده	ډیپلوماټ — سياستوال

ټوليز مالومات

عمومي مالومات	انسان

مخينه

مېکناټن د سر فرانسيس مېکناټن بارټ، چې د مدراس او کلکتې د سترې محکمې دويم قاضي ؤ، ځوی ؤ. نوموړي په چارټرهاوس کې زده کړه ترلاسه کړې وه. په ۱۸۰۹ ز. کال کې د مدراس کاډېټ ښوونځي کې شامل شو، خو په ۱۸۱۶ ز. کال کې يې د بنگال سېول خدماتو سره يوځای شو. هغه د ژبو زده کولو ډېر استعداد درلود او په همدې خاطر يې د هندوانو او مسلمانانو د قانون له مخې ډېرې معاهدې چاپ او خپرې کړې. د نوموړي سياسي فعاليت په ۱۸۳۰ ز. کال کې د لارډ وېليم بېنټينک د سکرترۍ له دندې پيل شو او په ۱۸۳۷ ز. کال کې هغه د والي-جنرال لارډ آکلنډ يو منلی او د ډاډ وړ سلاکار شو. کله چې جنرال لارډ آکلنډ د خپلې سياسي کړنلارې له مخې د امير دوست محمد خان په وړاندې د شاه شجاع ملاتړ وکړ، نو په همدې مهال مېکناټن د خپل سياسي فعاليت له امله وپېژندل شو